ಸೇಲಂ: ಜಗತ್ತಿನಲ್ಲಿ ತಾಯಿಯ ಸ್ಥಾನವನ್ನು ತುಂಬುವುದು ಯಾರಿಂದಲೂ ಸಾದ್ಯವಿಲ್ಲ. ತಾಯಿಯ ತ್ಯಾಗಕ್ಕೆ ಬೆಲೆ ಕಟ್ಟಲೂ ಸಾದ್ಯವಿಲ್ಲ. ತಮಿಳುನಾಡಿನ ಈ ಮಹಾ ತಾಯಿಯೊಬ್ಬಳು ತನ್ನ ಮಕ್ಕಳ ಭವಿಷ್ಯಕ್ಕಾಗಿ ತನ್ನ ಜೀವವನ್ನೇ ತ್ಯಾಗ ಮಾಡಿರುವ ಹೃದಯ ವಿದ್ರಾವಕ ಘಟನೆ ವರದಿಯಾಗಿದೆ.
ಸೇಲಂ ಕಲೆಕ್ಟರೇಟ್ನಲ್ಲಿ ತಾತ್ಕಾಲಿಕ ನೈರ್ಮಲ್ಯ ಕಾರ್ಯಕರ್ತೆಯೊಬ್ಬರು ಕಳೆದ ಜೂನ್ 28 ರಂದು ತಿಂಗಳು ಚಲಿಸುವ ಬಸ್ ಅಡಿಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ತಮ್ಮ ಆತ್ಯಹತ್ಯೆಯಿಂದ ತಮ್ಮ ಮಕ್ಕಳಿಗೆ ಶಿಕ್ಷಣವನ್ನು ಪೂರ್ಣಗೊಳಿಸಲು ಆರ್ಥಿಕ ನೆರವು ಸಿಗುತ್ತದೆ ಎಂದು ನಂಬಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಆರಂಭದಲ್ಲಿ, ಪೊಲೀಸರು ಇದೊಂದು ಅಪಘಾತ ಪ್ರಕರಣ ಎಂದು ಮೊಕದ್ದಮೆ ದಾಖಲಿಸಿದ್ದರು ಆದರೆ ನಂತರ ಪ್ರದೇಶದ ಸಿಸಿಟಿವಿ ದೃಶ್ಯಗಳನ್ನು ವೀಕ್ಷಿಸಿದ ನಂತರ ಅದನ್ನು ಬದಲಾಯಿಸಲಾಗಿದೆ.
ಮಕ್ಕಳಿಗಾಗಿ ಜೀವ ತೆತ್ತ ಮಹಿಳೆಯನ್ನು ಪಾಪತಿ (46) ಎಂದು ಗುರುತಿಸಲಾಗಿದೆ, ಈಕೆಯ ಗಂಡ ಕೆಲ ವರ್ಷಗಳ ಹಿಂದೆ ಮೃತಪಟ್ಟಿದ್ದು, ತಮ್ಮ ಇಬ್ಬರು ಮಕ್ಕಳು ಮತ್ತು ಅವರ ತಾಯಿಯೊಂದಿಗೆ ವಾಸಿಸುತ್ತಿದ್ದರು. ಪಾಪಾತಿ ಅವರ ಮಗಳು ಅಂತಿಮ ವರ್ಷದ ಡಿಗ್ರಿ ವಿದ್ಯಾರ್ಥಿನಿ ಆಗಿದ್ದು ಮತ್ತು ಆಕೆಯ ಮಗ ಖಾಸಗಿ ಕಾಲೇಜಿನಲ್ಲಿ ಪ್ರಥಮ ವರ್ಷದ ಡಿಪ್ಲೊಮಾ ವಿದ್ಯಾರ್ಥಿ ಆಗಿದ್ದಾನೆ. ಪೋಲೀಸರ ಪ್ರಕಾರ, ಜೂನ್ 28 ರಂದು ಮರೈಮಲೈ ಅಡಿಗಲ್ ಸ್ಟ್ರೀಟ್ ನಿವಾಸಿ ಪಾಪತಿ ಅಗ್ರಹಾರಂ ಪ್ರದೇಶದ ಬಳಿ ಖಾಸಗಿ ಬಸ್ ಡಿಕ್ಕಿ ಹೊಡೆದಿತ್ತು. ಸೇಲಂ ಟೌನ್ ಪೊಲೀಸರು ಬಸ್ ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ಮುಂದಿನ ತನಿಖೆ ಕೈಗೊಂಡಿದ್ದಾರೆ.
ಅಪಘಾತ ನಡೆದ ಕೆಲ ದಿನಗಳ ನಂತರ ಪೊಲೀಸರು ಆ ಪ್ರದೇಶದ ಸಿಸಿಟಿವಿ ದೃಶ್ಯಾವಳಿಗಳನ್ನು ಅಕಸ್ಮಾತ್ ಪರಿಶೀಲಿಸಿದಾಗ ಮತ್ತು ಬಸ್ ವೇಗವಾಗಿ ಬರುತ್ತಿರುವುದನ್ನು ನೋಡಿದ ನಂತರವೂ ಪಾಪತಿ ರಸ್ತೆ ದಾಟುತ್ತಿರುವುದನ್ನು ಮತ್ತು ರಸ್ತೆ ಮಧ್ಯೆ ನಡೆದು ಹೋಗುತ್ತಿರುವುದನ್ನು ಗಮನಿಸಿದ್ದಾರೆ. “ಆರಂಭದಲ್ಲಿ, ಅಪಘಾತ ಪ್ರಕರಣಗಳಲ್ಲಿ ರೂಢಿಯಂತೆ ಚಾಲಕನ ವಿರುದ್ಧ ಪ್ರಕರಣವನ್ನು ದಾಖಲಿಸಲಾಯಿತು. ಆದರೆ ಸಿಸಿಟಿವಿ ದೃಶ್ಯಗಳನ್ನು ವಿಶ್ಲೇಷಿಸಿದ ನಂತರ ಮತ್ತು ಮುಂದಿನ ವಾರದಲ್ಲಿ ಹೆಚ್ಚಿನ ವಿಚಾರಣೆ ನಡೆಸಿದ ನಂತರ, ಇದು ಆತ್ಮಹತ್ಯೆಯ ಪ್ರಕರಣ ಎಂದು ನಮಗೆ ಮನವರಿಕೆ ಆಯಿತು ಎಂದು ಸೇಲಂ ಪಟ್ಟಣದ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಪೊಲೀಸ್ ಠಾಣೆ ತಿಳಿಸಿದೆ.
ಪಾಪಾ ತಿ ಜೀವನ ನಿರ್ವಹಣೆಗೆ ಕಷ್ಟಪಡುತ್ತಿದ್ದು, ನೆರೆಹೊರೆಯವರು ಮತ್ತು ಹತ್ತಿರದ ಸಂಬಂಧಿಗಳಿಂದ ಸಾಲವನ್ನು ಪಡೆಯುತ್ತಿದ್ದರು ಎಂದು ಹೆಚ್ಚಿನ ವಿಚಾರಣೆಯಿಂದ ತಿಳಿದುಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಅವರು ತಮ್ಮ ಮಗನಿಗೆ ನೀಡಬೇಕಾದ ಕಾಲೇಜು ಶುಲ್ಕ ೪೫ ಸಾವಿರ ರೂಪಾಯಿಗಳನ್ನು ಹೊಂದಿಸಲಾಗದೇ ವೇದನೆ ಅನುಭವಿಸುತ್ತಿದ್ದರು. ಶುಲ್ಕವನ್ನು ಪಾವತಿಸಲು ಮತ್ತು ತನ್ನ ಮಗಳ ಮದುವೆಗೆ ಸಾಕಷ್ಟು ಹಣವನ್ನು ಹೊಂದಿಲ್ಲದಿರುವ ಬಗ್ಗೆ ಚಿಂತಿತರಾಗಿದ್ದರು.
ಆದರೆ ಅಪಘಾತ ಪ್ರಕರಣಗಳಲ್ಲಿ ಸರ್ಕಾರವು ಲಕ್ಷಗಟ್ಟಲೆ ಪರಿಹಾರ ನೀಡುತ್ತದೆ ಎಂದು ಬೇರೆಯವರು ನೀಡಿದ ಸಲಹೆಯನ್ನು ನಂಬಿ ಪಾಪಾತಿ ಅವರು ಕಠೋರ ನಿರ್ಧಾರ ಕೈಗೊಂಡಿದ್ದಾರೆ ಎಂದು ಅಧಿಕಾರಿ ಹೇಳಿದರು.
“ಮಹಿಳೆಯು ಕಲೆಕ್ಟರೇಟ್ನಲ್ಲಿ ಕೆಲಸ ಮಾಡುತ್ತಿದ್ದಳು, ಆದ್ದರಿಂದ ಸಂತ್ರಸ್ತರು ಅಲ್ಲಿಗೆ ಬರುವುದನ್ನು, ಅಪಘಾತಗಳು ಮತ್ತು ಇತರ ಘಟನೆಗಳಿಗೆ ನೆರವು ಪಡೆಯುವುದನ್ನು ಅವರು ಗಮನಿಸಿದ್ದರು ಎಂದು ಅವರು ಹೇಳಿದರು. ಈ “ಘಟನೆಯ ಸುದ್ದಿ ವೈರಲ್ ಆದ ನಂತರ, ಅನೇಕ ಎನ್ಜಿಒಗಳು ತನ್ನ ಹುಡುಗನ ಅಧ್ಯಯನವನ್ನು ಮುಂದುವರಿಸಲು ಸಹಾಯ ಮಾಡಲು ಮುಂದೆ ಬಂದಿವೆ .
ಆದರೆ ಆ ಮಹಾ ತಾಯಿ ನಿರೀಕ್ಷಿಸಿದಂತೆ ಬಸ್ ಅಪಘಾತವಲ್ಲ, ಆತ್ಮಹತ್ಯೆ ಎಂದು ಮೊಕದ್ದಮೆ ಪರಿವರ್ತನೆ ಆಗಿರುವುದರಿಂದ ವಿಮಾ ಕಂಪೆನಿ ಈಕೆಯ ಕುಟುಂಬಕ್ಕೆ ಯಾವುದೇ ಪರಿಹಾರ ನೀಡುವುದಿಲ್ಲ. ಒಂದು ವೇಳೆ ಅಪಘಾತ ಎಂದೇ ದಾಖಲಾಗಿದ್ದರೆ ಖಂಡಿತಾ ಪರಿಹಾರ ಸಿಗುತಿತ್ತು. ಈಕೆಯ ಸಾವಿನ ಸುದ್ದಿಗೆ ಸಾಮಾಜಿಕ ತಾಣಗಳಲ್ಲಿ ಲಕ್ಷಾಂತರ ಜನ ದುಃಖ ವ್ಯಕ್ತಪಡಿಸಿದ್ದಾರೆ.