ಮೈಸೂರು: ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಮಹತ್ವಾಕಾಂಕ್ಷೀಯ ಯೋಜನೆಯಾದ ಅನ್ನಭಾಗ್ಯ ಯೋಜನೆಯ ಪ್ರಯೋಜನಗಳು ಮಲೆಮಹದೇಶ್ವರ ಬೆಟ್ಟದ ನಾಗಮಲೆ ಮತ್ತು ಸುತ್ತಮುತ್ತಲ ಹಳ್ಳಿಗಳಲ್ಲಿ ವಾಸಿಸುವ ಬುಡಕಟ್ಟು ಕುಟುಂಬಗಳಿಗೆ ತಲುಪುತ್ತಿಲ್ಲ.
ಪುದೂರಿನಿಂದ ನಾಗಮಲೆವರೆಗೆ ಇದ್ದ 10ಕಿ.ಮೀ ಏಕೈಕ ರಸ್ತೆ ಇನ್ನೂ ಡಾಂಬರೀಕರಣಗೊಂಡಿಲ್ಲ ಮತ್ತು ಅತ್ಯಂತ ಶೋಚನೀಯ ಸ್ಥಿತಿಯಲ್ಲಿದೆ. ಈ ಕಾರಣದಿಂದಾಗಿ, ಟ್ರಕ್ ಚಾಲಕರು ಸರ್ಕಾರದ ವಿವಿಧ ಯೋಜನೆಗಳ ಅಡಿಯಲ್ಲಿ ಆಹಾರ ಧಾನ್ಯಗಳು ಮತ್ತು ಇತರ ವಸ್ತುಗಳನ್ನು ನಾಗಮಲೆ ಮತ್ತು ಹತ್ತಿರದ ಹಳ್ಳಿಗಳಿಗೆ ಸಾಗಿಸಲು ನಿರಾಕರಿಸುತ್ತಿದ್ದಾರೆ.
ಇಲ್ಲಿ ಸುಮಾರು 50 ಕುಟುಂಬಗಳು ತಮ್ಮ ಹೊಟ್ಟೆಗಾಗಿ ಸ್ಥಳದಲ್ಲೇ ದೊರೆಯುವ ಆಹಾರ ಧಾನ್ಯಗಳನ್ನು ಅವಲಂಬಿಸಿವೆ. ಇತ್ತೀಚಿನವರೆಗೂ ಮಲೆ ಮಹದೇಶ್ವರ ಬೆಟ್ಟದ ಹಳ್ಳಿಗಳಿಗೆ ಆಹಾರ ಧಾನ್ಯಗಳು ಮತ್ತು ಇತರ ಸರಕುಗಳನ್ನು ತಲುಪಿಸಲು ಹೇಸರಗತ್ತೆಗಳು ಬಳಕೆಯಾಗುತ್ತಿದ್ದವು. ಆದರೆ ಹೆಚ್ಚುತ್ತಿರುವ ವೆಚ್ಚದಿಂದಾಗಿ ಹೇಸರಗತ್ತೆಯ ಮಾಲೀಕರು ಅವುಗಳನ್ನು ಸಾಕುವುದನ್ನು ನಿಲ್ಲಿಸಿರುವುದರಿಂದ ಈ ಸಾರಿಗೆ ವಿಧಾನವನ್ನು ಸಹ ಈಗ ಅಳವಡಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ.
ಕಳಪೆ ಸಾರಿಗೆ ಸೌಲಭ್ಯಗಳಿಂದಾಗಿ ಇಲ್ಲಿಯಜನರು ನಾಲ್ಕು ತಿಂಗಳಿಗೊಮ್ಮೆ ಆಹಾರ ಧಾನ್ಯವನ್ನು ಪಡೆಯುತ್ತಾರೆ.ಮತ್ತು ಮಲೆ ಮಾದೇಶ್ವರ ಬೆಟ್ಟಗಳ ಮೇಲಿರುವ ಪಡಸುಲನಾಥ ಗ್ರಾಮದ ಹಲವಾರು ಕುಟುಂಬಗಳು ಆಹಾರ ಧಾನ್ಯಗಳನ್ನು ಪಡೆಯಲು ಕರ್ನಾಟಕ-ತಮಿಳುನಾಡು ಗಡಿಯಲ್ಲಿರುವ ಪಾಲಾರ್ ಗ್ರಾಮದ ವರೆಗೆ ನಡುಕೊಂಡು ಹೋಗಿ ಧಾನ್ಯವನ್ನು ತರುತ್ತಾರೆ. ಸರ್ಕಾರವು ವಾಹನಗಳನ್ನು ಒದಗಿಸಿದ್ದರೂ, ಅವರು ಬೆಟ್ಟಗಳ ಮೇಲಿನ ಹಳ್ಳಿಗಳಿಗೆ ಹೋಗುವುದಿಲ್ಲ.ಎಂದು ಮತ್ತು ಪ್ರತಿ ತಿಂಗಳು ಆಹಾರ ಧಾನ್ಯಗಳನ್ನು ಪಡೆಯುತ್ತಿಲ್ಲ ಮಲೆ ಮಾದೇಶ್ವರ ಬೆಟ್ಟದ ನಿವಾಸಿ ಚಂದ್ರು ತಿಳಿಸಿದ್ದಾರೆ.
ತಮ್ಮ ಗ್ರಾಮಗಳಿಗೆ ಹೋಗುವ ಏಕೈಕ ರಸ್ತೆಯ ಕರುಣಾಜನಕ ಸ್ಥಿತಿಗೆ ಗ್ರಾಮಸ್ಥರು ಅರಣ್ಯ ಇಲಾಖೆಯನ್ನು ದೂಷಿಸುತ್ತಾರೆ. ಮಲೆ ಮಾದೇಶ್ವರ ಬೆಟ್ಟವು ವನ್ಯಜೀವಿ ಅಭಯಾರಣ್ಯದ ಅಡಿಯಲ್ಲಿ ಬರುವುದರಿಂದ ರಸ್ತೆಯನ್ನು ಡಾಂಬರು ಮಾಡಲು ಅರಣ್ಯ ಇಲಾಖೆ ಸ್ಥಳೀಯ ಅಧಿಕಾರಿಗಳಿಗೆ ಅವಕಾಶ ನೀಡುತ್ತಿಲ್ಲವಾದ್ದರಿಂದ ಇಂತಹ ಸ್ಥಿತಿ ಉಧ್ಬವಿಸಿದೆ.
ಮಲೆ ಮಹದೇಶ್ವರ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾಗಿರುವ ಸಿದ್ದರಾಮಯ್ಯ ಅವರು ಶೀಘ್ರದಲ್ಲೇ ಸಭೆ ಕರೆದು ಸಮಸ್ಯೆ ಬಗೆಹರಿಸಬೇಕು. ಮತ್ತು ಅನೇಕ ಕುಟುಂಬಗಳು ಅನ್ನಭಾಗ್ಯದ ಪ್ರಯೋಜನಗಳನ್ನು ಆನಂದಿಸುವ ಭರವಸೆಯನ್ನು ಕಳೆದುಕೊಂಡಿವೆ ಎಂದು ಗ್ರಾಮಸ್ಥರಾದ ರಾಜಾ ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.
ಸರಿಯಾದ ರಸ್ತೆಸೌಲಭ್ಯಯಿಲ್ಲದ ಕಾರಣ ಮಲೆ ಮಾದೇಶ್ವರ ಬೆಟ್ಟದ ಮೇಲಿನ ಹಳ್ಳಿಗಳಿಗೆ ಸಮಯಕ್ಕೆ ಸರಿಯಾಗಿ ಆಹಾರ ಧಾನ್ಯಗಳನ್ನು ತಲುಪಿಸಲು ಸಾಧ್ಯವಾಗಲಿಲ್ಲ ಎಂದು ಪಿಡಿಎಸ್ ಡೀಲರ್ ಮಣಿ ತಮ್ಮ ಅಸಹಾಯಕತೆಯನ್ನು ವಿವರಿಸಿದ್ದಾರೆ.
ಪಡಿತರ ಧಾನ್ಯವನ್ನು ಪೂರೈಕೆ ಮಾಡುವವರು ಫಲಾನುಭವಿಗಳಿಗೆ ಧಾನ್ಯಗಳನ್ನು ತಲುಪಿಸಲು ವಾಹನಗಳನ್ನು ಬಾಡಿಗೆಗೆ ಪಡೆಯಲು ವ್ಯವಸ್ಥೆಯನ್ನು ಮಾಡಬೇಕಿದೆ. ಈ ಸಮಸ್ಯೆಯನ್ನು ಪರಿಹರಿಸುವ ನಿಟ್ಟಿನಲ್ಲಿ ಆಹಾರ ನಿರೀಕ್ಷಕರಿಂದ ವರದಿಗಳನ್ನು ಪಡೆಯುತ್ತವೆ ಎಂದು ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯ ಉಪ ನಿರ್ದೇಶಕ ಯೋಗಾನಂದ ತಿಳಿಸಿದ್ದಾರೆ.