ಒಬ್ಬೊಬ್ಬರು ಒಂದೊಂದು ರೀತಿಯ ಚರ್ಮವನ್ನು ಹೊಂದಿರುತ್ತಾರೆ. ಅದರಲ್ಲಿ ಎಣ್ಣೆಯುಕ್ತ ಚರ್ಮದಿಂದ ಬಳಲುತ್ತಿರುವ ಜನರು ಮೊಡವೆಗಳ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ಒಂದು ಗಂಟೆ ಹೊರಗೆ ಹೋದರೂ ಚರ್ಮವು ತಕ್ಷಣವೇ ಎಣ್ಣೆಯುಕ್ತವಾಗುತ್ತದೆ ನಂತರ ಕಪ್ಪಾಗಿ ಕಾಣಲು ಪ್ರಾರಂಭಿಸುತ್ತದೆ.
ಎಣ್ಣೆಯುಕ್ತ ಚರ್ಮ ಹೊಂದಿರುವವರು ಮಾಯಿಶ್ಚರೈಸರ್ ಅನ್ನು ಬಳಸದಿರುವುದು ಉತ್ತಮ ಎಂದು ನಂಬಿಕೊಂಡಿರುತ್ತಾರೆ ಆದರೆ ಎಲ್ಲಾ ಚರ್ಮದ ಪ್ರಕಾರಗಳಿಗೆ ಮಾಯಿಶ್ಚರೈಸರ್ ಅಗತ್ಯವಿರುತ್ತದೆ.
ಚರ್ಮವನ್ನು ಸ್ವಚ್ಛಗೊಳಿಸಿದ ನಂತರ, ಟೋನರ್ ಮತ್ತು ಮಾಯಿಶ್ಚರೈಸರ್ ಅನ್ನು ಬಳಸಬೇಕಾಗುತ್ತದೆ. ಏಕೆಂದರೆ ತ್ವಚೆಯು ತೇವಾಂಶದಿಂದ ಇರಲು ಮಾಯಿಶ್ಚರೈಸರ್ ಅಗತ್ಯವಿರುತ್ತದೆ. ಆದರೆ, ಮಾಯಿಶ್ಚರೈಸರ್ ಬಳಸುವುದರಿಂದ ಮುಖ ಎಣ್ಣೆಯುಕ್ತವಾಗುತ್ತದೆ ಎಂದು ನೀವು ಭಾವಿಸುವುದು ತಪ್ಪಾಗಿದೆ.
ಇದಕ್ಕೆ ಮುಖ್ಯ ಕಾರಣ ಸರಿಯಾದ ಮಾಯಿಶ್ಚರೈಸರ್ ಆಯ್ಕೆ ಮಾಡದಿರುವುದೆ ಆಗಿರುತ್ತದೆ. ಹಾಗಾದರೆ ಎಣ್ಣೆಯುಕ್ತ ಚರ್ಮ ಹೊಂದಿರುವ ಜನರು ಯಾವ ರೀತಿಯ ಮಾಯಿಶ್ಚರೈಸರ್ ಅನ್ನು ಬಳಸಬೇಕು?
ನೀರು ಆಧಾರಿತ ಮಾಯಿಶ್ಚರೈಸರ್ ಅನ್ನು ಆರಿಸಿದರೆ,
ಇದು ನಿಮ್ಮ ಚರ್ಮವನ್ನು ಎಣ್ಣೆಯುಕ್ತವಾಗಿಸುವುದಿಲ್ಲ. ತ್ವಚೆಯನ್ನು ಸದಾ ತೇವವಾಗಿರಿಸುತ್ತದೆ. ತೈಲ ಮುಕ್ತ ಮಾಯಿಶ್ಚರೈಸರ್ಗಳ ಅನೇಕ ಪ್ರಸಿದ್ಧ ಬ್ರ್ಯಾಂಡ್ಗಳು ಇಂದು ಮಾರುಕಟ್ಟೆಯಲ್ಲಿ ಲಭ್ಯವಿರುವುದರಿಂದ ನೀವು ಚರ್ಮವು ಹೆಚ್ಚುವರಿ ಎಣ್ಣೆಯನ್ನು ಹೀರಿಕೊಳ್ಳುವಂತೆ ಮಾಡುವುದನ್ನು ಆಯ್ಕೆ ಮಾಡಿಕೊಳ್ಳಬೇಕು.
ಅದೇ ರೀತಿ, ಲ್ಯಾಕ್ಟಿಕ್ ಆಸಿಡ್ ಅಥವಾ ಗ್ಲೈಕೋಲಿಕ್ ಆಸಿಡ್ ಎಣ್ಣೆಯುಕ್ತ ತ್ವಚೆಗೆ ತುಂಬಾ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಅವು ವಾಸ್ತವವಾಗಿ ನೀರು ಆಧಾರಿತ ಆಲ್ಫಾ ಹೈಡ್ರಾಕ್ಸಿ ಆಮ್ಲಗಳಾಗಿವೆ. ಅದು ತೇವಾಂಶವನ್ನು ಉಳಿಸಿಕೊಳ್ಳಲು ಮತ್ತು ಚರ್ಮವನ್ನು ಎಫ್ಫೋಲಿಯೇಟ್ ಮಾಡಲು ಸಹಾಯ ಮಾಡುವುದಾಗಿರುತ್ತದೆ.
ಎಣ್ಣೆಯುಕ್ತ ಚರ್ಮ ಹೊಂದಿರುವ ಜನರು ವಿಟಮಿನ್ ಸಿ ಸೀರಮ್ ಅನ್ನು ಕೂಡ ಬಳಸಬಹುದು. ಇದು ನಿಮ್ಮ ತ್ವಚೆಗೆ ಮಾಯಿಶ್ಚರೈಸರ್ ಆಗಿ ಕಾರ್ಯನಿರ್ವಹಿಸುತ್ತದೆ. ಇದು ಮೊಡವೆ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಚರ್ಮವನ್ನು ಹೊಳೆಯುವಂತೆ ಮಾಡುತ್ತದೆ. ವಿಟಮಿನ್ ಸಿ ಸೀರಮ್ ಅನ್ನು ನಿಯಮಿತವಾಗಿ ಬಳಸುವುದರಿಂದ ನಿಮ್ಮ ಚರ್ಮವು ಹೊಳೆಯುತ್ತದೆ. ಹೀಗಾಗಿ ನೀವು ಎಣ್ಣೆಯು ಪ್ರಚಾರ ಹೊಂದಿದ್ದರೆ ಮಾಯಿಶ್ಚರೈಸರ್ ಅನ್ನು ದಿನಾಲು ಬಳಸಿ.