ಮಂಗಳ ಸೂತ್ರದ ಕರಿಮಣಿ ಯಲ್ಲಿ ಶಿವನ ಸಾನಿಧ್ಯವಿದ್ದರೆ ಅರಿಶಿನದ ದಾರದಲ್ಲಿ ತಾಯಿ ಪಾರ್ವತಿ ನೆಲೆಸಿದ್ದಾಳೆ. ಸುಖ ದಾಂಪತ್ಯ ಜೀವನಕ್ಕೆ ಯಾರ ದೃಷ್ಟಿಯು ತಾಕದಿರಲಿ ವೈವಾಹಿಕ ಜೀವನ ಸುಖ ಸಮೃದ್ಧಿ ಯಿಂದ ತುಂಬಿರಲಿ ಎಂದು ತಾಳಿ, ಕರಿಮಣಿ ಸೇರಿಸಿದ ಮಂಗಳಸೂತ್ರ ಸರವನ್ನು ವಿವಾಹಿತ ಸ್ತ್ರೀಯರು ಧರಿಸುತ್ತಾರೆ.
ವಿವಾಹದ ಸಮಯದಲ್ಲಿ ಅರಿಶಿನ ದಾರದಲ್ಲಿ ಪೋಣಿಸಿದ ಮಾಂಗಲ್ಯವನ್ನು ವರನ ಕೈಯಿಂದ ವಧುವಿಗೆ ಕಟ್ಟಿಸುವಾಗ ಪುರೋಹಿತರು ಮಾಂಗಲ್ಯ ಧಾರಣೆ ಮಂತ್ರವನ್ನು ಹೇಳುತ್ತಾ ಮೂರು ಗಂಟು ಹಾಕಿಸುತ್ತಾರೆ. ಮೂರು ಗಂಟಿನ ಅರ್ಥ ಗಂಡನ ಆಯಸ್ಸು -ಆರೋಗ್ಯ- ಅಭಿವೃದ್ಧಿ ,ವಧುವಿನ ಸೌಭಾಗ್ಯ ಹೆಚ್ಚಾಗಲಿ ಎಂಬುದರ ಸಂಕೇತವಾಗಿದೆ.
ಮಾಂಗಲ್ಯ ಸರ ಕುತ್ತಿಗೆಯಿಂದ ಎದೆ ಗುಂಡಿಗೆಗೆ ಸರಿಯಾಗಿ ಅಥವಾ ನಮ್ಮ ಬೈತಲೆಗೆ ಮುಟ್ಟುವಷ್ಟು ಇರಬೇಕು ಎಂದು ಶಾಸ್ತ್ರ ಹೇಳುತ್ತದೆ. ಕರಿಮಣಿ ಶಿವನ ಸಂಕೇತವಾದರೆ, ಹಳದಿದಾರ ಪಾರ್ವತಿ ಆಗಿದ್ದಾಳೆ, ಇದರಿಂದ ಶಿವ ಪಾರ್ವತಿ ಅನುಗ್ರಹ
ದೊರೆತು ವೈವಾಹಿಕ ಜೀವನ ಸುಖವಾಗಿರುತ್ತದೆ. ಹಾಗೂ ಕರಿಮಣಿ ಶನಿಗ್ರಹದ ಸಂಕೇತ ಆಗಿದೆ ಬಂಗಾರ ಗುರುತತ್ವವನ್ನು ಸೂಚಿಸುತ್ತದೆ. ಶನಿ ಮತ್ತು ಗುರು ಪರಸ್ಪರರ ಕ್ರಿಯೆಯ ಕಾರಣ ಸಂತೋಷದ ಜೀವನಕ್ಕೆ ಕಾರಣವಾಗಿದೆ. ಅರಿಶಿನ ಕುಂಕುಮದಲ್ಲಿ ಸರ್ವ ಮಂಗಳೆ ನೆಲೆಸಿರುತ್ತಾಳೆ ಎಂದು ನಮ್ಮ ಪುರಾಣದಲ್ಲಿ ತಿಳಿಸಲಾಗಿದೆ.
ಮದುವೆಯಲ್ಲಿ ಕಟ್ಟಿದ ತಾಳಿಗಳನ್ನು ಈಗಿನವರು ಹಾಕಿಕೊಳ್ಳುವುದು ಕಡಿಮೆಯಾಗಿದೆ. ಇನ್ನು ಕೆಲವರು ತಾಳಿಗಳನ್ನು ಕೆಲವು ಪದಕಗಳ ರೂಪದಲ್ಲಿ ತಾಳಿ ಎಂದು ಧರಿಸುತ್ತಾರೆ. ತಾಳಿ ಮತ್ತೊಬ್ಬರ ಕಣ್ಣಿಗೆ ಕಾಣದಂತೆ ಸೆರಗಿನೋಳಗೆ ಮುಚ್ಚಿರಬೇಕು. ಇದೆಲ್ಲ ಹಿಂದಿನ ಕಾಲದಲ್ಲಿ ನಡೆಯುತ್ತಿತ್ತು ಆದರೆ ಇಂದು ದಿನಕ್ಕೊಂದು ಮಾಂಗಲ್ಯವನ್ನು ಧರಿಸಿ ಹೆಣ್ಣು ಮಕ್ಕಳು ಓಡಾಡುತ್ತಿರುತ್ತಾರೆ.
ಕೆಲವರು ಮಾಂಗಲ್ಯವನ್ನು ಯಾವ ಸಮಯವೆನ್ನದೆ ಸ್ನಾನ ಮಾಡುವಾಗ, ಮಲಗುವಾಗ ಮಾಂಗಲ್ಯ ಸರ ತೆಗೆದಿಡುತ್ತಾರೆ. ಹೀಗೆ ಮಾಡುವುದು ಸೂಕ್ತವಲ್ಲ ಅಕಸ್ಮಾತ್ ತಾಳಿಯನ್ನು ಬದಲಾಯಿಸುವ ಸಂದರ್ಭ ಬಂದರೂ ಕೂಡ ಅದಕ್ಕೆ ಒಂದು ನಿರ್ದಿಷ್ಟ ಸಮಯ ಅಂತೇ ಇರುತ್ತದೆ ಆಗಲೇ ಅದನ್ನು ಬದಲಾಯಿಸಬೇಕು.
ಮಾಂಗಲ್ಯವನ್ನು ನಾವು ಪೂಜಿಸುತ್ತಿರಬೇಕು ಅದಕ್ಕೆ ನೀಡಬೇಕಾದ ಗೌರವವನ್ನು ಸದಾ ನೀಡುತ್ತಲೇ ಬರಬೇಕು ಅದನ್ನು ಫ್ಯಾಶನ್ ಅನ್ನುವ ರೀತಿಯಲ್ಲಿ ನೋಡದೆ ಗೌರವತವಾಗಿ ಕಾಣಬೇಕು.