ಅಬ್ಬೆ ಜಲಪಾತ ಅಥಾವ ಅಬ್ಬಿ ಜಲಪಾತ ಎಂದೂ ಕರೆಯಾಲಾಗುವ ಜಲಪಾತವು ಭಾರತದ ಕರ್ನಾಟಕದ ಪಶ್ಚಿಮ ಘಟ್ಟಗಳಲ್ಲಿರುವ ಕೊಡಗಿನ ಒಂದು ಜಲಪಾತವಾಗಿದೆ. ಈ ಜಲಪಾತವು ಕಾವೇರಿ ನದಿಯ ಆರಂಭಿಕ ಭಾಗದಲ್ಲಿದೆ, ಇದು ಖಾಸಗಿ ಕಾಫಿ ತೋಟಗಳು ಮತ್ತು ಕಾಫಿ ಪೊದೆಗಳು ಮತ್ತು ಮಸಾಲೆ ಎಸ್ಟೇಟ್‌ಗಳು ಮತ್ತು ಮೆಣಸು ಬಳ್ಳಿಗಳೊಂದಿಗೆ ಬೆಸೆದುಕೊಂಡಿರುವ ಮರಗಳ ನಡುವೆ ಇದೆ. ಜಲಪಾತದ ಎದುರು ತೂಗು ಸೇತುವೆಯನ್ನು ನಿರ್ಮಿಸಲಾಗಿದೆ. ಮಾನ್ಸೂನ್ ಋತುವಿನಲ್ಲಿ ನೀರಿನ ಹರಿವು ತುಂಬಾ ಹೆಚ್ಚಾಗಿರುತ್ತದೆ.
ಈ ಜಲಪಾತವನ್ನು ಮೊದಲು ಜೆಸ್ಸಿ ಫಾಲ್ಸ್ ಎಂದು ಕರೆಯಲಾಗುತ್ತಿತ್ತು, ಇದನ್ನು ಬ್ರಿಟಿಷ್ ಅಧಿಕಾರಿಯ ಹೆಂಡತಿಯ ಹೆಸರನ್ನು ಇಡಲಾಗಿದೆ ಎಂದು ಹೇಳಲಾಗುತ್ತಿದೆ. ಅಂದು ಈ ಸ್ಥಳವು ದಟ್ಟವಾದ ಕಾಡಾಗಿತ್ತು. ಇಂದಿಗೂ ಕಾಡು ಮರಗಳು ಜಲಪಾತವನ್ನು ಸುತ್ತುವರೆದಿದೆ.
ಅಬ್ಬೆ ಜಲಪಾತ (ಅಬ್ಬಿ ಜಲಪಾತ ಎಂದೂ ಕರೆಯಲ್ಪಡುತ್ತದೆ) ಕೊಡಗು ಜಿಲ್ಲೆಯ ಒಂದು ಜನಪ್ರಿಯ ಜಲಪಾತವಾಗಿದೆ. ಕಾವೇರಿ ನದಿಯು ಸುಮಾರು 70 ಅಡಿಗಳಷ್ಟು ಅಗಲವಾದ ಬಂಡೆಗಳ ಮೇಲಿನಿಂದ ಜಾರುತ್ತದೆ, ಇದು ಅದ್ಭುತ ನೋಟವನ್ನು ಸೃಷ್ಟಿಸುತ್ತದೆ.
ಅಬ್ಬೆ ಜಲಪಾತಕ್ಕೆ ಪ್ರವೇಶವು ಬೆಳಿಗ್ಗೆ 9 ರಿಂದ ಸಂಜೆ 5 ರವರೆಗೆ ತೆರೆದಿರುತ್ತದೆ. ಅಬ್ಬೆ ಜಲಪಾತಕ್ಕೆ ಪ್ರವೇಶವು ಖಾಸಗಿ ಕಾಫಿ ತೋಟಗಳ ಮೂಲಕವಾಗಿದೆ. ಎತ್ತರದಿಂದ ಅಬ್ಬೆ ಜಲಪಾತದ ನೋಟವನ್ನು ಆನಂದಿಸಲು ತೂಗು ಸೇತುವೆಯು ಲಭ್ಯವಿದೆ. ಅಬ್ಬೆ ಜಲಪಾತದಲ್ಲಿ ಸ್ನಾನ ಮಾಡಲು ಅಥವಾ ಈಜಲು ಅವಕಾಶವಿಲ್ಲ. ಇಲ್ಲಿ ಸೀಮಿತ ಪಾರ್ಕಿಂಗ್ ಸೌಲಭ್ಯವಿದೆ.
ಅಬ್ಬೆ ಜಲಪಾತಕ್ಕೆ ಬಂದವರು ಭೇಟಿ ನೀಡಬಹುದಾದ ಇತರ ಸ್ಥಳಗಳು ತಲಕಾವೇರಿ , ರಾಜಾಸೀಟ್ , ದುಬಾರೆ ಆನೆ ಶಿಬಿರ , ಗೋಲ್ಡನ್ ಟೆಂಪಲ್ , ಕಾವೇರಿ ನಿಸರ್ಗಧಾಮ ಇವು ಕೊಡಗು ಜಿಲ್ಲೆಯ ಕೆಲವು ಜನಪ್ರಿಯ ಆಕರ್ಷಣೆಗಳಾಗಿವೆ.
ಅಬ್ಬೆ ಜಲಪಾತವನ್ನು ತಲುಪುವುದು ಹೇಗೆಂದರೆ, ಅಬ್ಬೆ ಜಲಪಾತವು ಮಡಿಕೇರಿ ಪಟ್ಟಣದಿಂದ ಕೇವಲ 6 ಕಿ.ಮೀ ದೂರದಲ್ಲಿದೆ. ಮಡಿಕೇರಿಯು ಬೆಂಗಳೂರಿನಿಂದ 250 ಕಿ.ಮೀ ಮತ್ತು ಮಂಗಳೂರಿನಿಂದ 140 ಕಿ.ಮೀ ದೂರದಲ್ಲಿದೆ. ಕೇರಳದ ಕಣ್ಣೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವು ಮಡಿಕೇರಿಗೆ ಹತ್ತಿರದ ವಿಮಾನ ನಿಲ್ದಾಣವಾಗಿದೆ (ಮಡಿಕೇರಿಯಿಂದ 90 ಕಿ.ಮೀ ದೂರದಲ್ಲಿದೆ). ಮಡಿಕೇರಿಗೆ ಬೆಂಗಳೂರು, ಮೈಸೂರು ಮತ್ತು ಮಂಗಳೂರಿನಿಂದ ಅತ್ಯುತ್ತಮ ಬಸ್ ಸಂಪರ್ಕವಿದೆ. ಒಮ್ಮೆ ಮಡಿಕೇರಿಗೆ ಬಂದ ನಂತರ, ಮಡಿಕೇರಿ ಮತ್ತು ಕೊಡಗಿನ ವಿವಿಧ ಆಕರ್ಷಣೀಯ ಸ್ಥಳಗಳನ್ನು ನೋಡಲು ಟ್ಯಾಕ್ಸಿಗಳನ್ನು ಬಾಡಿಗೆಗೆ ಪಡೆಯಬಹುದು.
ಅಬ್ಬೆ ಜಲಪಾತದ ಬಳಿ ತಂಗಬೇಕು ಅನಿಸಿದರೆ ಮಡಿಕೇರಿ ಪಟ್ಟಣ ಮತ್ತು ಕೊಡಗು ಜಿಲ್ಲೆಯಲ್ಲಿ ಹಲವಾರು ಹೋಮ್ ಸ್ಟೇಗಳು, ಬಜೆಟ್ ಹೋಟೆಲ್ ಗಳು ಮತ್ತು ಐಷಾರಾಮಿ ರೆಸಾರ್ಟ್ ಗಳಿವೆ.
