ಈಗಿನ ಪರಿಸ್ಥಿತಿಯಲ್ಲಿ ಚಿಕ್ಕ ವಯಸ್ಸಲ್ಲೇ ಕೂದಲು ಬಿಳಿಯಾಗಿ ಬಿಡುತ್ತದೆ. ಸಾಮಾನ್ಯವಾಗಿ ಬಿಳಿ ಕೂದಲೆಂದರೆ ವೃದ್ದಾಪ್ಯವನ್ನು ಸೂಚಿಸುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಬಿಳಿ ಕೂದಲು ಬರೀ ವೃದ್ಧರಿಗೆ ಮಾತ್ರವಲ್ಲ, ಯುವಕರು, ಸಣ್ಣ ಮಕ್ಕಳಲ್ಲೂ ಕಂಡು ಬರುತ್ತದೆ.
ಆಯುರ್ವೇದದ ಪ್ರಕಾರ, ನಿಮ್ಮ ಸ್ವಭಾವವು ಪಿತ್ತ ದೋಷವಾಗಿದ್ದರೆ ನಿಮಗೆ ಖಂಡಿತವಾಗಿಯೂ ಈ ಸಮಸ್ಯೆ ಉಂಟಾಗುತ್ತದೆ ಎಂದು ಹೇಳಲಾಗುತ್ತದೆ. ಹಾಗೆಯೇ ಬಿಳಿ ಕೂದಲು ನಮ್ಮ ತಲೆಯಲ್ಲಿ ಕಾಣಿಸಿಕೊಳ್ಳಲು ಕೆಲವು ಕಾರಣಗಳೂ ಇವೆ.
ಕೆಲವೊಮ್ಮೆ ಅದಾಗಿಯೇ ಬಿಳಿ ಕೂದಲು ಕಾಣಿಸಿಕೊಳ್ಳುತ್ತದೆ. ಇನ್ನು ಕೆಲವು ಬಾರಿ ನಾವು ಮಾಡುವ ತಪ್ಪುಗಳಿಂದ ಕೂಡ ಬಿಳಿ ಕೂದಲು ಕಾಣಿಸಿಕೊಳ್ಳುತ್ತದೆ ಎಂದು ಆಯುರ್ವೇದದಲ್ಲಿ ಹೇಳಲಾಗುತ್ತದೆ. ಬಿಳಿ ಕೂದಲು ಕಾಣಿಸಿಕೊಂಡ ಮೇಲೆ ಅದನ್ನು ನಾವು ತಡೆಗಟ್ಟಲು ಈ ರೀತಿ ಮನೆ ಮದ್ದುಗಳನ್ನು ಪ್ರಯತ್ನಿಸಬಹುದು.
ಬಿಸಿನೀರು ನಿಮ್ಮ ಕೂದಲಿನ ಬೇರುಗಳನ್ನು ದುರ್ಬಲಗೊಳಿಸುವುದಲ್ಲದೆ ಬೇರುಗಳನ್ನು ಹಾನಿಗೊಳಿಸುತ್ತದೆ. ಇದರಿಂದ ನಿಮ್ಮ ಕೂದಲು ಒಣಗುತ್ತದೆ ಮತ್ತು ನಿರ್ಜೀವವಾಗುತ್ತದೆ. ನಂತರ ಕೂದಲು ಅಕಾಲಿಕ ಬಿಳಿಯಾಗಲು ಆರಂಭವಾವಗುವ ಸಾಧ್ಯತೆ ಇರುತ್ತದೆ. ಇಪ್ಪತ್ತು ಮೂವತ್ತು ವರ್ಷದಲ್ಲೇ ಕೂದಲು ಬೆಳ್ಳಗಾಗಲು ಪ್ರಮುಖ ಕಾರಣವೆಂದರೆ ರಾಸಾಯನಿಕಗಳ ಬಳಕೆ, ಅದು ಶ್ಯಾಂಪೂ ಇರಬಹುದು, ಇಲ್ಲವೇ ಇನ್ನಿತರ ಕೂದಲಿನ ಬಣ್ಣಗಳ ಬಳಕೆ ಮಾಡುವುದರಿಂದಲು ಕೂದಲು ಬಿಳಿ ಆಗಬಹುದು.
ಈ ರಾಸಾಯನಿಕಗಳನ್ನು ಹೊಂದಿರುವ ಬಣ್ಣಗಳು ತುಂಬಾ ಕಠಿಣವಾಗಿರುವುದರಿಂದ ಕೂದಲು ತನ್ನ ವರ್ಣದ್ರವ್ಯವನ್ನು ಕಳೆದುಕೊಳ್ಳುತ್ತದೆ. ನಾಸ್ಯ ಎಂಬ ಆಯುರ್ವೇದ ಚಿಕಿತ್ಸೆಯಿಂದ ಇದನ್ನು ದೂರ ಮಾಡಿಕೊಳ್ಳಬಹುದು. ಇದರಲ್ಲಿ ಆಯುರ್ವೇದ ತೈಲವನ್ನು ಮೂಗಿನ ಮೂಲಕ ತುಂಬಿಸಲಾಗುತ್ತದೆ. ನಿಮ್ಮ ಕೂದಲು ಬಿಳಿಯಾಗುತ್ತಿದ್ದರೆ ಅಥವಾ ಚರ್ಮದ ಮೇಲೆ ಹೊಳಪು ಕಂಡುಬಂದರೆ, ನೀವು ಈ ಚಿಕಿತ್ಸೆಯನ್ನು ಸಹ ಅನುಸರಿಸಬಹುದಾಗಿದೆ.
ಇದಕ್ಕಾಗಿ ಹಸುವಿನ ತುಪ್ಪವನ್ನು ಬೆಳಿಗ್ಗೆ ಅಥವಾ ಮಲಗುವ ಸಮಯದಲ್ಲಿ ಎರಡೂ ಮೂಗಿನ ಹೊಳ್ಳೆಗಳಲ್ಲಿ ಹಾಕಿದರೆ ಕೂಡ ಇದಕ್ಕೆ ಉತ್ತಮ ಪರಿಹಾರ. ಈ ಚಿಕಿತ್ಸೆಯನ್ನು ಅತ್ಯಂತ ಶಕ್ತಿಯುತವೆಂದು ಪರಿಗಣಿಸಲಾಗುತ್ತದೆ ಮತ್ತು ಅದರಿಂದ ನೀವು ಯಾವುದೇ ಅಡ್ಡಪರಿಣಾಮಗಳಾಗುವುದಿಲ್ಲ.
ಕೂದಲಿಗೆ ಮೂಲದಿಂದ ಪೋಷಣೆ ನೀಡಲು, ಅದರ ಮೇಲೆ ಎಣ್ಣೆಯನ್ನು ಹಚ್ಚಿ ಮತ್ತು ನಿಯಮಿತವಾಗಿ ಮಸಾಜ್ ಮಾಡಿ. ನೀವು ಬಯಸಿದರೆ, ನೀವು ಯಾವುದೇ ಗಿಡಮೂಲಿಕೆ ಹೇರ್ ವೈಲ್ ನ್ನು ಸಹ ಬಳಸಬಹುದು. ನಿಮ್ಮ ಕೂದಲಿಗೆ ನೀವು ದಾಸವಾಳ, ಕರಿಬೇವಿನ ಎಲೆಗಳು, ಬ್ರಾಹ್ಮಿ ಎಲೆಗಳಿಂದ ತಯಾರಿಸಲಾದ ಎಣ್ಣೆಯನ್ನು ಹಚ್ಚುವುದು ಇನ್ನೂ ಉತ್ತಮವಾಗಿದೆ.
ಎಣ್ಣೆಯು ನಿಮಗೆ ಸರಿಹೊಂದುವುದಿಲ್ಲವಾದರೆ, ನೀವು ಹೇರ್ ಮಾಸ್ಕ್ ಅನ್ನು ಬಳಸಬಹುದು. ದಾಸವಾಳ, ಕರಿಬೇವಿನ ಎಲೆಗಳು, ಬ್ರಾಹ್ಮಿ, ಬೇವು ಮತ್ತು ಭೃಂಗರಾಜವನ್ನು ಸೇರಿಸಿ ಹೇರ್ ಮಾಸ್ಕ್ ಅನ್ನು ತಯಾರಿಸಬೇಕಾಗತ್ತದೆ. ವಾರಕ್ಕೆ 2 ರಿಂದ 3 ಬಾರಿ 30 ನಿಮಿಷಗಳ ಕಾಲ ಹಚ್ಚಿ ನಂತರ ಕೂದಲನ್ನು ತೊಳೆಯಿರಿ.
ಆಯುರ್ವೇದದಲ್ಲಿ ಈ 4 ಗಿಡಮೂಲಿಕೆಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ ಇದೆ. ಆಮ್ಲಾ, ಭೃಂಗರಾಜ, ಬ್ರಾಹ್ಮಿ ಮತ್ತು ಕರಿಬೇವಿನ ಎಲೆಗಳು ಕೂದಲಿನ ಬೆಳವಣಿಗೆಯನ್ನು ಸುಧಾರಿಸುವ ಮತ್ತು ಅಕಾಲಿಕವಾಗಿ ಬಿಳಿಯಾಗುವುದನ್ನು ತಡೆಯುವ ಶಕ್ತಿಯನ್ನು ಹೊಂದಿರುವುದು.