ಹಣ್ಣುಗಳಲ್ಲಿ, ಸ್ಟಾರ್ ಫ್ರೂಟ್ ಹಣ್ಣು ವಿಶಿಷ್ಟ ಆಕಾರವನ್ನು ಹೊಂದಿದೆ. ಈ ನಕ್ಷತ್ರಾಕಾರದ ಹಣ್ಣು ರಸಭರಿತವಾಗಿರುತ್ತದೆ. ಮಾಗಿದ ಈ ಹಣ್ಣುಗಳು ಹಳದಿ ಮತ್ತು ಸಿಹಿಯಾಗಿರುತ್ತವೆ. ಇನ್ನೂ ಬಲಿಯದ ಹಣ್ಣುಗಳು ಹುಳಿಯಾಗಿರುತ್ತವೆ.
ಈ ನಕ್ಷತ್ರ ಹಣ್ಣಿನಲ್ಲಿ ವಿಟಮಿನ್ ಎ, ಬಿ ಮತ್ತು ಸಿ ಸಮೃದ್ಧವಾಗಿದೆ. ಇವುಗಳನ್ನು ತಿನ್ನುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳಿವೆ.
ಮಹಿಳೆಯರು ದಿನಕ್ಕೆ 25 ಗ್ರಾಂ ಫೈಬರ್ ತಿನ್ನಬೇಕು ಆ ಗುರಿಯನ್ನು ಸಾಧಿಸಲು ಈ ನಕ್ಷತ್ರ ಹಣ್ಣು ಸಹಾಯ ಮಾಡುತ್ತದೆ
ಇದರಲ್ಲಿ ಕಡಿಮೆ ಕಾರ್ಬೋಹೈಡ್ರೇಟ್ಸ್ ಕಡಿಮೆ ಸಕ್ಕರೆ ತಿನ್ನುವವರಿಗೆ ಸ್ಟಾರ್ ಫ್ರೂಟ್ ಒಳ್ಳೆಯದು. ಪ್ರತಿ ಹಣ್ಣಿನಲ್ಲಿ ಕಡಿಮೆ ಕ್ಯಾಲೋರಿಗಳನ್ನು ಹೊಂದಿರುವ ಇದು ದೇಹದ ಕೊಬ್ಬನ್ನು ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ.
ಸ್ಟಾರ್ ಹಣ್ಣುಗಳು ನಿಮ್ಮ ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಣದಲ್ಲಿ ಇಡುತ್ತವೆ. ಇದು ರಕ್ತದಲ್ಲಿ ಸಂಗ್ರಹವಾದ ಕೊಬ್ಬನ್ನು ಸಹ ತೆಗೆದುಹಾಕುತ್ತದೆ.
ಈ ಹಣ್ಣಿನಲ್ಲಿ ನಾರಿನಂಶ ಹೆಚ್ಚಿದ್ದು ಕ್ಯಾಲೋರಿ ಕಡಿಮೆಯಿರುತ್ತದೆ. ಪೈಬರ್ ಜೀವಸತ್ವಗಳು ಮತ್ತು ಖನಿಜಗಳಿಂದ ಇದು ಕೂಡಿರುವುದರಿಂದ ಜೀರ್ಣಾಂಗ ವ್ಯವಸ್ಥೆಗೆ ಒಳ್ಳೆಯದು. ಇದಲ್ಲದೆ, ಈ ಹಣ್ಣು ಕರುಳನ್ನು ಶುದ್ಧೀಕರಿಸುವಲ್ಲೂ ಸಹಾಯ ಮಾಡುತ್ತದೆ.
ದೇಹದ ತೂಕ ಕಡಿಮೆ ಮಾಡಿಕೊಳ್ಳಲು ಈ ನಕ್ಷತ್ರ ಹಣ್ಣು ನೆರವು ನೀಡುತ್ತದೆ. ಇದರಲ್ಲಿ ಪೋಷಕಾಂಶಗಳು ಪೂರ್ಣವಾಗಿದ್ದು, ಕಡಿಮೆ ಕ್ಯಾಲೋರಿ ಹೊಂದಿರುವ ಈ ಸ್ಟಾರ್ ಹಣ್ಣು ತೂಕ ಇಳಿಕೆಗೆ ಸೂಕ್ತ ಹಣ್ಣು.
ಚಯಾಪಚಯವನ್ನು ಹೆಚ್ಚಿಸುತ್ತದೆ. ದೇಹದಲ್ಲಿ ಹೆಚ್ಚಿನ ಕ್ಯಾಲೊರಿಗಳನ್ನು ಕರಗಿಸಲು ಸಹಾಯ ಮಾಡುತ್ತದೆ.
ಇದು ಚಯಾಪಚಯವನ್ನು ವೇಗಗೊಳಿಸುವ ಕಾರ್ಯವನ್ನು ಈ ಹಣ್ಣು ಮಾಡುತ್ತದೆ.
ಈ ಹಣ್ಣು ಹೃದಯಕ್ಕೆ ಒಳ್ಳೆಯದಾಗಿದ್ದು, ಸೋಡಿಯಂ, ಪೊಟ್ಯಾಸಿಯಂ ಮತ್ತು ಇತರ ಖನಿಜಗಳಲ್ಲಿ ಸಮೃದ್ಧವಾಗಿರುವ ಸ್ಟಾರ್ ಹಣ್ಣುಗಳು ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.
ಉತ್ತಮ ಇಮ್ಯುನಿಟಿ ಬೂಸ್ಟರ್ ಆಗಿರುವ ಸ್ಟಾರ್ ಫ್ರೂಟ್ ನಲ್ಲಿ ವಿಟಮಿನ್ ಸಿ ಅಧಿಕವಾಗಿದೆ. ಸ್ಟಾರ್ ಹಣ್ಣಿನಲ್ಲಿ ಮೆಗ್ನೀಸಿಯಂ, ಕಬ್ಬಿಣ, ಸತು, ಮ್ಯಾಂಗನೀಸ್, ಪೊಟ್ಯಾಸಿಯಂ, ರಂಜಕವಿದೆ. ಒಟ್ಟಿನಲ್ಲಿ ಸ್ಟಾರ್ ಫ್ರೂಟ್ ಎಲ್ಲಾ ಆರೋಗ್ಯ ದೃಷ್ಟಿಯಿಂದಲೂ ಉತ್ತಮವಾದದ್ದು.