ನವದೆಹಲಿ: ಇಸ್ರೋದ ಚಂದ್ರಯಾನ-3 ಲಾಂಚ್ಪ್ಯಾಡ್ ನಿರ್ಮಿಸಲು ಕೆಲಸ ಮಾಡಿದ ವ್ಯಕ್ತಿಯೊಬ್ಬರು ರಾಂಚಿಯ ರಸ್ತೆ ಬದಿಯ ಅಂಗಡಿಯಲ್ಲಿ ಇಡ್ಲಿಗಳನ್ನು ಮಾರುತ್ತಿದ್ದಾರೆ ಎಂಬ ಸುದ್ದಿ ವರದಿಯನ್ನು ಸರ್ಕಾರ ನಿರಾಕರಿಸಿದೆ. ದೀಪಕ್ ಕುಮಾರ್ ಉಪ್ರಾರಿಯಾ ಅವರು HEC (ಹೆವಿ ಇಂಜಿನಿಯರಿಂಗ್ ಕಾರ್ಪೊರೇಷನ್ ಲಿಮಿಟೆಡ್) ನಲ್ಲಿ ತಂತ್ರಜ್ಞರಾಗಿ ಕೆಲಸ ಮಾಡಿದರು ಮತ್ತು ಈಗ ರಾಂಚಿಯ ಧುರ್ವಾ ಪ್ರದೇಶದಲ್ಲಿ ಹಳೆಯ ವಿಧಾನಸಭೆಯ ಎದುರು ಇಡ್ಲಿ ಮಾರಾಟದ ಅಂಗಡಿಯನ್ನು ಹಾಕಿದ್ದಾರೆ ಎಂದು ಬಿಬಿಸಿ ವರದಿ ಹೇಳಿದೆ. ಚಂದ್ರಯಾನ-3 ಗಾಗಿ ಮಡಚುವ ವೇದಿಕೆ ಮತ್ತು ಸ್ಲೈಡಿಂಗ್ ಡೋರ್ ಮಾಡಿದ HEC, 18 ತಿಂಗಳಿನಿಂದ ಅವರ ಸಂಬಳವನ್ನು ಪಾವತಿಸಲಿಲ್ಲ ಎಂದು ಅದು ಹೇಳಿಕೊಂಡಿದೆ.
ಆದರೆ ಸರ್ಕಾರ ಈ ವರದಿಯನ್ನು ನಿರಾಕರಿಸಿದೆ. X (ಹಿಂದೆ ಟ್ವಿಟ್ಟರ್) ನಲ್ಲಿನ ಪೋಸ್ಟ್ನಲ್ಲಿ, ಪ್ರೆಸ್ ಇನ್ಫಾರ್ಮೇಶನ್ ಬ್ಯೂರೋದ (PIB) ಸತ್ಯ-ಪರಿಶೀಲನಾ ಘಟಕವು BBC ಲೇಖನದ ತಲೆಬರಹವು ದಾರಿ “ತಪ್ಪಿಸುವಂತಿದೆ” ಎಂದು ಹೇಳಿದೆ.
ನಂತರದ ಪೋಸ್ಟ್ನಲ್ಲಿ, HEC ಚಂದ್ರಯಾನ-3 ಗಾಗಿ ಯಾವುದೇ ಘಟಕವನ್ನು ಮಾಡಿಲ್ಲ ಮತ್ತು 2003 ಮತ್ತು 2010 ರ ನಡುವೆ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಗೆ ಕೆಲವು ಮೂಲಸೌಕರ್ಯಗಳನ್ನು ಮಾತ್ರ ಒದಗಿಸಿದೆ ಎಂದು ಸರ್ಕಾರವು ಹೇಳಿದೆ. ಸುಮಾರು 2,800 ಉದ್ಯೋಗಿಗಳು ಉಪ್ರಾರಿಯಾ ಅವರಂತೆ ಕಳೆದ 18 ತಿಂಗಳುಗಳಿಂದ ತಮ್ಮ ಸಂಬಳವನ್ನು ಪಡೆದಿಲ್ಲ ಎಂದು ಹೇಳಿಕೊಂಡಿದ್ದಾರೆ ಎಂದು ಬಿಬಿಸಿ ವರದಿ ಉಲ್ಲೇಖಿಸಿದೆ.
ಉಪ್ರಾರಿಯಾ ಅವರು ತಮ್ಮ ಅಂಗಡಿ ಮತ್ತು ಕಚೇರಿ ಕೆಲಸವನ್ನು ಒಟ್ಟಿಗೆ ನಿರ್ವಹಿಸುತ್ತಿದ್ದಾರೆ ಎಂದು ಬಿಬಿಸಿ ಉಲ್ಲೇಖಿಸಿದೆ. ಈ ತಂತ್ರಜ್ಞರು ಬೆಳಿಗ್ಗೆ ಇಡ್ಲಿ ಮಾರುತ್ತಾರೆ ಮತ್ತು ಮಧ್ಯಾಹ್ನ ಕಚೇರಿಗೆ ಹೋಗುತ್ತಾರೆ. ಸಂಜೆ, ಮನೆಗೆ ಹಿಂದಿರುಗುವ ಮೊದಲು ಮತ್ತೆ ಇಡ್ಲಿಗಳನ್ನು ಮಾರುತ್ತಾನೆ. ಆ ವ್ಯಕ್ತಿ ತಾನು ಸಾಲ ಪಡೆದಿದ್ದೇನೆ ಆದರೆ ಅದನ್ನು ಮರುಪಾವತಿಸಲು ಕಷ್ಟವಾಗಿರುವುದರಿಂದ ಇಡ್ಲಿ ಮಾರಾಟಕ್ಕೆ ಇಳಿದೆ ನಾನು ಎಲ್ಲರ ಬಳಿಯೂ ಕೈ ಸಾಲ ಮಾಡಿಕೊಂಡಿರುವುದರಿಂದ ಯಾರೂ ಸಾಲವನ್ನೂ ನೀಡುತ್ತಿಲ್ಲ ಎಂದು ಹೇಳಿಕೊಂಡಿದ್ದರು. ಇಬ್ಬರು ಹೆಣ್ಣು ಮಕ್ಕಳನ್ನು ಓದಿಸಲು ಆಗದೇ ಇಡ್ಲಿ ಮಾರಾಟ ಮಾಡುತ್ತಿರುವುದಾಗಿ ಹೇಳಿಕೊಂಡಿದ್ದರು. ಬಿಬಿಸಿ ಪ್ರಕಾರ, ಶ್ರೀ ಉಪ್ರಾರಿಯಾ ಮಧ್ಯಪ್ರದೇಶದ ಹಾರ್ದಾ ಜಿಲ್ಲೆಗೆ ಸೇರಿದವರು. 2012ರಲ್ಲಿ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಬಿಟ್ಟು ₹ 8,000 ಸಂಬಳಕ್ಕೆ ಎಚ್ಇಸಿ ಸೇರಿದ್ದರು.
ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಹಿರಿಯ ಸಲಹೆಗಾರರಾದ ಕಾಂಚನ್ ಗುಪ್ತಾ X ನಲ್ಲಿ ಮಾಹಿತಿ ನೀಡಿ ಕಂಪನಿಗಳ ಕಾಯಿದೆಯಡಿ ನೋಂದಾಯಿಸಲಾದ HEC ಸರ್ಕಾರದ ಪ್ರತ್ಯೇಕ ಘಟಕವಾಗಿದೆ ಮತ್ತು ಎಲ್ಲಾ ಕೇಂದ್ರೋದ್ಯಮಗಳು ತಮ್ಮದೇ ಆದ ಸಂಪನ್ಮೂಲವನ್ನು ಹೊಂದಿವೆ. ಹೀಗಾಗಿ ಸಂಬಳ ನೀಡದಿರುವುದು ಸಂಪೂರ್ಣ HEC ಯ ಹೊಣೆಗಾರಿಕೆ ಆಗಿದೆ. ಅಲ್ಲದೆ ಬಹು ಮುಖ್ಯವಾಗಿ HEC ಗೆ ಚಂದ್ರಯಾನ -3 ಯೋಜನೆಗೆ ಸಂಬಂಧಿಸಿದಂತೆ ಯಾವುದೇ ಕೆಲಸವನ್ನೂ ನೀಡಿಲ್ಲ ಬದಲಿಗೆ ಇಸ್ರೋದ ಇತರ ಯೋಜನೆಗೆ ಕೆಲವು ಮೂಲ ಸೌಕರ್ಯ ಉಪಕರಣಗಳನ್ನು ಮಾತ್ರ ಸರಬರಾಜು ಮಾಡಿದ್ದಾರೆ ಎಂದು ಕೇಂದ್ರ ಭಾರೀ ಕೈಗಾರಿಕೆಗಳ ರಾಜ್ಯ ಸಚಿವ ಕ್ರಿಶನ್ ಪಾಲ್ ಗುರ್ಜರ್ ಅವರು ಹೇಳಿದ್ದಾರೆ.