ಪ್ರತಿಯೊಬ್ಬರಿಗೂ ತಾವು ಸುಂದರವಾಗಿ ಕಾಣಬೇಕು ಅನ್ನುವ ಹಂಬಲ. ಅದರಲ್ಲೂ ಹೆಣ್ಣು ಮಕ್ಕಳಲ್ಲಿ ಕೊಂಚ ಜಾಸ್ತಿಯೇ ಆದರೂ ಹುಡುಗರು ಏನು ಕಮ್ಮಿ ಇಲ್ಲ ಅದಕ್ಕಾಗಿಯೇ ಇಂದು ಮಾರುಕಟ್ಟ್ಟೆಯಲ್ಲಿ ಹುಡುಗರ ಫೇರ್ನೆಸ್ ಕ್ರೀಮ್ಗಳು ಬಗೆಬಗೆಯ ಹೆಸರಿನಲ್ಲಿ ಬಳಕೆಗೆ ಲಭ್ಯವಿರುವುದು.
ಆದರೆ ಭಾರತೀಯರ ಸಾಂಪ್ರಾದಾಯಿಕ ಸೌಂದರ್ಯ ವರ್ಧಕಗಳ ಬಳಕೆಯ ಪದ್ಧತಿಗಳ ಕುರಿತು ಸಾಕಷ್ಟು ಜನರಿಗೆ ಅರಿವು ಕಡಿಮೆ. ಇಂದು ಕಾಸ್ಮೆಟಿಕ್ ಸರ್ಜರಿಯಿಂದ ಮೈ ಬಣ್ಣವನ್ನೇ ಬದಲಾಯಿಸುವಂತಹ ಫ್ಯಾಶನ್ ನಡೆಯುತ್ತಿದೆ.
ನಮಗೆ ಸರಳವಾಗಿ ಸಿಗುವ ಸೌಂದರ್ಯ ವರ್ಧಕಗಳಿಂಲೂ ಮೈಕಾಂತಿಯನ್ನು ಹೆಚ್ಚಿಸಬಹುದು. ಅರಶಿಣವು ಸೌಂದರ್ಯ ಹೆಚ್ಚಿಸುವಲ್ಲಿ ಸಹಕಾರಿ ಹಾಗೂ ಸಾಮಾನ್ಯ ಚರ್ಮದ ಸಮಸ್ಯೆಗಳನ್ನು ದೂರವಿಡಲು ಸಹಕಾರಿ ಎಂದು ಎಲ್ಲರಿಗೂ ತಿಳಿದಿರುವ ವಿಷಯ. ಆದರೆ ಕಸ್ತೂರಿ ಅರಿಶಿಣದ ಅಥಾವ ಕಾಡು ಅರಿಶಿನದ ಪರಿಣಾಮ ಅಧಿಕವಾಗಿರುತ್ತದೆ.
ಇತರರಂತೆ ಸುಂದರವಾಗಿ ಕಾಣಬಯಸುವವರಿಗೆ ಕಸ್ತೂರಿ ಅರಿಶಿಣ ಹೆಚ್ಚು ಪರಿಣಾಮಕಾರಿ.ಇದನ್ನು ಬಳಸುವುದು ಇನ್ನು ಸುಲಭ ಕೊಂಚ ಹಾಲಿನಲ್ಲಿ ಕಸ್ತೂರಿ ಅರಿಶಿನವನ್ನು ಬೆರೆಸಿ ಮೈ ಫೂರ್ತಿಯಾಗಿ ಹಚ್ಚಿಕೊಂಡು ಸಂಪೂರ್ಣವಾಗಿ ಒಣಗಿದ ನಂತರ ಸ್ನಾನ ಮಾಡಬೇಕು, ಪ್ರತಿನಿತ್ಯ ಮಾಡಿದಲ್ಲಿ ಎರಡು ತಿಂಗಳಲ್ಲಿ ಉತ್ತಮ ಫಲಿತಾಂಶ ಸಿಗಲಿದೆ.ಪೇಸ್ಟ್ ರೂಪದಲ್ಲಿಯು ಬಳಸಬಹುದು.
ಕಸ್ತೂರಿ ಅರಿಶಿಣವು ಮುಖದ ಮೇಲಿನ ಅನಗತ್ಯ ಕೂದಲನ್ನು ಬೆಳೆಯುವುದನ್ನು ನಿಯಂತ್ರಿಸುತ್ತದೆ. ಕಪ್ಪು ಕಲೆ, ಮೊಡವೆ, ಎಣ್ಣೆ ಚರ್ಮದವರಿಗೂ ಸೂಕ್ತವೆನಿಸಿರುವ ಸೌಂದರ್ಯ ವರ್ಧಕ. ದೀರ್ಘ ಕಾಲದವರೆಗೆ ಯೌವನವನ್ನು ಕಾಪಾಡುತ್ತದೆ.
ನೈಸರ್ಗಿಕವಾಗಿ ಸಿಗುವ ವಸ್ತುಗಳಿಂದಲು ನಾವು ನಮ್ಮ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಬಹುದು. ಅಪಟ್ಟ ದೇಶಿಯ ಫಾರ್ಮುಲವನ್ನು ಬಳಸುವುದರಿಂದಲೂ ಉತ್ತಮ ಮೈಕಾಂತಿಯನ್ನು ಪಡೆಯಬಹುದು.ಮಲ್ಲು ಹುಡುಗಿಯರ ಸೌಂದರ್ಯದ ರಹಸ್ಯವೇ ಈ ಕಾಡು ಅರಿಶಿಣ ಅಥವಾ ಕಸ್ತೂರಿ ಅರಿಶಿಣ. ಬಳಕೆಗೂ ಮುನ್ನ ತಮ್ಮ ಚರ್ಮಕ್ಕೆ ಇದು ಸೂಕ್ತವೇ ಎಂದು ಪರಿಕ್ಷೀಸಿ ಬಳಸುವುದು ಉತ್ತಮ.