ಬೆಳಗಾವಿ: ನಿಷೇಧದ ಮಧ್ಯೆಯೂ ಈ ಬಾರಿ ಮಹಾರಾಷ್ಟ್ರದಿಂದ ದೊಡ್ಡ ಪ್ರಮಾಣದಲ್ಲಿ ಪ್ಲಾಸ್ಟರ್ ಅಫ್ ಪ್ಯಾರೀಸ್ನ(ಪಿಒಪಿ) ಗಣೇಶ ವಿಗ್ರಹಗಳು ಬೆಳಗಾವಿಯ ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ತಮ್ಮ ಮನೆಗಳಲ್ಲಿ ಅವುಗಳನ್ನು ಪ್ರತಿಷ್ಠಾಪಿಸಲು ಗ್ರಾಹಕರೂ ಒಲವು ತೋರುತ್ತಿದ್ದಾರೆ. ಆದರೆ, ಪಿಒಪಿ ವಿಗ್ರಹಗಳ ಮಾರಾಟಕ್ಕೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ಅಧಿಕಾರಿಗಳು ಕ್ರಮ ವಹಿಸಿಲ್ಲ.
ಪರಿಸರ ಮಾಲಿನ್ಯಕ್ಕೆ ಕಡಿವಾಣಹಾಕುವ ದೃಷ್ಟಿಯಿಂದ ‘2016ರಲ್ಲೇ ವಿಗ್ರಹಗಳ ಬಳಕೆಯನ್ನು ನಿಷೇಧಿಸಿದೆ. ಆದರೆ, ಕೆಲವು ಮೂರ್ತಿಕಾರರು ಮಣ್ಣಿನ ವಿಗ್ರಹ ತಯಾರಿಸುತ್ತಿರುವುದು. ಬಿಟ್ಟರೆ, ಹೆಚ್ಚಿನ ಪ್ರಮಾಣದಲ್ಲಿ ಪಿಒಪಿ ವಿಗ್ರಹಗಳೇ ತಯಾರಾಗುತ್ತಿವೆ. ನಿಯಮಗಾಳಿಗೆ ತೂರುವವರ ಮೇಲೆ ಕಠಿಣ ಕ್ರಮವಾಗಿದ್ದರಿಂದ ಇಂತಹ ವಿಗ್ರಹಗಳ ಮಾರಾಟ ಎಗ್ಗಿಲ್ಲದೆ ನಡೆಯುತ್ತಿದೆ.’ನಿಷೇಧ’ ಎಂಬುದು ಕಡತಕ್ಕಷ್ಟೇ ಸೀಮಿತವಾಗಿದೆ. ನೀರಿನಲ್ಲಿ ಬೇಗ ಕರಗದ ಮತ್ತು ರಾಸಾಯನಿಕ ಅಂಶಗಳಿಂದ ಬಳಿಸಿದ ಇಂತಹ ವಿಗ್ರಹಗಳನ್ನು ವಿಸರ್ಜಿಸುತ್ತಿರುವುದರಿಂದ ಪರಿಸರಕ್ಕೆ ಧಕ್ಕೆಯಾಗುತ್ತಿದೆ.
ನಡೆಯದ ಸಭೆ ದಕ್ಷಿಣ ಭಾರತದಲ್ಲಿ, ಮುಂಬೈ, ಪುಣೆ ಬಿಟ್ಟರೆ, ಬೆಳಗಾವಿಯಲ್ಲೇ ವಿಜೃಂಭಣೆಯಿಂದ ಗಣೇಶೋತ್ಸವ ಆಚರಿಸಲಾಗುತ್ತದೆ. ನಗರದ ವಿವಿಧ ಬಡಾವಣೆಗಳಲ್ಲಿ 370ಕ್ಕೂ ಅಧಿಕ ಸಾರ್ವಜನಿಕ ವಿಗ್ರಹಗಳನ್ನು ಪ್ರತಿಷ್ಠಾಪಿಸಿ, 11 ದಿನ ಪೂಜಿಸಲಾಗುತ್ತದೆ. ಮನೆಗಳಲ್ಲೂ ಸಾವಿರಾರು ವಿಗ್ರಹ ಪ್ರತಿಷ್ಠಾಪನೆಯಾಗುತ್ತವೆ. ಈ ವರ್ಷ ಹಬ್ಬಕ್ಕೆ ಒಂದೂವರೆ ತಿಂಗಳಷ್ಟೇ ಬಾಕಿಯಿದೆ ಆದರೆ, ಬೆಳಗಾವಿಯ ಸಾರ್ವಜನಿಕ ಗಣೇಶೋತ್ಸವ ಮಂಡಳಗಳ ಮೂರ್ತಿಕಾರರು. ಮಾರಾಟಗಾರರು ಮತ್ತು ಸಾರ್ವಜನಿಕರೊಂದಿಗೆ ಜಿಲ್ಲಾಡಳಿತ ಈವರೆಗೂ ಸಭೆ ನಡೆಸಿಲ್ಲ, ಹಾಗಾಗಿ ಮಹಾರಾಷ್ಟ್ರದ ವಿವಿಧ ನಗರಗಳಲ್ಲಿ ತಯಾರಾದ ಪಿಒಪಿ ವಿಗ್ರಹಗಳು ಗಡಿಜಿಲ್ಲೆಯ ಮಾರುಕಟ್ಟೆಯನ್ನು ನಿರಾತಂಕವಾಗಿ ಪ್ರವೇಶಿಸುತ್ತಿವೆ.
ಗಣೇಶೋತ್ಸವ ಆಚರಣೆ ಹಿನ್ನೆಲೆಯಲ್ಲಿ ನಾನು ಮತ್ತು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಜಂಟಿಯಾಗಿ ಸಭೆ ನಡೆಸುತ್ತೇವೆ. ಪಿಒಪಿ ವಿಗ್ರಹಗಳನ್ನು ತಯಾರಿಸದಂತೆ ಮತ್ತು ಮಾರಾಟ ಮಾಡದಂತೆ ಕಟ್ಟುನಿಟ್ಟಿನ ನಿರ್ದೇಶನ ಕೊಡುತ್ತೇವೆ ನಿಜೇಶ್ ಪಾಟೀಲ, ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.
ಬೆಳಗಾವಿಯಲ್ಲಿ ಪಿಒಪಿ ವಿಗ್ರಹಗಳ ಮಾರಾಟ ಕಂಡುಬಂದಿಲ್ಲ. ಒಂದುವೇಳೆ ಯಾರಾದರೂ ಅಂತಹ ವಿಗ್ರಹಗಳನ್ನು ಮಾರಾಟ ಮಾಡುತ್ತಿರುವುದು ಗಮನಕ್ಕೆ ಬಂದರೆ, ತಪ್ಪಿತಸ್ಥರ ವಿರುದ್ಧಶಿಸ್ತು ಕ್ರಮ ಜರುಗಿಸಲಾಗುವುದು ಎಂದು ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿ ಪರಿಸರ ಅಧಿಕಾರಿ, ಶೋಭಾ ಜೋಳ,ಅವರು ತಿಳಿಸಿದ್ದಾರೆ.
‘ನಾವು 12ವರ್ಷಗಳಿಂದ ಗಣೇಶ ವಿಗ್ರಹಗಳನ್ನು ಮಾರಾಟ ಮಾಡುತ್ತಿದ್ದೇವೆ. ಮಹಾರಾಷ್ಟ್ರದ ಮುಂಬೈನಿಂದ ಮಾವು,ಸಂತ ತುಕಾರಾಮ, ದಗಡು ಶೇಟ್ ಲಂಬೋದರ, ಲಾಲಬಾಗ್ದಾ ರಾಜಾ, ಸಿಂಹಾಸನ, ಚಿಂತಾಮಣಿ ಮತ್ತಿತರ ಶೈಲಿಯ ವಿಗ್ರಹಗಳನ್ನುಮಾರುತ್ತೇವೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಮಣ್ಣಿನಿಂದ ತಯಾರಿಸಿದ ವಿಗ್ರಹಗಳಿಗಿಂತ ಪಿಒಪಿ ವಿಗ್ರಹಗಳಿಗೆ ಗ್ರಾಹಕರು ಹೆಚ್ಚಿನ ಬೇಡಿಕೆ ನಗರದ ವ್ಯಾಪಾರಿ ಸಂತೋಷ ಬಡಿಗೇರ ‘ ತಿಳಿಸಿದರು.