ಮನುಷ್ಯ ಎಂದ ಮೇಲೆ ಸರಿ-ತಪ್ಪು ಸಂಭವಿಸುವುದು ಸಹಜ. ಒಳ್ಳೆಯ ಮತ್ತು ಕೆಟ್ಟ ಎರಡೂ ವ್ಯಕ್ತಿತ್ವ ಒಂದು ಊರಿನಲ್ಲಿ ಕಾಣಸಿಗುತ್ತದೆ. ತಪ್ಪನ್ನು ತಿದ್ದುಪಡಿಸುವ ನಿಟ್ಟಿನಲ್ಲಿ ಮತ್ತು ನ್ಯಾಯ ನೀತಿಯ ಸಮರ್ಪಕ ಕಾರ್ಯ ನಿರ್ವಹಣೆಗೆ ಆಧುನಿಕ ಯುಗದಲ್ಲಿ ಪೊಲೀಸ್ ವ್ಯವಸ್ಥೆಯನ್ನು ಸ್ಥಾಪಿಸಲಾಗಿದೆ.
ಬ್ರಿಟಿಷರು ನಮ್ಮ ದೇಶಕ್ಕೆ ಕಾಲಿಟ್ಟ ನಂತರ, ಲಾರ್ಡ್ ಕಾರ್ನ್ವಾಲಿಸ್ ನೇತ್ರತ್ವದಲ್ಲಿ ಇಂಡಿಯಾದಲ್ಲೂ ಪೊಲೀಸ್ ಠಾಣೆಗಳು ಕಾರ್ಯಪ್ರವೃತ್ತರಾದವು. ಆದರೆ ಹಲವಾರು ವಿಶೇಷತೆಗಳನ್ನು ಹೊಂದಿರುವ ಇಂಡಿಯಾದಲ್ಲಿ ಪೊಲೀಸ್ ಠಾಣೆಯೇ ಇಲ್ಲದ ಊರೊಂದಿದೆ, ಎಂಬುದು ಮತ್ತೊಂದು ವಿಶೇಷ. ದಕ್ಷಿಣ ಭಾರತದ ತಮಿಳು ನಾಡಿನ ಕಾಯಲ್ಪಟ್ಟಣಮ್ ಊರಿನಲ್ಲಿ ಪೊಲೀಸ್ ಠಾಣೆಗಲಿಲ್ಲವಂತೆ. 2014 ರ ಜನಗಣತಿಯ ಪ್ರಕಾರ 40,588 ಜನಸಂಖ್ಯೆ ಇರುವ ಕಾಯಲ್ ಪಟ್ಟಣಮ್ ನಲ್ಲಿ ಮಧ್ಯ ಪಾನ ಮತ್ತು ಮಾದಕ ವಸ್ತುಗಳು ಕೂಡ ಮಾರಾಟಕಿಲ್ಲವಂತೆ.
ಕಾಯಲ್ಪಟ್ಟಣಮ್ ಊರಿನ ಜನರು ತಮ್ಮ ಧರ್ಮ ಮತ್ತು ಆತ್ಮಸಾಕ್ಷಿಯ ಮೇರೆಗೆ ನಡೆಯುವವರು. ಸರಿ ತಪ್ಪುಗಳ ತುಲನೆ ಆತ್ಮಸಾಕ್ಷಿಯ ಮುಖಾಂತರ ನಡೆಯುವಾಗ ನ್ಯಾಯ ಪಾಲನೆಯಲ್ಲಿ ಹೊಸ ಪದ್ದತಿಯ ಅವಶ್ಯಕೆ ಇರುವುದಿಲ್ಲ ಎಂದು ತಮಿಳು ನಾಡಿನ ಕಾಯಲ್ಪಟ್ಟಣಮ್ ನಮಗೆ ತೋರಿಸಿ ಕೊಟ್ಟಿದೆ. ಪೊಲೀಸ್, ಕೋರ್ಟ್, ಕಚೇರಿ ಮತ್ತು ಅಧಿಕಾರಿಗಳೆಲ್ಲರಿದ್ದೂ ಅನ್ಯಾಯ ಅನಾಚಾರ ತಾಂಡವವಾಡುವ ಈ ಕಾಲಘಟ್ಟದಲ್ಲಿ ಕಾಯಲ್ಪಟ್ಟಣಮ್ ಒಂದು ಮಾದರಿಯೇ ಸರಿ.