ಸುಮಾರು ಎರಡು ವರ್ಷ ಗ್ಯಾಪ್ ನಂತರ ನನ್ನ ಎರಡು ವರ್ಷದ ಮಗಳ ಜೊತೆಗೆ ಒಂದು ಮೂವಿ ನೋಡೋದು ಅಂತ ಡಿಸೈಡ್ ಮಾಡಿ ಕೊನೆಗೂ ಸಂಜೆಯ ಶೋ ಗೆ ಹೋದ್ವಿ. ವೀಕೆಂಡ್ ಅಲ್ಲದೆ ಇರೋದ್ರಿಂದ ಅಷ್ಟಾಗಿ ಜನಸಂದಣಿ ಇರಲಿಲ್ಲ. ಆದರೆ ಅದರಲ್ಲೂ ಅಚ್ಚರಿ ಆಗಿದ್ದು ಅಲ್ಲಿ ಒಳಗೆ ಹೋದಾಗ. ನಾನು ಕನ್ನಡ ಚಿತ್ರ ನೋಡ್ಬೇಕು ಅನ್ಕೊಂಡೆ, ಹಾಗಾಗಿ ಎಲ್ರು ಅದಕ್ಕೆ ಒಪ್ಪಿ ಟಿಕೆಟ್ ತಗೊಂಡ್ ಒಳಗೆ ಹೋದಾಗ ಇಡೀ ಥೀಯೇಟರ್ ಖಾಲಿ ಖಾಲಿ. ಒಳಗೆ ಹೋದಾಗ ಅಲ್ಲಿ ನಾವು 6 ಜನ ಬಿಟ್ರೆ, ಒಬ್ಬ ವ್ಯಕ್ತಿ ಇದ್ದರು , ಉಳಿದ ಸೀಟ್ ಬಿಕೋ ಎನ್ನುತ್ತಿತ್ತು.
ಮೂವಿ ನೋಡಿ ಆದ್ಮೇಲೆ ನನ್ನ ಮನಸಲ್ಲಿ ಕೊರೆದ ಒಂದೇ ಪ್ರಶ್ನೆ ಅಂದರೆ, ಯಾಕೆ ಕನ್ನಡ ಚಿತ್ರ ನೋಡೋಕೆ ಜನ ಬರಲ್ಲ? ಅಷ್ಟು ಕಷ್ಟ ಪಟ್ಟು ತಯಾರಿಸುವ ಚಿತ್ರ ತಯಾರೊಗುದು ಬರಿ ಥೀಯೇಟರ್ ನ ಚೇರ್ಗಳು ನೋಡೋಕಾ? ಮೊದಲೆಲ್ಲ ಥೀಯೇಟರ್ ನಲ್ಲಿ ಒಂದು ಚಿತ್ರಕ್ಕೆ ಬಕಪಕ್ಷಿಯಂತೆ ಕಾಯಿತ್ತಿದ್ದ ಜನ ಇವಾಗೆಲ್ಲ ಥೀಯೇಟರ್ ಒಳಗೆ ಕಾಲಿಡದೆ ಇರೋಕೆ ಏನು ಕಾರಣ ಇರಬಹುದು?
1. ಚಿತ್ರದ ಗುಣಮಟ್ಟ
ಹೌದು ಕ್ವಾಲಿಟಿ ಮೇಕಿಂಗ್ ಅನ್ನೋದು ಒಂದು ಕಲೆ. ಆದರೆ ಅದು ಕನ್ನಡ ಚಿತ್ರದಲ್ಲಿ ಕಣ್ಮರೆಯಾಗಿತ್ತಿದೆಯೇ? ಹಾಗೆ ನೋಡಿದರೆ ಕೆಲವೊಂದು ಚಿತ್ರಗಳು ಸಾಮಾನ್ಯ ಪ್ರೊಡಕ್ಷನ್ ನಲ್ಲಿ ತಯಾರಾಗಿ ಹಿಟ್ ಆದದ್ದು ಇದೆ.
2. ಪಬ್ಲಿಸಿಟಿ ಕಡಿಮೆ ಆಗ್ತಿದೆಯಾ?
ಚಿತ್ರದ ಪೋಸ್ಟರ್ನಿಂದ ಹಿಡಿದು, ಚಿತ್ರ ತಯಾರಾಗಿ ರಿಲೀಸ್ ಆಗೋವರೆಗೂ ಜನರಲ್ಲಿ ಕುತೂಹಲ ಹುಟ್ಟಿಸುವುದು ಅಗತ್ಯ. ಎಷ್ಟೋ ಚಿತ್ರಗಳು ನಮಗೆ ರಿಲೀಸ್ ಆಗೋದೇ ಗೊತ್ತಾಗಲ್ಲ. ಹಾಗಾದ್ರೆ ಅದು ಒಂದು ಕಾರಣ ಇರಬಹುದು.
3. ಪರಭಾಷೆಯ ಚಿತ್ರಗಳ ಹಾವಳಿ
ಕನ್ನಡ ಚಿತ್ರಗಳಿಗೆ ಥೀಯೇಟರ್ ಸಿಗಲ್ಲ ಅನ್ನೋ ವಿಷಯಕ್ಕೆ ನಿರ್ಮಾಪಕರು ಅದೆಷ್ಟೇ ಹೋರಾಟ ಮಾಡಿದರೂ ಪ್ರಯೋಜನವಾಗಿಲ್ಲ. ಇದು ಒಂದು ಕಾರಣ ಆಗಿರಬಹುದು.
4. ಜನರ ಅಭಿರುಚಿ
ನಮ್ಮ ಚಿತ್ರ ನೋಡೋದು ಅಂದ್ರೆ ಒಂಥರಾ ಅಸಡ್ಡೆ, ಅಯ್ಯೋ ಕನ್ನಡ ಮೂವಿ ಯಾರ್ ನೋಡತಾರೆ ಅನ್ನುವವರೇ ಜಾಸ್ತಿ. ಹಾಗೆಯೇ ನಮ್ಮ ಜನರ ಅಭಿರುಚಿ ಒಲವು ಬೇರೆ ಚಿತ್ರ ದ ಕಡೆಗೆ ಜಾಸ್ತಿ ಇರೋದ್ರಿಂದ, ನಮ್ಮ ಕನ್ನಡ ಚಿತ್ರಗಳು ಸೋಲುತ್ತಿವೆ.
ಬೇರೆ ಜನ ಕ್ವಾಲಿಟಿ, ಮೇಕಿಂಗ್ ಬಗ್ಗೆ ಎಷ್ಟೇ ಮಾತಾಡಿದರೂ ಎಷ್ಟೋ ಹಿಟ್, ಸೂಪರ್ ಹಿಟ್ ಆಗಬೇಕಿದ್ದ ಮೂವಿಗಳು ಫ್ಲಾಪ್ ಆಗ್ತಾ ಇವೆ. ಇದನ್ನ ನೋಡಿದ್ರೆ ಕನ್ನಡ ಚಿತ್ರರಂಗ ನೋಡುಗರನ್ನ ತನ್ನತ್ತ ಸೆಳೆಯಲು ಇನ್ನಷ್ಟು ಪ್ರಯತ್ನ ಪಡಬೇಕಿದೆ.