ರಾಷ್ಟ್ರ ಪ್ರಶಸ್ತಿ ವಿಜೇತ ನಟ ಆಶೀಶ್ ವಿದ್ಯಾರ್ಥಿ ಅವರು ಅಸ್ಸಾಂನ ಫ್ಯಾಷನ್ ಉದ್ಯಮಿ ರೂಪಾಲಿ ಬರುವಾ ಅವರನ್ನು ವಿವಾಹವಾಗಿ ಹೊಸ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಬಹುಭಾಷಾ ಖಳನಟರಾಗಿರುವ ಅಶೀಶ್ ವಿದ್ಯಾರ್ಥಿ 60ನೇ ವಯಸ್ಸಿನಲ್ಲಿ ಎರಡನೇ ವಿವಾಹವಾಗಿದ್ದಾರೆ.
ಕುಟುಂಬಸ್ಥರು ಹಾಗೂ ಆತ್ಮೀಯರ ಸಮ್ಮುಖದಲ್ಲಿ ಆಶೀಶ್ ವಿದ್ಯಾರ್ಥಿ ಮತ್ತು ರೂಪಾಲಿ ಬರುವಾ ರಿಜಿಸ್ಟರ್ ಮ್ಯಾರೇಜ್ ಮಾಡಿಕೊಂಡಿದ್ದಾರೆ. ಬಳಿಕ ರಿಸೆಪ್ಷನ್ ಹಾಗೂ ಗೆಟ್-ಟು-ಗೆದರ್ ಈವೆಂಟ್ ನಡೆದಿದೆ.
ನಟ ಆಶೀಶ್ ವಿದ್ಯಾರ್ಥಿ ಈ ಹಿಂದೆ ರಾಜೋಶಿ ಬರುವಾ ಅವರನ್ನ ಮದುವೆಯಾಗಿದ್ದರು. ಈ ದಂಪತಿಗೆ ಓರ್ವ ಪುತ್ರನಿದ್ದಾನೆ. ರಾಜೋಶಿ ಬರೋವಾ ಕೂಡಾ ನಟಿ, ಗಾಯಕಿ ಹಾಗೂ , ರಂಗಭೂಮಿ ಕಲಾವಿದೆ.
ಆಶೀಶ್ ವಿದ್ಯಾರ್ಥಿ ಸಿನಿಮಾ ಜೀವನ:
ಆಶೀಶ್ ವಿದ್ಯಾರ್ಥಿ. ಹಿಂದಿ, ತೆಲುಗು, ತಮಿಳು, ಕನ್ನಡ, ಮಲಯಾಳಂ, ಇಂಗ್ಲೀಷ್, ಮರಾಠಿ, ಬೆಂಗಾಲಿ ಮುಂತಾದ ಭಾಷೆಗಳ ಚಿತ್ರಗಳಲ್ಲಿ ಅಭಿನಯಿಸಿ ಬಹುಭಾಷಾ ನಟನಾಗಿ ಗುರುತಿಸಿಕೊಂಡಿದ್ದಾರೆ. ರಂಗಭೂಮಿಯಲ್ಲಿ ಸಕ್ರಿಯರಾಗಿದ್ದ ಆಶೀಶ್ ‘ಕಾಲ್ ಸಂಧ್ಯಾ’ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ‘ಸರ್ದಾರ್’, ‘ದ್ರೋಹ್ಕಾಲ್’, ‘1942: ಎ ಲವ್ ಸ್ಟೋರಿ’, ‘ಬಾಝಿ’, ‘ಜೀತ್’, ‘ಝಿದ್ದಿ’, ‘ಮೇಜರ್ ಸಾಬ್’, ‘ವಾಸ್ತವ್: ದಿ ರಿಯಾಲಿಟಿ’, ‘ಬಾದಲ್’, ‘ಜೋಡಿ ನಂ 1’, ‘ಶರಾರತ್’, ‘ಗಿಲ್ಲಿ’, ‘ಪೊಕಿರಿ’, ‘ಬ್ರಹ್ಮಾಸ್ತ್ರಂ’, ‘ಪೊರ್ಕಿ’, ‘ವರುಡು’ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಕನ್ನಡ ಸಿನಿಮಾದಲ್ಲಿ ಆಶೀಶ್ ವಿದ್ಯಾರ್ಥಿ:
ಕನ್ನಡ ಸಿನಿಮಾಗಳಾದ ‘ಎ ಕೆ 47’, ‘ವಂದೇ ಮಾತರಂ’, ‘ಕೋಟಿಗೊಬ್ಬ’, ‘ಸೈನಿಕ’, ‘ನಂದಿ’, ‘ದುರ್ಗಿ’, ‘ತುಂಟ’, ‘ಆಕಾಶ್’, ‘ನಮ್ಮಣ್ಣ’, ‘ತಂದೆಗೆ ತಕ್ಕ ಮಗ’, ‘ಸುಂಟರಗಾಳಿ’, ‘ಆ ದಿನಗಳು’, ‘ಜನುಮದ ಗೆಳತಿ’, ‘ಪರಮೇಶ ಪಾನ್ವಾಲಾ’, ‘ಭಾಗ್ಯದ ಬಳೆಗಾರ’, ‘ಯೋಧಾ’, ‘ಜೊತೆಗಾರ’, ‘ಶಕ್ತಿ’, ‘ಸಿದ್ಧಾರ್ಥ’, ‘ಪಟಾಕಿ’, ‘ಸರ್ಕಾರಿ ಕೆಲಸ ದೇವರ ಕೆಲಸ’ ಮುಂತಾದ ಹಿಟ್ ಸಿನಿಮಾದಲ್ಲಿ ಆಶೀಶ್ ವಿದ್ಯಾರ್ಥಿ ಖಳನಟನಾಗಿ ಮಿಂಚಿದ್ದಾರೆ.