ಭಾರತದಲ್ಲಿ ಇನ್ನೂ ಪರ ವಿರೋಧ ಚರ್ಚೆ ಜರ್ಮನ್ ಸರ್ಕಾರವು ಗಾಂಜಾದ ಖರೀದಿಯನ್ನು ಕಾನೂನುಬದ್ಧಗೊಳಿಸುವ ಮಸೂದೆಯನ್ನು ಅನುಮೋದನೆ ನೀಡಿದೆ. ಇನ್ನುಮುಂದೆ ಜರ್ಮನ್ ದೇಶದ ವಯಸ್ಕರು ಗರಿಷ್ಠ 25 ಗ್ರಾಂಗಳಷ್ಟು ಗಾಂಜಾವನ್ನು ತಮ್ಮಲ್ಲಿ ಹೊಂದಿರಬಹುದು ಮತ್ತು ತಮ್ಮ ವೈಯುಕ್ತಿಕ ಬಳಕೆಗಾಗಿ ಗರಿಷ್ಠ ಮೂರು ಗಿಡಗಳನ್ನು ಬೆಳೆಯಲು ಅನುವು ಮಾಡಿಕೊಡುತ್ತದೆ.
ಏನಿದು ಗಾಂಜಾ?
ಇದು ಕ್ಯಾನಬಿಸ್ ಸಟಿವಾ ಸಸ್ಯದ ಹಲವಾರು ಸೈಕೋಆಕ್ಟಿವ್ ಸಿದ್ಧತೆಗಳನ್ನು ಸೂಚಿಸಲು ಬಳಸಲಾಗುವ ಸಾಮಾನ್ಯ ಪದವಾಗಿದೆ. ಗಾಂಜಾದಲ್ಲಿನ ಪ್ರಮುಖ ಸೈಕೋಆಕ್ಟಿವ್ ಘಟಕವೆಂದರೆ ಟೆಟ್ರಾಹೈಡ್ರೊಕಾನ್ನಬಿನಾಲ್ (ಟಿಎಚ್ಸಿ). ಇದನ್ನು ರಚನಾತ್ಮಕವಾಗಿ ಹೋಲುವ ಸಂಯುಕ್ತಗಳನ್ನು ಕ್ಯಾನಬಿನಾಯ್ಡ್ ಎಂದು ಕರೆಯಲಾಗುತ್ತದೆ. ಅನೇಕ ದೇಶಗಳಲ್ಲಿ ಗಾಂಜಾ ಎಲೆಗಳು ಅಥವಾ ಇತರ ಕಚ್ಚಾ ಸಸ್ಯ ವಸ್ತುಗಳನ್ನು ಉಲ್ಲೇಖಿಸಲು ಮೆಕ್ಸಿಕನ್ ಪದ ಮರಿಜುವಾನಾ/ ಮೆರುವಾನಾ ಅನ್ನು ಆಗಾಗ್ಗೆ ಬಳಸಲಾಗುತ್ತದೆ.
ಅಮೇರಿಕಾ, ಕೆನಡಾ, ಜಾಂಬಿಯಾ ಮತ್ತು ನೈಜೀರಿಯಾದಲ್ಲಿ ಗಾಂಜಾ ಬಳಕೆ ಅತಿ ಹೆಚ್ಚು. ಮನುಷ್ಯನ ದೇಹದಲ್ಲಿ ಎರಡು ಗಂಟೆಗಳಿAದ ಆರು ಗಂಟೆಗಳವರೆಗೆ ಗಾಂಜಾದ ಪರಿಣಾಮವಿರುತ್ತದೆ.
ಗಾಂಜಾ ಸೇವನೆಯ ಅಡ್ಡ ಪರಿಣಾಮಗಳು
ಗಾಂಜಾ ಸೇವನೆಯಿಂದ ನೆನಪಿನ ಶಕ್ತಿ ಹಾಗೂ ಮಾನಸಿಕ ಪ್ರಕ್ರಿಯೆ ದುರ್ಬಲಗೊಳ್ಳುತ್ತದೆ. ಗಾಂಜಾವನ್ನು ದೀರ್ಘ ಕಾಲ ಬಳಸುವುದರಿಂದ ಅದು ಚಟವಾಗಿ ಬದಲಾಗುತ್ತದೆ ಮತ್ತು ಇದರಿಂದಾಗಿ, ಮನುಷ್ಯನಲ್ಲಿ ಅರಿವಿನ ಕೊರತೆ,
ಸ್ಕಿಜೋಫ್ರೇನಿಯಾ, ಖಿನ್ನತೆ ಮತ್ತು ಆತಂಕದAತಹ ಮಾನಸಿಕ ಆರೋಗ್ಯ ಸಮಸ್ಯೆಗಳ ಬೆಳವಣಿಗೆಗೆ ಕಾರಣವಾಗಬಹುದು. ಹದಿಹರೆಯದಲ್ಲಿಯೇ ಗಾಂಜಾ ಚಟಕ್ಕೆ ಬಿದ್ದರೆ, ಮೆದುಳಿನ ಬೆಳವಣಿಗೆ ಕ್ಷೀಣಿಸುತ್ತಾ ಹೋಗುತ್ತದೆ.
ಭಾರತದಲ್ಲಿ ಗಾಂಜಾ
ನಾರ್ಕೋಟಿಕ್ ಡ್ರಗ್ಸ್ ಮತ್ತು ಸೈಕೋಟ್ರೋಪಿಕ್ ಸಬ್ಸ್ಟೆನ್ಸ್ (ಎನ್ಡಿಪಿಎಸ್) ಕಾಯಿದೆ, 1985ರ ಅಡಿಯಲ್ಲಿ ಭಾರತದಲ್ಲಿ ಗಾಂಜಾ ಬಳಕೆ ಕಾನೂನುಬಾಹಿರವಾಗಿದೆ. ಭಾರತವು 1985ರಲ್ಲಿ, ವಿಶ್ವಸಂಸ್ಥೆಯ ಕೋರಿಕೆಯ ಮೇರೆಗೆ, ನಾರ್ಕೋಟಿಕ್ಸ್ ಡ್ರಗ್ಸ್ ಸಮಾವೇಶದ ಅಂತರರಾಷ್ಟಿçÃಯ ಒಪ್ಪಂದ 1961ಗೆ ಸಹಿ ಹಾಕಿತು. ಅದರಲ್ಲಿ ಹೆರಾಯ್ನ್ ಇತ್ಯಾದಿ ಮಾದಕವಸ್ತುಗಳ ಇದ್ದ ಪಟ್ಟಿಗೆ ಗಾಂಜಾವನ್ನೂ ಸೇರಿಸಲಾಗಿತ್ತು. ಗಾಂಜಾದ ರಾಳ ಮತ್ತು ಹೂವುಗಳ ಮಾರಾಟ ಹಾಗೂ ಉತ್ಪಾದನೆಯನ್ನು ದೇಶಾದ್ಯಂತ ನಿಷೇಧಿಸಲಾಗಿದೆ. ಹೀಗಿದ್ದರೂ, ಗಾಂಜಾ ಎಲೆಗಳು ಮತ್ತು ಬೀಜಗಳ ಮಾರಾಟದ ಮೇಲೆ ಕಾನೂನನ್ನು ರೂಪಿಸುವ ಮತ್ತು ಜಾರಿಮಾಡುವ ಅಧಿಕಾರ ರಾಜ್ಯಗಳಿಗೆ ಇವೆ. ಹೀಗಿದ್ದರೂ, ಗಾಂಜಾ ಸಸ್ಯದ ಎಲೆಗಳಿಂದ ತಯಾರಿಸಲಾಗುವ ಭಾಂಗ್ ಅನ್ನು ಎನ್ಡಿಪಿಎಸ್ ಕಾಯಿದೆಯಲ್ಲಿ ಉಲ್ಲೇಖಿಸಲಾಗಿಲ್ಲ. ಅಸ್ಸಾಂ, ಗುಜರಾತ್, ಮಹಾರಾಷ್ಟç ಮತ್ತು ಕರ್ನಾಟಕ ರಾಜ್ಯಗಳು ಭಾಂಗ್ ಬಳಕೆ ಮತ್ತು ಮಾರಾಟವನ್ನು ನಿಷೇಧಿಸಿದ್ದರೂ, ಭಾರತದ ಕೇಂದ್ರ ಸರ್ಕಾರವು ಭಾಂಗ್ ಮಾರಾಟವನ್ನು ಅನುಮತಿಸುತ್ತದೆ ಮತ್ತು ಕಾನೂನುಬದ್ಧವಾಗಿದೆ. (ಗುಜರಾತ್ ರಾಜ್ಯದಲ್ಲಿ 2017ರಿಂದೀಚೆಗೆ ಭಾಂಗ್ ಬಳಕೆ ಕಾನೂನುಬದ್ಧವಾಗಿದೆ.) ವಿಶೇಷ ಅನುಮತಿ: ಎನ್ಡಿಪಿಎಸ್ ಕಾಯಿದೆಯಲ್ಲಿ, ನಾರು ಅಥವಾ ಬೀಜವನ್ನು ಪಡೆಯುವ ಸಲುವಾಗಿ ಅಥವಾ ಕೈಗಾರಿಕಾ ಉದ್ದೇಶಗಳಿಗಾಗಿ ಮಾತ್ರ ಯಾವುದೇ ಗಾಂಜಾ ಗಿಡವನ್ನು ಬೆಳೆಸಲು ಸರ್ಕಾರ ಅನುಮತಿ ನೀಡಬಹುದು ಎಂದು ಉಲ್ಲೇಖಿಸಲಾಗಿದೆ. ಗಾAಜಾವನ್ನು ಕಾನೂನುಬದ್ಧಗೊಳಿಸುವ ಪರವಾಗಿ ವಾದಗಳು.
ಕ್ರಿ.ಪೂ. 1000 ಮತ್ತು 2000 ಇಸವಿಯ ನಡುವೆ, ಆರ್ಯನ್ ವಲಸಿಗರು ಗಾಂಜಾ ಗಿಡವನ್ನು ಭಾರತಕ್ಕೆ ತಂದರು ಎನ್ನಲಾಗಿದೆ. ವೇದಗಳಲ್ಲಿ ಇದನ್ನು ಪವಿತ್ರ ಸಸ್ಯವೆಂದು ಪರಿಗಣಿಸಲಾಗುತ್ತದೆ ಹಾಗೂ ಸಂತೋಷದ ಮೂಲವೆಂದು ಪರಿಗಣಿಸಲಾಗುತ್ತದೆ. ಅದಲ್ಲದೇ, ಹಿಂದೂ ದೇವರಾದ ಶಿವ ಭಾಂಗ್ ಬಳಸುತ್ತಿದ್ದರು ಹಾಗೂ ಆತನನ್ನು ಭಾಂಗ್ನ ಭಗವAತ ಎಂದು ಪೂಜಿಸಲಾಗುತ್ತದೆ.
ಗಾಂಜಾ ಬಳಕೆಯನ್ನು ನಿಯಂತ್ರಿಸುವ ಪ್ರಸ್ತುತ ಕಾನೂನು ಸಂವಿಧಾನಾತ್ಮಕವಾಗಿದ್ದು, ಕಾನೂನು ಚೌಕಟ್ಟು ಆರ್ಟಿಕಲ್ 14 (ಸಮಾನತೆಯ ಹಕ್ಕು), 19(1) (ಜಿ) [ವ್ಯಾಪಾರದ ಸ್ವಾತಂತ್ರ್ಯ], ಆರ್ಟಿಕಲ್ 21 (ಜೀವನದ ಹಕ್ಕು
ಅಥವಾ ಇತರ ಮೂಲಭೂತ ಹಕ್ಕುಗಳ ಅಡಿಯಲ್ಲಿ ಖಾತರಿಪಡಿಸುವ ಹಕ್ಕು) ಉಲ್ಲಂಘಿಸುವುದಿಲ್ಲ ಎಂದು ಕೇAದ್ರ ಸರ್ಕಾರ ಹೇಳಿದೆ.
ಗಾಂಜಾವನ್ನು ಕಾನೂನುಬದ್ಧಗೊಳಿಸುವುದರಿಂದ, ಉದ್ಯೋಗ ಸೃಷ್ಟಿಯಾಗಿತ್ತದೆ ಮತ್ತು ಸುಸ್ಥಿರ ಕೃಷಿ ಆದಾಯ ಹೆಚ್ಚಿಸಲು ಸಹಕಾರಿಯಾಗಿದೆ. ಅದಲ್ಲದೇ, ಮನುಷ್ಯನಿಗೆ ದಿನನಿತ್ಯದ ಒತ್ತಡವನ್ನು ಎದುರಿಸಲು, ತನ್ನ ಏಕಾಗ್ರತೆಯನ್ನು ಸುಧಾರಿಸಲು, ವೈದ್ಯಕೀಯ ಸಮಸ್ಯೆಗಳನ್ನು ಪರಿಹರಿಸಲು ಗಾಂಜಾ ಸಹಕಾರಿ.
ಭಾರತದ ಗಾಂಜಾ ಉತ್ಪಾದನಾ ಸಾಮರ್ಥ್ಯವನ್ನು ಗಮನಿಸಿದರೆ, ತೆರಿಗೆಯ ವಿಷಯದಲ್ಲಿ ಸರ್ಕಾರಕ್ಕೂ ಇದು ಬಹಳ ಪ್ರಯೋಜನಕಾರಿಯಾಗಲಿದೆ. ಗಾಂಜಾವನ್ನು ಕಾನೂನುಬದ್ಧಗೊಳಿಸುವ ವಿರುದ್ಧ ಇರುವ ವಾದಗಳು
ಗಾಂಜಾ ಸೇವನೆ ಮನುಷ್ಯನ ಮಾನಸಿಕ ಆರೋಗ್ಯದ ಮೇಲೆ ಋಣಾತ್ಮಕ ಪರಿಣಾಮ ಬೀರುತ್ತದೆ. ಇದರಿಂದ ಆಗಾಗ್ಗೆ ನಿಮಗೆ ಆತಂಕ, ಭಯ, ಗಾಬರಿ ಉಂಟುಮಾಡಬಹುದು. ಅಥವಾ ನೀವು ಈಗಾಗಲೇ ಹೊಂದಿರುವ ಯಾವುದೇ ಮಾನಸಿಕ ಅಸ್ವಸ್ಥತೆಗಳ ಲಕ್ಷಣಗಳು ಇನ್ನಷ್ಟು ಹದಗೆಡಬಹುದು.
ಮೆದುಳಿಗೆ ಹಾನಿಯುಂಟುಮಾಡಬಹುದು: ಗಾಂಜಾ ಸೇವನೆಯಿAದ ನೆನಪಿನ ಶಕ್ತಿ ಕುಂದುವ ಸಾಧ್ಯತೆ ಹೆಚ್ಚು ದುರುಪಯೋಗ: ಭಾರತದಂತಹ ದೇಶಗಳಲ್ಲಿ, ವೈದ್ಯರು ಬರೆದು ಕೊಟ್ಟ ಮದ್ದುಗಳನ್ನೇ ಸಂಪೂರ್ಣವಾಗಿ ದುರುಪಯೋಗಪಡಿಸಲಾಗುತ್ತದೆ ಅಥವಾ ವೈದ್ಯರು ಹೇಳದಿದ್ದರೂ ಕೆಲವು ಮದ್ದುಗಳನ್ನು ಜನರು ಸೇವಿಸುತ್ತಾರೆ. ಹೀಗಿರುವಾಗ, ಗಾಂಜಾವನ್ನು ಶಿಸ್ತುಬದ್ಧವಾಗಿ ಬಳಸುವುದನ್ನು ಖಚಿತಪಡಿಸಿಕೊಳ್ಳುವುದು ಕಷ್ಟ.
ಈಗಾಗಲೇ ತಂಬಾಕು, ಮದ್ಯಪಾನ ಇತ್ಯಾದಿ ಸೈಕೋಆ್ಯಕ್ಟಿವ್ ಡ್ರಗ್ಗಳ ಬಳಕೆಯಿಂದ ಸಾವಿರಾರು ಜನರು ಕಷ್ಟಪಡುತ್ತಿರುವಾಗ, ಮತ್ತೊಂದು ಡ್ರಗ್ ಅನ್ನು ಪರಿಚಯಿಸುವುದು ಸೂಕ್ತವಲ್ಲ!
ಎನ್ಡಿಪಿಎಸ್ ಕಾಯಿದೆ, 1985 ರ ಅಡಿಯಲ್ಲಿ ಶಿಕ್ಷೆ
ಎನ್ಡಿಪಿಎಸ್ ಕಾಯಿದೆಯ ಅಡಿಯಲ್ಲಿ, ಭಾರತದಲ್ಲಿ ಯಾವುದೇ ಮಾದಕ ದ್ರವ್ಯಗಳು ಮತ್ತು ಸೈಕೋಟ್ರೋಪಿಕ್ ಡ್ರಗ್ಗಳನ್ನು ಬಳಸುವುದು ಶಿಕ್ಷಾರ್ಹ ಅಪರಾಧವಾಗಿದೆ. ಯಾವುದೇ ವ್ಯಕ್ತಿಯು ಮಾರ್ಫಿನ್, ಕೊಕೇನ್, ಡಯಾಸೆಟೈಲ್-ಮಾರ್ಫಿನ್ ಮತ್ತು ಇತರ ಯಾವುದೇ ಮಾದಕ ದ್ರವ್ಯಗಳನ್ನು ಸೇವಿಸಿದರೆ ಒಂದು ವರ್ಷದವರೆಗೆ ಕಠಿಣ ಕಾರಾಗೃಹ ಶಿಕ್ಷೆ ಅಥವಾ ಇಪ್ಪತ್ತು ಸಾವಿರ ರೂಪಾಯಿಗಳವರೆಗೆ ದಂಡ ವಿಧಿಸಲಾಗುತ್ತದೆ ಅಥವಾ ಎರಡೂ ಶಿಕ್ಷೆ ವಿಧಿಸಬಹುದು. ಇನ್ನು, ಈ ಕಾಯಿದೆಯ ಪಟ್ಟಿಯಲ್ಲಿ ಸೇರಿಸಲಾಗದ ಯಾವುದೇ ಮಾದಕವಸ್ತು ಔಷಧ ಅಥವಾ ಸೈಕೋಟ್ರೋಪಿಕ್ ವಸ್ತುವನ್ನು ಬಳಸಿದರೆ, ಆರು ತಿಂಗಳವರೆಗೆ ಜೈಲು ಶಿಕ್ಷೆ ಅಥವಾ ಹತ್ತು ಸಾವಿರ ರೂಪಾಯಿಗಳವರೆಗೆ ದಂಡ ಅಥವಾ ಎರಡನ್ನೂ ವಿಧಿಸಲಾಗುತ್ತದೆ.
ಅದಕ್ಕೆ ಸಂಬಂಧಿಸಿದ ತೀರ್ಪುಗಳು ಯಾವುವು?
ಅರ್ಜುನ್ ಸಿಂಗ್ ವರ್ಸಸ್ ಹರಿಯಾಣ ರಾಜ್ಯ | ಚಂಡೀಗಢ ಹೈಕೋರ್ಟ್ ಭಾಂಗ್, ಗಾಂಜಾ ಸಸ್ಯವಾಗಿದ್ದರೂ ಎನ್ಡಿಪಿಎಸ್ ಕಾಯ್ದೆಯಡಿ ನೀಡಲಾದ ನಿಬಂಧನೆಗಳ ಅಡಿಯಲ್ಲಿ ಗಾಂಜಾ (ಕ್ಯಾನಬೀಸ್) ಅಲ್ಲ ಎಂದು ಉಲ್ಲೇಖಿಸಲಾಗಿದೆ. ಹೀಗಾಗಿ ಗಾಂಜಾ ತಿನ್ನುವುದು ಕಾನೂನುಬಾಹಿರ ಅಲ್ಲ ಎಂದು ನ್ಯಾಯಾಲಯ ಆದೇಶಿಸಿತ್ತು. 2019 ರಲ್ಲಿ, ಎನ್ಡಿಪಿಎಸ್ ಕಾಯಿದೆಯು ಗಾಂಜಾ ಮೇಲೆ ಹೇರಿದ್ದ ನಿಷೇಧವು ಅನಿಯಂತ್ರಿತ, ಅವೈಜ್ಞಾನಿಕ ಮತ್ತು ಅವಿವೇಕತೆಯಿಂದ ಕೂಡಿದೆ ಎಂದು ಉಲ್ಲೇಖಿಸಿ, ಗ್ರೇಟ್ ಲೀಗಲೈಸೇಶನ್ ಮೂವ್ಮೆಂಟ್ ಇಂಡಿಯಾ ಟ್ರಸ್ಟ್ ದೆಹಲಿ ಹೈಕೋರ್ಟ್ ನಲ್ಲಿ ಅರ್ಜಿ ಸಲ್ಲಿಸಿತ್ತು.
ಕಾನೂನುಬದ್ಧಗೊಳಿಸಿದರೆ ಏನಾಗುತ್ತದೆ?
ಗಾಂಜಾ ಮಾರಾಟ ಮತ್ತು ಬಳಕೆಯನ್ನು ಕಾನೂನುಬದ್ಧ ಮಾಡಿದರೆ, ಆ ಗಿಡ ವಾಣಿಜ್ಯೀಕರಣಗೊಳ್ಳುತ್ತದೆ ಮತ್ತು ಮುಂದೆ, ತಂಬಾಕು, ಮದ್ಯ ಇತ್ಯಾದಿಯಂತೆ ಮಾರಾಟ ಆರಂಭವಾಗುತ್ತದೆ. ತಂಬಾಕು ಮತ್ತು ಮದ್ಯ ಸೇವನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ಅರಿವಿದ್ದರೂ, ಇವು ಈಗಾಗಲೇ ಕಾನೂನುಬದ್ಧವಾಗಿ ಮಾರಾಟವಾಗುತ್ತಿದೆ. ಅದರಂತೆ ಗಾಂಜಾ ಮಾರಾಟವೂ ಆಗುತ್ತದೆ.