ಕಠ್ಮಂಡು: ನೇಪಾಳದ ಅನ್ನಪೂರ್ಣಮೌಂಟ್ ನಲ್ಲಿ ಚಾರಣಕ್ಕೆಂದು ಹೋಗಿ, ನಾಪತ್ತೆಯಾಗಿ ನಂತರ ಮೃತಪಟ್ಟಿದ್ದಾರೆ ಎಂದು ಭಾವಿಸಲಾಗಿದ್ದ ಖ್ಯಾತ ಪರ್ವತರೋಹಿಯೊಬ್ಬರು ಜೀವಂತವಾಗಿ ಅನ್ನಪೂರ್ಣ ಪರ್ವತದಲ್ಲಿ ಪತ್ತೆಯಾಗಿದ್ದರೆ ಎಂದು ಚಾರಣದ ಸಂಘಟಕರು ಮಂಗಳವಾರ ತಿಳಿಸಿದ್ದಾರೆ.
೨೭ವರ್ಷದ ಬಲ್ಜೀತ್ ಕೌರ್ ಚಾರಣಕ್ಕೆ ಹೋಗಿದ್ದ ಸಂದರ್ಭದಲ್ಲಿ ನಾಪತ್ತೆಯಾಗಿ ನಂತರ ಸಾವನ್ನಪ್ಪಿದ್ದಾಳೆ ಎಂದು ಸಂಘಟಕರು ಹೇಳಿದ್ದಾರೆ. ಪರ್ವತ ಶಿಖರದ ಕೆಳಗೆ ಏಕಾಂಗಿಯಾಗಿ ಉಳಿದ, ಭಾರತೀಯ ಮಹಿಳಾ ಆರೋಹಿ ಇಂದು ಬೆಳಿಗ್ಗಿನವರೆಗೂ ರೇಡಿಯೋ ಸಂಪರ್ಕಕ್ಕೆ ಸಿಕ್ಕಿರಲಿಲ್ಲ.
ಪೂರಕ ಆಮ್ಲಜನಕವನ್ನು ಬಳಸದೇ ವಿಶ್ವದ ೧೦ನೇ ಅತಿ ಎತ್ತರದ ಶಿಖರವನ್ನು ಏರಿದ ಬಲ್ಜೀತ್ ಕೌರ್ ಅವರನ್ನು ವೈಮಾನಿಕ ಶೋಧ ತಂಡವು ಪತ್ತೆ ಮಾಡಿದೆ ಎಂದು ಪಯೋನೀರ್ ಸಾಹಸದ ಅಧ್ಯಕ್ಷ ಪಸಾಂಗ್ ಶೆರ್ಪಾ ತಿಳಿಸಿದ್ದಾರೆ. ಈ ಹಿಂದೆ ಕೌರ್ ಸಮಸ್ಯೆಯಲ್ಲಿದ್ದಾಗ ನಾವು ಅವರನ್ನು ಸಂಪರ್ಕಿಸಿದ್ದೇವೆ ಎಂದು ಪಯೋನೀರ್ ಅಡ್ವೆಂಚರ್ ಫೇಸ್ಬುಕ್ ಪೋಸ್ಟ್ ನಲ್ಲಿ ತಿಳಿಸಿದ್ದಾರೆ.
ಪ್ರಸ್ತುತ ಕಾರ್ಯಾಚರಣೆ ನಡೆಯುತ್ತಿದ್ದು, ಅವರನ್ನು ಸುರಕ್ಷಿತವಾಗಿ ಕರೆತರುವ ಪ್ರಯತ್ನದಲ್ಲಿದ್ದೆವೆ. ಹಾಗೆಯೇ ಕೌರ್ ಕೂಡ ಉತ್ತಮ ಪ್ರತಿಕ್ರಿಯೆಯನ್ನು ನೀಡುತ್ತಿದ್ದಾರೆ. ಅವರನ್ನು ಸುರಕ್ಷಿತವಾಗಿ ಕರೆತರುವ ಭರವಸೆಯನ್ನು ಕೊಡುತ್ತೆವೆ ಎಂದು ಪಸಾಂಗ್ ಶೆರ್ಪಾ ಹೇಳಿದ್ದಾರೆ.
ರೇಡಿಯೋ ಸಿಗ್ನಲ್ನ್ನು ಅವರ ಬಳಿ ಕಳುಹಿಸುವ ಪ್ರಯತ್ನ ಯಶಸ್ವಿಯಾದ ಬಳಿಕ ನಾವು ಈ ರಕ್ಷಣಾ ಕಾರ್ಯಚಾರಣೆಯನ್ನು ಪ್ರಾರಂಭಿಸಿದೆವು. ಕೌರ ಅವರ ಬಗ್ಗೆ ತುರ್ತು ಮಾಹಿತಿಯನ್ನು ಸಿಕ್ಕರೆ ನಾವು ನಿಮ್ಮ ಗಮನಕ್ಕೆ ತರುತ್ತಿದ್ದೇವೆ. ಈ ಸಮಯದ ನಮ್ಮಲ್ಲಿ ಯಾವುದೇ ದೃಢವಾದ ಮಾಹಿತಿ ಇಲ್ಲ ಮತ್ತು ಹಾಗೇ ನೀಡುವುದು ನಮ್ಮ ಸಂಘಟನೆಯ ನಿಯಮ ಉಲ್ಲಂಘನೆಯಾಗುತ್ತದೆ. ಪ್ರಸ್ತುತ ಕಾರ್ಯಚಾರಣೆ ನಡೆಯುತ್ತಿದೆ. ಹಾಗೂ ಕೌರ ಅವರನ್ನು ಸುರಕ್ಷಿತವಾಗಿ ಕರೆತರಲು ನಾವು ನಮ್ಮ ಶಕ್ತಿ ಮೀರಿ ಪ್ರಯತ್ನಿಸುತ್ತಿದ್ದೆವೆ.
ಹಾಗೆಯೇ ನಮ್ಮ ತಂಡ ಸುರಕ್ಷತಾ ಕಾರ್ಯಚಾರಣೆಯಲ್ಲಿ ತೊಡಗಿರುವುದರಿಂದ ನಮ್ಮ ಅಧಿಕೃತ ಸಂಖ್ಯೆಯನ್ನು ಸಂಪರ್ಕಿಸದಂತೆ ಮನವಿ ಮಾಡಿಕೊಳ್ಳುತ್ತಿದ್ದೇವೆ. ಮತ್ತು ಸಾಮಾಜಿಕ ಮಾಧ್ಯಮಗಳ ಮೂಲಕ ಮಾಹಿತಿಗಳನ್ನು ನೀಡುತ್ತೇವೆ. ನಿಮಗೆ ಯಾವುದೇ ಮಾಹಿತಿ ಬೇಕಾಗಿದ್ದರು ನಮ್ಮ ಸಾಮಾಜಿಕ ಮಾಧ್ಯಮಗಳಲ್ಲಿ ನೋಡಿ ತಿಳಿದುಕೊಳ್ಳಬಹುದು ಎಂದು ಮಾಧ್ಯಮಗಳಲ್ಲಿ ಕೌರ್ ಅವರ ಬಗ್ಗೆ ತಪ್ಪು ಮಾಹಿತಿ ಸುದ್ಧಿಯಾದ ಬಳಿಕ ಸಂಘಟನೆ ಪ್ರತಿಕ್ರಿಯೆಯನ್ನು ನೀಡಿದೆ.
ಕೌರ್ ಅವರ GPS ಸ್ಥಳವು 7,375m (24,193ft) ಎತ್ತರದಲ್ಲಿಬಹುದು ಎಂದು ಶೆರ್ಪಾ ಅಭಿಪ್ರಾಯ ಪಟ್ಟಿದ್ದಾರೆ.