ಅಂದದ ಕೈಗೆ ಸುಂದರ ಬಣ್ಣದ ಚಿತ್ತಾರವನ್ನು ಹಾಕುವ ಮನಸ್ಸಿದ್ದರೆ ವಿವಿಧ ವಿನ್ಯಾಸದ ಮಂದರಂಗಿ( ಮೆಹಂದಿ ) ಹಾಕಿಸಿಕೊಳ್ಳಬಹುದು. ಸಾಮಾನ್ಯವಾಗಿ ಮದುವೆ ದಿನಕ್ಕೆಂದೇ ಮೀಸಲಿಟ್ಟ ಶಾಸ್ತçವನ್ನು ಇಂದು ಕೆಲವು ಸ್ಪೆಶಲ್ ಸಂದರ್ಭದಲ್ಲಿ ಮಹಿಳೆಯರು ಮೆಹಂದಿಯನ್ನು ಹಾಕಿಸಿಕೊಳ್ಳುತ್ತಾರೆ.
ಇನ್ನು ಮೆಹಂದಿ ಹಾಕುವವರು ಅಂತು ಇಂದು ತುಂಬನೇ ಸಿಗುತ್ತಾರೆ. ಇವರನ್ನು ಮೆಹಂದಿ ಕಲಾವಿದರು ಎಂದು ಕರೆಯುತ್ತಾರೆ.ಕೆಲವರು ಪೂರ್ಣ ಪ್ರಮಾಣದಲ್ಲಿ ವೃತ್ತಿಯನ್ನಾಗಿ ಆಯ್ಕೆ ಮಾಡಿರುತ್ತಾರೆ. ಇನ್ನು ಕೆಲವರು ಪಾರ್ಟ್ ಟೈಮ್ ವೃತ್ತಿಯಾಗಿಯೂ ಸ್ವೀಕರಿಸಿರುತ್ತಾರೆ.
ಅಂದಹಾಗೆ ಕಲಿಯುವ ವಿದ್ಯಾರ್ಥಿಗಳಿಗೆ ಅಂತೂ ಈ ಕೆಲಸ ವರದಾನ ಎನ್ನಬಹದು. ಯಾಕೆಂದರೆ ಚೆನ್ನಾಗಿ ಚಿತ್ತಾರವನ್ನು ಒಬ್ಬರ ಅಂಗೈಯಲ್ಲಿ ಬಿಡಿಸುವ ಕಲೆ ಸಾಮರ್ಥ್ಯ ಇದ್ದರೆ ಸಾಕು.
ಮೆಹೆಂದಿ ಕಲಾವಿದನಾಗಿ ಮೆಹೆಂದಿಯನ್ನು ಬಳಸಿಕೊಂಡು ಗ್ರಾಹಕರ ಕೈಗಳು ಮತ್ತು ತೋಳುಗಳ ಮೇಲೆ ಸುಂದರವಾದ ವಿನ್ಯಾಸಗಳನ್ನು ರಚಿಸಬೇಕಾಗುತ್ತದೆ, ಸಾಮಾನ್ಯವಾಗಿ ಗ್ರಾಹಕರು ಮುಖ್ಯವಾಗಿ ತಮ್ಮ ಕೈಗಳಲ್ಲಿ ತಮ್ಮಿಷ್ಟದ ವಿನ್ಯಾಸದ ಮೆಹೆಂದಿ ಬಿಡಿಸಲು ಕೇಳಿಕೊಳ್ಳುತ್ತಾರೆ. ಇನ್ನು ಕೆಲವರು ತಮ್ಮ ಕಾಲುಗಳ ಮೇಲೆ ಮೆಹೆಂದಿ ವಿನ್ಯಾಸಗಳನ್ನು ಸಹ ಕೇಳುತ್ತಾರೆ.
ಇಂದು ಮೆಹಂದಿ ಹಾಕುವುದು ಎಂದರೆ ಒಂದು ವೃತ್ತಿಯಾಗಿ ಬೆಳೆದಿದೆ. ಇಲ್ಲಿ ಸಂಪಾದನೆಯ ಬಗ್ಗೆ ಹೇಳುವುದಾದರೆ ಉತ್ತಮ ಸಂಭಾವನೆಯು ಇದೆ. ಮದುಮಗಳ ಮೆಹೆಂದಿ 3000 ಸಾವಿರ ಆರಂಭಿಕ ಬೆಲೆಯಾಗಿರುತ್ತದೆ.
ಅಂಗೈಗೆ ಕೈಗೆ 150 ರಿಂದ 200 ಆಗಿರುತ್ತದೆ. ಪೂರ್ತಿ ಕೈ ಎರಡು ಬದಿಯಲ್ಲಿ (ಹಿಂದೆ ಮತ್ತು ಮುಂದೆ) 300 ರಿಂದ 500, ಪೂರ್ತಿ ಕೈ ಮತ್ತು ಕಾಲು 2000 ರೂ ಆಗಿರುತ್ತದೆ. ಆದರೆ ಇದು ಸಾಮಾನ್ಯ ದರವಾಗಿರುತ್ತದೆ. ಆಯಾ ಪಟ್ಟಣ ಮತ್ತು ಮೆಹಂದಿ ಕಲಾವಿದರು ಅಥಾವ ಬ್ಯೂಟೀಶನ್ ಮೇಲೆ ಅವಲಂಬಿತವಾಗಿ ಬೆಲೆಯು ಭಿನ್ನವಾಗಿರುತ್ತದೆ.
ಸಾಮಾನ್ಯವಾಗಿ ಒಂದು ಮದುವೆಯಿಂದ 10000 ರೂ ಸಂಪಾದಿಸುವ ಸಾಧ್ಯತೆ ಇರುತ್ತದೆ. ಕೆಲವೊಮ್ಮೆ ಮದುಮಗಳಿಗೆ ಹಾಕುವ ಮೆಹಂದಿಯೇ 10000 ರೂ ಆಗಿರುವ ಸಾಧ್ಯತೆಯು ಹೆಚ್ಚು.
ಇತ್ತಿಚೇಗೆ ವ್ಯಾಪಕವಾಗಿ ಬೆಳೆದಿರುವ ಈ ವೃತ್ತಿ ಟೀಂ ವರ್ಕ್ ಆಗಿಯು ಕೆಲಸ ನಿರ್ವಹಿಸುತ್ತದೆ. ಸೀಸನ್ ಸಮಯದಲ್ಲಿ ಹೆಚ್ಚು ಗಳಿಕೆಯನ್ನು ಮಾಡುವ ವೃತ್ತಿ ಅನ್ನಬಹುದು. ಒಟ್ಟಿನಲ್ಲಿ ಫುಲ್ ಟೈಮ್ ಆಗಿಯೂ ಪಾರ್ಟ್ ಟೈಮ್ ಆಗಿಯು ಸಂಪಾದಿಸಲು ಬಯಸುವವರಿಗೆ ಉತ್ತಮ ಅವಕಾಶವನ್ನು ಉದ್ಯೋಗವನ್ನು ನೀಡುತ್ತದೆ.