ಚುನಾವಣೆಯನ್ನು ಗುರಿಯಾಗಿಸಿಕೊಂಡು ಕಾಂಗ್ರೆಸ್ ಪಕ್ಷವು ಮತ್ತೊಂದು ಯಾತ್ರೆಯನ್ನು ಆರಂಬಿಸಲಿದೆ. ಈ ಹಿಂದೆ ಭಾರತ್ ಜೋಡೋ ಯಾತ್ರೆಯನ್ನು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ನೇತೃತ್ವದಲ್ಲಿ ಸೆಪ್ಟಂಬರ್ 7, 2022 ರಂದು ಕನ್ಯಾಕುಮಾರಿಯಿಂದ ಜಮ್ಮುಕಾಶ್ಮೀರದವರೆಗಿನ ಪಾದಯಾತ್ರೆಯನ್ನು 150 ದಿನಗಳಲ್ಲಿ ಕ್ರಮಿಸಿ ಪಕ್ಷದ ಕಾರ್ಯಕರ್ತರನ್ನು ಮತ್ತು ಸಾರ್ವಜನಿಕರನ್ನು ಒಂದು ರೀತಿಯಲ್ಲಿ ಚುನಾವಣೆಗೆ ಸಜ್ಜುಗೊಳಿಸಿತ್ತು.
ಕರ್ನಾಟಕ ವಿಧಾನಸಭಾ ಚುನಾವಣೆ 2023ರ ಹೊಸ್ತಿಲಲ್ಲಿ ಜಿಲ್ಲಾವಾರು ಮತ್ತು ವಿಧಾನ ಸಭಾ ಕ್ಷೇತ್ರದಲ್ಲಿ ಪ್ರತ್ಯೇಕವಾಗಿ ಹಂತ ಹಂತವಾಗಿ ‘ಪ್ರಜಾಧ್ವನಿ’ ಯಾತ್ರೆಯನ್ನು ಕೈಗೊಂಡಿತ್ತು. ಇದು ಸಾರ್ವಜನಿಕರು ಮತ್ತು ಪಕ್ಷದ ನಡುವಿನ ಕೊಂಡಿ ಬೆಸೆಯುವಲ್ಲಿ ಯಶಸ್ವಿಯಾಯಿತ್ತು.
ಕರ್ನಾಟಕದಲ್ಲಿ ವಿಧಾನಸಭಾ ಚುನಾವಣೆ ನಡೆದು ಕಾಂಗ್ರೇಸ್ ಸರ್ಕಾರ ಅಧೀಕಾರಕ್ಕೆ ಬಂದ ಬೆನ್ನಲ್ಲೇ ಈಗ ಮಧ್ಯಪ್ರದೇಶದ ಕಾಂಗ್ರೆಸ್ ಪಕ್ಷವು ಮುಂಬರುವ ವಿಧಾನಸಭಾ ಚುನಾವಣೆಗೆ ಸಕಲ ಸಿದ್ಧತೆಯನ್ನು ಮಾಡಿಕೊಳ್ಳುತ್ತಿದೆ.
ಕರ್ನಾಟಕದಲ್ಲಿ ಪ್ರಜಾಧ್ವನಿ ಯಾತ್ರೆಯ ಯಶಸ್ವಿನ ಹಿನ್ನಲೆಯಲ್ಲಿ ಮಧ್ಯಪ್ರದೇಶದ ಕಾಂಗ್ರೇಸ್ ಪಕ್ಷವು ಜೂನ್ 15ರಿಂದ ಕಮಲ್ ನಾಥ್ ಸಂದೇಶ್ ಯಾತ್ರೆಯನ್ನು ಆರಂಭಿಸುತ್ತಿದೆ.
ಕಾಂಗ್ರೆಸ್ ಪಕ್ಷವು ರಾಜ್ಯದ ಪ್ರಧಾನ ಕಚೇರಿಯಿಂದ ಮಾಜಿ ಮುಖ್ಯಂತ್ರಿ ಕಮಲ್ ನಾಥ್ ಚಾಲನೆಯಿಂದ ಆರಂಭಗೊಳ್ಳುವ ಯಾತ್ರೆ 23 ಲಕ್ಷಜನರನ್ನು ಗುರಿಯಾಗಿಸಿಕೊಂಡು ಮೊದಲ ಹಂತದಲ್ಲೇ ಬುಂದೇಲ್ಖಂಡ್ ಪ್ರದೇಶದ 10 ಜಿಲ್ಲೆ ತುಲುಪುವ ಗುರಿಯನ್ನು ಹೊಂದಿದೆ.
ಕಾಂಗ್ರೆಸ್ ಪಕ್ಷವು ಹಿಂದುಳಿದ ಜಾತಿಗೆ ಸೇರಿದ ಜನರೊಂದಿಗೆ ಸಂಪರ್ಕ ಸಾಧಿಸುವ ಉದ್ದೇಶವನ್ನು ಇಟ್ಟು ಕೊಂಡು ಯಾತ್ರಾ ರಣತಂತ್ರವನ್ನು ರೂಪಿಸಿದೆ.
12 ದಿನಗಳ ಯಾತ್ರೆಯಲ್ಲಿ 10 ಜಿಲ್ಲೆಗಳ 25 ವಿಧಾನಸಭಾ ಕ್ಷೇತ್ರಗಳಲ್ಲಿ 50ಕ್ಕೂ ಹೆಚ್ಚು ಸಾರ್ವಜನಿಕ ಸಭೆಗಳು ನಡೆಯಲಿದ್ದು, ಗೃಹ ಸಚಿವ ನರೋತ್ತಮ್ ನಿಶ್ರಾರ ವಿಧಾನಸಭಾ ಕ್ಷೇತ್ರದಲ್ಲಿ ಕಾಂಗ್ರೆಸ್ ತನ್ನ ಶಕ್ತಿ ಪ್ರದರ್ಶನದೊಂದಿಗೆ ಯಾತ್ರೆ ಕೊನೆಗೊಳಿಸಲಿದೆ.
ಪಕ್ಷವು 15ತಿಂಗಳ ಆಡಳಿತದಲ್ಲಿ ಹಿಂದುಳಿದ ಜಾತಿಗಳಿಗೆ ಮಾಡಿರುವ ಕೆಲಸಗಳನ್ನು ಜನರಿಗೆ ಮುಟ್ಟಿಸುವ ಸರ್ವ ಪ್ರಯತ್ನವನ್ನು ಮಾಡಲಿದೆ.
ಕರ್ನಾಟಕದಲ್ಲಿ ಕಾಂಗ್ರೆಸ್ನ ಗ್ಯಾರಂಟಿಗಳ ಭರವಸೆಯ ಮೇಲೆ ಸರ್ಕಾರ ಸ್ಥಾಪಿಸುವಲ್ಲಿ ಮೇಲುಗೈ ಸಾಧಿಸಿತ್ತು . ಮಧ್ಯಪ್ರದೇಶದ ಮಾಜಿ ಮುಖ್ಯಮಂತ್ರಿ ಕಮಲ್ ನಾಥ್ರವರ ಚುನಾವಣೆಯ ಭರವಸೆಗಳಾದ ನಾರಿ ಸಮ್ಮಾನ್ ಯೋಜನೆಯ ಅಡಿಯಲ್ಲಿ ಮಾಸಿಕ 15000 ರೂ, ಪ್ರತಿ ಮನೆಗೆ ಸಬ್ಸಿಡಿ ಎಲ್ಪಿಜಿ ಸಿಲಿಂಡರ್ಗಳು, ಅಗ್ಗದ ದರದಲ್ಲಿ ವಿದ್ಯುತ್ ಮತ್ತು ಹಳೆಯ ಪಿಂಚಣಿ ಯೋಜನೆಯನ್ನು(ಒಪಿಎಸ್) ಮರಳಿ ತರುವ ಭರವಸೆಗಳನ್ನು ನೀಡಲು ಸಜ್ಜಾಗಿದೆ.
ಕರ್ನಾಟಕದಲ್ಲಿ ಯಶಸ್ವಿಯಾದ ಯಾತ್ರೆಯು ಮಧ್ಯಪ್ರದೇಶದಲ್ಲಿಯೂ ಮೋಡಿ ಮಾಡುತ್ತಾ ಎನ್ನುವುದದೇ ಕೂತುಹಲಕ್ಕೆ ಕಾರಣವಾಗಿದೆ.ಒಟ್ಟಾಗಿ ಕಾಂಗ್ರೆಸ್ ತನ್ನ ಯಾತ್ರೆಯನ್ನು ಮುಂದುವರಿಸುತ್ತಾಲೆ ಇದೆ. ಈ ಯಾತ್ರೆಯು ಮಧ್ಯ ಪ್ರದೇಶದಲ್ಲಿ ಆಡಳಿತದ ಚುಕ್ಕಾಣಿಯನ್ನು ಸಾಧಿಸುವಲ್ಲಿ ಎಷ್ಟರ ಮಟ್ಟಿಗೆ ಸಾಧ್ಯವಾಗಿಸುತ್ತದೆ ಎಂದು ಕಾದು ನೋಡ ಬೇಕಾಗಿದೆ.