ಈ ವರ್ಷದ ಬಿಸಿಲು ಎಲ್ಲರ ಮೈ ಕೈ ಸುಟ್ಟಿದೆ. ಅದರಲ್ಲೂ ಹೀಟ್ ಸ್ಟ್ರೋಕ್, ಡಿ ಹೈಡ್ರೆಷನ್ ಮುಂತಾದ ಹಲವಾರು ಚರ್ಮಕ್ಕೆ ಸಂಬಂಧಪಟ್ಟ ರೋಗ ಕೂಡಾ ಬರುವ ಸಾಧ್ಯತೆ ಹೆಚ್ಚು. ಮನುಷ್ಯರು ಮಾತ್ರ ಅಲ್ಲ ಮೂಕಪ್ರಾಣಿಗಳು ಕೂಡಾ ಬಿಸಿಲಿನ ಧಗೆ ತಾಳಲಾರದೇ ಇನ್ನಷ್ಟು ಬಳಲಿವೆ. ಇನ್ನೂ ಮಕ್ಕಳ ಪರಿಸ್ಥಿತಿ ಅಂತೂ ಹೇಳತೀರದು.
ಮಕ್ಕಳಲ್ಲಿ ಉರಿಮೂತ್ರ, ಬೆವರು ಗುಳ್ಳೆ ಎಲ್ಲಾ ತುಂಬಾ ಕಾಮನ್ ಆಗಿದೆ. ಸಾಮಾನ್ಯವಾಗಿ ಮಕ್ಕಳು ಕೆಲಸ, ಆಟ ಆಡುವಾಗ ನೀರು ಕುಡಿಯುವುದು, ಮತ್ತು ಬಿಸಿಲಿನ ಧಗೆಯಿಂದ ತಪ್ಪಿಸಿಕೊಳ್ಳುವ ವಿಚಾರ ಮರೆತು ಬಿಡುತ್ತಾರೆ. ಹಾಗಾಗಿ ಮಕ್ಕಳ ವಿಷಯದಲ್ಲಿ ಪೋಷಕರು ಜಾಗರೂಕರಾಗಿರಬೇಕು.
ಮಕ್ಕಳಿಗೆ ಡಿಹೈಡ್ರೆಷನ್ ಆಗದಂತೆ ನೋಡಿಕೊಳ್ಳಿ:
ಮಕ್ಕಳನ್ನು ಬೇಸಿಗೆಯಲ್ಲಿ ಆಗಾಗ್ಗೆ ನೀರು ಕುಡಿಯಲು ಹೇಳುವುದು ಉತ್ತಮ. ಅವರು ಮರೆತರು ನೀವು ಪದೇ ಪದೇ ನೆನಪಿಸಿ. ನೀರು, ಎಳನೀರು, ಹಣ್ಣಿನ ರಸ ಏನಾದರೂ ಆಗಬಹುದು, ಆದಷ್ಟು ನೈಸರ್ಗಿಕ ಪಾನೀಯ ನೀಡಿ. ಹಾಗೆಯೇ ಅತಿಯಾಗಿ ಸಕ್ಕರೆ ಅಂಶ ಇರುವ ಪಾನೀಯಗಳನ್ನು ಕೊಡಲೇಬೇಡಿ.
ತೆಳುವಾದ ಕಾಟನ್ ಬಟ್ಟೆ ತೊಡಿಸಿ:
ಮಕ್ಕಳು ಆಟ ಆಡುವಾಗ ಬೆವರುವುದು ಸಾಮಾನ್ಯ. ಕಾಟನ್ ಬಟ್ಟೆಗಳು ಬೆವರನ್ನು ಹೀರಿ, ದೇಹವನ್ನು ತಂಪಾಗಿಸುತ್ತದೆ. ಹಾಗೆಯೇ ಆದಷ್ಟು ಮಕ್ಕಳಿಗೆ ಬೆವರು ಗುಳ್ಳೆ ಬೀಳದಂತೆ ತಡೆಯಲು ಆದಷ್ಟು ಕಾಟನ್ ಬಟ್ಟೆಯನ್ನು ಒದ್ದೆ ಮಾಡಿ ಆಗಾಗ ಮೈಯನ್ನು, ಕತ್ತನ್ನು ಒರೆಸುತ್ತಿರಿ.
ಸುಡುಬಿಸಿಲನಲ್ಲಿ ಸುತ್ತಾಡುವುದನ್ನು ಆದಷ್ಟು ಕಡಿಮೆ ಮಾಡಿ:
ಮಕ್ಕಳು ರಜೆ ಇರುವ ಕಾರಣ ಆಚೆ ಸುತ್ತಾಡಲು ಬಯಸುತ್ತಾರೆ. ಹಾಗಾಗಿ ನೀವೊಂದು ವೇಳೆ ಅನಿವಾರ್ಯವಾಗಿ ಹೋಗಬೇಕೆಂದರೆ ನೀರು ಕುಡಿಸಲು ಮರೆಯಬೇಡಿ.
ನಾವು ಎಷ್ಟೇ ಪ್ರಯತ್ನಿಸಿದರೂ ನಮ್ಮ ಮಲ್ಟಿ-ಟಾಸ್ಕಿಂಗ್ ಮಕ್ಕಳನ್ನು ಅವರ ಬೇಸಿಗೆ ರಜಾದಿನಗಳಲ್ಲಿಯೂ ಯಾವಾಗಲೂ ಒಳಾಂಗಣದಲ್ಲಿ ಲಾಕ್ ಮಾಡಲು ಸಾಧ್ಯವಿಲ್ಲ. ಮಕ್ಕಳು ತಮ್ಮ ರಜಾದಿನಗಳಲ್ಲಿ ಕಲಿಯಬೇಕಾದ ಅನೇಕ ಚಟುವಟಿಕೆಗಳಿವೆ. ಆದರೆ ಹೊರಗೆ ಕಾಲಿಡುವಾಗ ಅವರು ಶಾಖವನ್ನು ಎದುರಿಸಲು ಸಿದ್ಧರಾಗಿರಬೇಕು. ಅವರ ಸೂಕ್ಷ್ಮ ಚರ್ಮವನ್ನು ಬಿಸಿಲಿನಿಂದ ರಕ್ಷಿಸಿ, ಹಾನಿಕಾರಕ ಯುವಿ-ಕಿರಣಗಳಿಂದ ಕಣ್ಣುಗಳನ್ನು ರಕ್ಷಿಸಲು ಸನ್ಗ್ಲಾಸ್ ಬಳಸಿ.