ಕಾಳುಗಳಲ್ಲಿ ಅನೇಕ ವಿಧಗಳು ಅದರಲ್ಲಿ ಹುರುಳಿಕಾಳು ಕೂಡ ಒಂದು. ಹುರುಳಿ ಕಾಳಿನಲ್ಲಿ ಪ್ರೊಟಿನ್,ಖನಿಜಗಳು, ವಿಟಮಿನ್ಗಳು, ಮ್ಯಾಂಗನೀಸ್, ವಿಟಮಿನ್ ಎ,ಬಿ,ಸಿ,ಇ, ಕೆ ಮತ್ತು ಇನ್ನಿತರ ಉಪಯುಕ್ತ ಪೋಷಕಾಂಶಗಳು ಹೇರಳವಾಗಿರುತ್ತದೆ.
ಮೊಳಕೆ ಕಟ್ಟಿದ್ದ ಹುರುಳಿ ಕಾಳು ತುಂಬಾ ಉಪಯೋಗಕಾರಿ. ವಾರಕ್ಕೆ ಎರಡು ಬಾರಿ ಆದರೂ ಇದನ್ನು ಸೇವಿಸಿದರೆ ಆರೋಗ್ಯ ಉತ್ತಮವಾಗಿರುವುದು. ಇತ್ತೀಚಿನ ದಿನಗಳಲ್ಲಿ ಈ ಕಾಳುಗಳು ಕೂಡ ಮಾರುಕಟ್ಟೆಯಲ್ಲಿ ಸಿಗುವುದರಿಂದ ಯಾವುದಕ್ಕೂ ಹೆಚ್ಚು ತಲೆ ಕೆಡಸಿಕೊಳ್ಳಬೇಕಂತಿಲ್ಲ. ಮೊದಲೆಲ್ಲಾ ಕಾಲುಗಳನ್ನು ಮೊಳಕೆ ಕಟ್ಟುವುದೇ ಒಂದು ಸಂಭ್ರಮ. ಹಳ್ಳಿ , ಸಿಟಿ ಸೇರಿದಂತೆ ಎಲ್ಲಾ ಗೃಹಿಣಿಯರು ಕಾಳುಗಳನ್ನು ಮೊಳಕೆ ಕಟ್ಟುವುದರಲ್ಲಿ ಆಸಕ್ತಿ ತೋರಿಸುತ್ತಿದ್ದರು.
ಹುರುಳಿ ಕಾಳಿನಿಂದ ಹೇಗೆ ಖಾದ್ಯ ತಯಾರಿಸಿದರೂ, ಅದು ರುಚಿಯಾಗಿರುತ್ತದೆ. ರುಚಿ ಮಾತ್ರವಲ್ಲದೇ ಆರೋಗ್ಯಕರವಾಗಿರುತ್ತದೆ.
ಇದರ ಸೇವನೆಯಿಂದ ಆರೋಗ್ಯಕ್ಕೆ ಅನೇಕ ರೀತಿಯ ಪ್ರಯೋಜನಗಳು ಇವೆ. ಇದರಲ್ಲಿ ಉತ್ತಮ ಪ್ರಮಾಣದ ಫೈಬರ್ ಅಂಶವಿರುವುದರಿಂದ ತೂಕ ಇಳಿಕೆಗೆ, ಜೀರ್ಣಕ್ರಿಯೆ, ಮಲಬದ್ಧತೆ ಆಗದ ಹಾಗೆ ನೋಡಿಕೊಳ್ಳುತ್ತದೆ.
ಕೊಲೆಸ್ಟ್ರಾಲ್ ಸಮಸ್ಯೆಯಿಂದ ಬಳಲುತ್ತಿದ್ದರೆ ಹುರುಳಿಕಾಳಿನ ನಿಯಮಿತ ಸೇವನೆಯಿಂದ ದೇಹದ ಕೆಟ್ಟ ಕೊಲೆಸ್ಟ್ರಾಲ್ ನ್ನು ತೆಗೆದುಹಾಕವತ್ತ ಸಹಾಯ ಮಾಡುತ್ತದೆ.
ಹುರುಳಿಕಾಳಿನಲ್ಲಿ ದೇಹದ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕೂಡ ಕಡಿಮೆ ಮಾಡುವ ಪ್ರಬಲವಾದ ಅಂಶ ಹೊಂದಿರುವುದರಿಂದ ಇದು ಮಧುಮೇಹ ನಿಯಂತ್ರಣಕ್ಕೆ ಸಹಕಾರಿಯಾಗಿದೆ.