ನೀವು ಯಾವುದೆ ಕಂಪನಿಯ ಕುಡಿಯೋ ತಂಪು ಪಾನೀಯಗಳು ಹಲವು ರಹಸ್ಯಗಳನ್ನು ಹೊಂದಿವೆ. ಅದರಲ್ಲೂ ಯಾವುದೇ ಜ್ಯೂಸ್ ಬಾಟಲಿಯಾಗಲಿ ಸಾಮಾನ್ಯವಾಗಿ ಫುಲ್ ತುಂಬಿರಲ್ಲ. ಸ್ವಲ್ಪವಾದ್ರೂ ಜಾಗ ಬಿಟ್ಟಿರುತ್ತಾರೆ. ಹಾಗಿದ್ರೆ ಇದು ಏಕೆ ಹೀಗೆ ಎಂದು ಗೊತ್ತಾ?
ಬೇಸಿಗೆ ಬಂತೆಂದರೆ ಸಾಕು ತಂಪು ಪಾನೀಯಗಳಿಗೆ ಬೇಡಿಕೆಯೋ ಬೇಡಿಕೆ. ಮಕ್ಕಳಿರಲಿ, ದೊಡ್ಡವರಿರಲಿ ಎಲ್ಲರೂ ತಂಪು ಪಾನೀಯಗಳನ್ನು ಕುಡಿಯುತ್ತಾರೆ. ಇದರಿಂದಾಗಿ ಅಂಗಡಿಗಳಲ್ಲೂ ಅವುಗಳ ಮಾರಾಟ ಚೆನ್ನಾಗಿಯೇ ಆಗುತ್ತಿರುತ್ತದೆ. ನೀವೂ ಕೂಡ ಯಾವತ್ತಾದ್ರೂ ಇಂತಹ ಕೂಲ್ ಡ್ರಿಂಕ್ಸ್ಗಳನ್ನು ಕುಡಿದಿರ್ತೀರಾ. ಆದರೆ ಇದರ ಬಗ್ಗೆ ಗೊತ್ತಿರದ ಹಲವು ಸಂಗತಿಗಳು ಇದರಲ್ಲಿ ಅಡಗಿವೆ.
ಯಾವುದೇ ಜ್ಯೂಸ್ ಬಾಟಲಿಯಾಗಲಿ ಸಾಮಾನ್ಯವಾಗಿ ಫುಲ್ ತುಂಬಿರುವುದಿಲ್ಲ. ಸ್ವಲ್ಪವಾದ್ರೂ ಜಾಗ ಬಿಟ್ಟಿರುತ್ತಾರೆ. ಇನ್ನು ತಂಪು ಪಾನೀಯಗಳು ಮಾತ್ರವಲ್ಲದೆ ನೀರಿನ ಬಾಟಲಿಗಳು, ಬಾಡಿ ವಾಶ್, ಶಾಂಪೂ ಮುಂತಾದ ನೀರಿನಿಂದ ತುಂಬಿದ ಎಲ್ಲಾ ಬಾಟಲಿಗಳು, ಅವುಗಳ ಮೇಲಿನ ಸ್ವಲ್ಪ ಭಾಗ ಖಾಲಿಯಾಗಿರುತ್ತದೆ. ಇದಕ್ಕೆ ಮೊದಲ ಕಾರಣವೆಂದರೆ ಈ ರೀತಿಯ ಬಾಟಲಿಗಳನ್ನು ಒಂದು ಕಡೆಯಿಂದ ಇನ್ನೊಂದು ಕಡೆಗೆ ಕೊಂಡೊಯ್ಯುವಾಗ ಫುಲ್ ತುಂಬಿದ್ರೆ ಚೆಲ್ಲಬಹುದು. ಆದ್ರೆ ಈ ರೀತಿ ತುಂಬಿದ್ರೆ ಹೊರಗಡೆ ಬೀಳುವುದಿಲ್ಲ.
ತಂಪು ಪಾನೀಯಗಳ ಒಳಗೆ ಗ್ಯಾಸ್ ಇರುತ್ತದೆ ಎಂದು ಸಾಮಾನ್ಯವಾಗಿ ಎಲ್ಲರಿಗೂ ತಿಳಿದಿದೆ. ತಂಪು ಪಾನೀಯಗಳನ್ನು ಪ್ಯಾಕ್ ಮಾಡುವ ಸಮಯದಲ್ಲಿ, ಅವುಗಳನ್ನು ಕೋಣೆಯ ಉಷ್ಣಾಂಶಕ್ಕಿಂತ ಕಡಿಮೆಗೆ ತಂಪಾಗಿಸಲಾಗುತ್ತದೆ ಮತ್ತು ನಂತರ ಪ್ಯಾಕ್ ಮಾಡಲಾಗುತ್ತದೆ. ಇದರ ನಂತರ, ಬಾಟಲಿಗಳನ್ನು ಬಿಸಿಲಿನಲ್ಲಿ ಅಥವಾ ಇತರ ರೀತಿಯ ಬಿಸಿ ತಾಪಮಾನದಲ್ಲಿ ಅಗತ್ಯಕ್ಕೆ ಅನುಗುಣವಾಗಿ ಹಲವಾರು ದಿನ ಬಿಡಲಾಗುತ್ತದೆ. ಈ ಕಾರಣದಿಂದಾಗಿ, ಬಾಟಲಿಯೊಳಗಿನ ತಾಪಮಾನವು ಹೆಚ್ಚಾಗಲು ಶುರುವಾಗುತ್ತದೆ.
ಇನ್ನು ಕಾರ್ಬನ್ ಡೈಆಕ್ಸೈಡ್ ಅನಿಲವು ತಂಪು ಪಾನೀಯಗಳಲ್ಲಿ ಕಂಡುಬರುತ್ತದೆ. ಬಾಟಲಿಯ ಉಷ್ಣತೆಯು ಹೆಚ್ಚಾದಾಗ, ಈ ಅನಿಲವು ದ್ರವದಿಂದ ಹೊರಬರುತ್ತದೆ. ಆದ್ದರಿಂದ ಒಂದು ವೇಳೆ ಫುಲ್ ಇದ್ರೆ ಬಾಟಲಿ ಮೇಲೆ ಒತ್ತಡ ಬೀಳುತ್ತೆ. ಅದಕ್ಕಾಗಿ ಈ ರೀತಿ ವಿನ್ಯಾಸ ಮಾಡಲಾಗಿರುತ್ತದೆ. ಇನ್ನು ಈ ರೀತಿ ಬಾಟಲಿ ಒಳಗಡೆ ಜಾಗವಿದ್ದಾಗ ಈ ಒತ್ತಡವು ಅಲ್ಲೇ ಬೀಳುತ್ತದೆ. ಒಂದು ವೇಳೆ ಫುಲ್ ತುಂಬಿದ್ದರೆ ಅನಿಲದ ಒತ್ತಡವು ತುಂಬಾ ಹೆಚ್ಚಿರಬಹುದು, ಅದು ಪ್ಲಾಸ್ಟಿಕ್ ಇಂದ ಹೊರಗೆ ಸಹ ಬರಬಹುದು. ಅದಕ್ಕಾಗಿ ಈ ರೀತಿ ಮಾಡಿದ್ದಾರೆ. ಸ್ವಲ್ಪ ಖಾಲಿ ಜಾಗ ಬಿಟ್ಟು ಮುಚ್ಚಳವನ್ನು ಹಾಕಲಾಗುತ್ತದೆ.