ವ್ಯಾಯಾಮ ಮಾಡಿ ಬಂದ ನಂತರ ಕೆಲವರಿಗೆ ತುಂಬಾ ಹಸಿವಾಗುತ್ತದೆ. ಆಗ ತೂಕ ಹೆಚ್ಚಾಗುವಂತ ಯಾವುದೇ ಪದಾರ್ಥಗಳನ್ನು ಸೇವಿಸಿದರೆ ವ್ಯಾಯಾಮ ಮಾಡಿದ್ದು ಉಪಯೋಗಕ್ಕೆ ಬರುವುದಿಲ್ಲ. ಇಂತಹ ಸಮಯದಲ್ಲಿ ಪಿಸ್ತಾವನ್ನು ಸೇವಿಸುವುದರಿಂದ ನಾವು ಉತ್ತಮ ಫಲಿತಾಂಶವನ್ನು ಪಡೆಯಬಹುದು.
ಪಿಸ್ತಾ ಅನೇಕ ರೀತಿಯ ಪೋಷಕಾಂಶಗಳನ್ನು ಒಳಗೊಂಡಿದ್ದು, ದೇಹದ ತೂಕ ನಿರ್ವಹಣೆ ಅಥವಾ ಕೊಬ್ಬು ಕಡಿಮೆ ಮಾಡಿಕೊಳ್ಳಬೇಕು ಅಂತಿರುವವರಿಗೆ ಉತ್ತಮವಾದುದಾಗಿದೆ. ಪಿಸ್ತಾಗಳು ರುಚಿಕರವಾಗಿದ್ದು, ಪ್ರತಿದಿನ ವ್ಯಾಯಾಮದ ನಂತರದ ಚೇತರಿಕೆಯ ತಿಂಡಿಯಾಗಿ ಅತ್ಯುತ್ತಮವಾದ ಆಯ್ಕೆಯಾಗಿದೆ. ಅಲ್ಲದೆ ಪ್ರೋಟೀನ್ ಭರಿತವಾಗಿರುತ್ತವೆ. ಪಿಸ್ತಾಗಳು ಪ್ರೋಟೀನ್ನ ಮೂಲವಾಗಿರುವುದರಿಂದ ವ್ಯಾಯಾಮದ ನಂತರ ಸ್ನಾಯುಗಳನ್ನು ಬಲಪಡಿಸುವಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸುತ್ತದೆ ಮತ್ತು ಇದು ಸ್ನಾಯುವಿನ ಚೇತರಿಕೆಗೆ ಸಹಾಯ ಮಾಡುತ್ತದೆ.
ಪಿಸ್ತಾ ಪೌಷ್ಟಿಕಾಂಶದ ನಿಧಿ: ಪಿಸ್ತಾಗಳಲ್ಲಿ ಮೆಗ್ನೀಸಿಯಮ್, ಪೊಟ್ಯಾಸಿಯಮ್ ಮತ್ತು ವಿಟಮಿನ್ ಬಿ6 ನಂತಹ ಅಗತ್ಯವಾದ ಪೋಷಕಾಂಶಗಳು ಇರುತ್ತವೆ, ಇವುಗಳು ಆರೋಗ್ಯಕರ ಶಕ್ತಿಯ ಮಟ್ಟವನ್ನು ಕಾಪಾಡಿಕೊಳ್ಳಲು, ಸ್ನಾಯು ಸೆಳೆತವನ್ನು ಕಡಿಮೆ ಮಾಡಲು ಮತ್ತು ಸರಿಯಾದ ನರಗಳ ಕಾರ್ಯವನ್ನು ಬೆಂಬಲಿಸಲು ಉತ್ತಮವಾದುದಾಗಿದೆ.
ಪಿಸ್ತಾಗಳು ಆರೋಗ್ಯವರ್ಧಕ ಗುಣಗಳನ್ನು ಹೊಂದಿದ್ದು, ಇದನ್ನು ಸೇವಿಸುವುದರಿಂದ ನಿಮಗೆ ದೀರ್ಘಕಾಲದವರೆಗೆ ಹೊಟ್ಟೆ ತುಂಬಿದ ಅನುಭವ ನೀಡುತ್ತದೆ. ಈ ಹೊಟ್ಟೆ ತುಂಬಿದ ಅನುಭವವು ನಿಮ್ಮ ಒಟ್ಟಾರೆ ಕ್ಯಾಲೋರಿ ಸೇವನೆಯನ್ನು ನಿರ್ವಹಿಸುವಲ್ಲಿ ಸಹಾಯ ಮಾಡುತ್ತದೆ ಮತ್ತು ಆರೋಗ್ಯಕರ ತೂಕ ನಿರ್ವಹಣೆಯನ್ನು ಬೆಂಬಲಿಸುತ್ತದೆ. ಪಿಸ್ತಾಗಳನ್ನು ನೀವು ಪ್ರಯಾಣಿಸುವಾಗ ಸಹ ತಮ್ಮ ಜೊತೆಯಲ್ಲಿ ಇರಿಸಿಕೊಂಡು ತಿನ್ನಬಹುದು.
ವ್ಯಾಯಾಮದ ನಂತರ ಪಿಸ್ತಾ ತಿನ್ನುವುದು ಏಕೆ ತುಂಬಾ ಒಳ್ಳೆಯದು?
ಉತ್ತಮ ವ್ಯಾಯಾಮದ ನಂತರದ ನಿಮ್ಮ ದೇಹಕ್ಕೆ ಇಂಧನವನ್ನು ತುಂಬಲು ಮತ್ತು ನಿಮ್ಮ ಹಸಿವನ್ನು ಪೂರೈಸಲು ಅಗತ್ಯವಾದ ಪ್ರಮುಖ ಪೋಷಕಾಂಶಗಳನ್ನು ಒದಗಿಸುವಲ್ಲಿ ಪಿಸ್ತಾ ಅನುಕೂಲಕರವಾಗಿದೆ.
ಒಂದು ಪವರ್ ಪ್ಯಾಕ್ಡ್ ಆಹಾರವೆಂದರೆ ಅದು ಪಿಸ್ತಾ ಅಂತ ಹೇಳಬಹುದು. ತೀವ್ರವಾದ ವ್ಯಾಯಾಮದ ನಂತರ ಇದನ್ನು ಸೇವಿಸಿದಾಗ ಸ್ನಾಯು ಅಂಗಾಂಶದ ಹಾನಿಯನ್ನು ತಡೆಗಟ್ಟುವಲ್ಲಿ ಪ್ರೋಟೀನ್ ತಿನ್ನುವುದು ಪ್ರಯೋಜನಕಾರಿ ಎಂದು ಸಂಶೋಧನೆ ಹೇಳುತ್ತದೆ.
ತೀವ್ರವಾದ ವ್ಯಾಯಾಮದ ಸಮಯದಲ್ಲಿ, ದೇಹವು ಬೆವರಿನೊಂದಿಗೆ ಪೊಟ್ಯಾಸಿಯಮ್ ಅನ್ನು ಕಳೆದುಕೊಂಡಿರುತ್ತದೆ, ಆಗ ಉಂಟಾದ ಸ್ನಾಯು ದೌರ್ಬಲ್ಯಕ್ಕೆ ನೀರಿನೊಂದಿಗೆ ಪೊಟ್ಯಾಸಿಯಮ್ ಹೊಂದಿರುವ ಆಹಾರವಾದ ಪಿಸ್ತಾ ಸೇವಿಸುವುದು ಉತ್ತಮವಾಗಿರುತ್ತದೆ.
ಪಿಸ್ತಾ ಆರೋಗ್ಯಕ್ಕೆ ಒಳ್ಳೆಯದು ಅಂತ ತುಂಬಾ ಜಾಸ್ತಿ ತಿನ್ನಬಾರದು. ಪಿಸ್ತಾವನ್ನು ಮಿತವಾಗಿ ತಿನ್ನುವುದು ಒಳ್ಳೆಯದು.