ನಮ್ಮ ಸೌಂದರ್ಯದ ವಿಷಯ ಬಂದಾಗ ಅದರಲ್ಲಿ ಮುಖ್ಯ ಪಾತ್ರ ಕೂದಲು ಕೂಡ ಆಗಿರುತ್ತದೆ. ಗಂಡು ಅಥವಾ ಹೆಣ್ಣು ಮಕ್ಕಳ ಭೇದವಿಲ್ಲದೆ ಎಲ್ಲರೂ ನಾನಾ ವಿಧದ ಹೇರ್ ಸ್ಟೈಲ್ ಮಾಡಿಕೊಳ್ಳುತ್ತಿರುತ್ತಾರೆ. ಅದಕ್ಕಾಗಿ ಎಲ್ಲರೂ ತಮ್ಮ ಕೂದಲಿನ ಆರೋಗ್ಯದ ಬಗ್ಗೆ ಹೆಚ್ಚು ಗಮನ ಕೂಡ ನೀಡುತ್ತಾರೆ. ಕೂದಲು ಉದುರುವುದನ್ನು ತಡೆಗಟ್ಟಲು, ಡ್ಯಾಂಡ್ರಫ್ ಸಮಸ್ಯೆಗಳನ್ನು ನಿವಾರಿಸಿಕೊಳ್ಳಲು ಅನೇಕ ರೀತಿಯ ಶ್ಯಾಂಪೂ, ಹೇರ್ ಆಯಿಲ್ ಮುಂತಾದ ಹೇರ್ ಕೇರ್ ಪ್ರೊಡಕ್ಟ್ ಗಳನ್ನು ಬಳಸಿ ಕೂದಲಿನ ಆರೈಕೆ ಮಾಡಿಕೊಳ್ಳುತ್ತಾರೆ.
ಅನೇಕರು ಕೂದಲಿನ ಆರೈಕೆಗಾಗಿ ದುಬಾರಿ ಶ್ಯಾಂಪೂ, ಸೋಪ್ ಮತ್ತು ಹೇರ್ ಆಯಿಲ್ ಗಳನ್ನು ಬಳಸುತ್ತಾರೆ. ಆದರೆ ಕಲುಷಿತ ವಾತಾವರಣದ ಕಾರಣದಿಂದಲೋ ಅಥವಾ ಒತ್ತಡದ ಜೀವನ ಶೈಲಿಯಿಂದಲೋ ಕೂದಲು ಉದುರುವುದು ಹಾಗೂ ತಲೆ ಹೊಟ್ಟಿನ ಸಮಸ್ಯೆ ಮತ್ತು ಬಿಳಿ ಕೂದಲ ಸಮಸ್ಯೆ ಅನೇಕರಲ್ಲಿದೆ
ಇಂದಿನ ಯುಗದಲ್ಲಿ ಅನೇಕ ಜನರು ತಮ್ಮ ಕೂದಲು ಸ್ಟೈಲಿಶ್ ಆಗಿ ಕಾಣಬೇಕೆಂದು ಅನೇಕ ರೀತಿಯ ಕೆಮಿಕಲ್ ಗಳನ್ನು ಬಳಸುವುದನ್ನು ನೀವು ನೋಡಿರುತ್ತೀರಾ. ಕೂದಲ ಸೆಟಿಂಗ್ ಮತ್ತು ಸ್ಟೈಲಿಂಗ್ ಮಾಡುವ ಸಮಯದಲ್ಲಿ ಬಳಸಲಾಗುವ ಸೆಟ್ಟಿಂಗ್ ಉತ್ಪನ್ನಗಳ ಅತಿಯಾದ ಬಳಕೆಯಿಂದ ಕೂದಲು ಹಾನಿಯಾಗುತ್ತದೆ. ಹಾನಿಗೊಳಗಾದ ಕೂದಲನ್ನು ಆಗಾಗ ಕಟ್ ಮಾಡಿಸುವುದು ಒಳ್ಳೆಯದು.
ಕೂದಲು ಉದುರುವುದನ್ನು ತಡೆಯಲು ಹೀಗೆ ಮಾಡಿ :
ತಲೆ ಸ್ನಾನ ಮಾಡುವ ಮೊದಲು ತಲೆಗೆ ಎಣ್ಣೆ ಹಚ್ಚಿ 30 ನಿಮಿಷದ ನಂತರ ಸ್ನಾನ ಮಾಡಿ. 8 ರಿಂದ 10 ವಾರಗಳಿಗೊಮ್ಮೆ ಕೂದಲನ್ನು ಟ್ರಿಮ್ ಮಾಡಿಸಿ. ವಾರಕ್ಕೊಮ್ಮೆ ಈರುಳ್ಳಿ ರಸವನ್ನು ತಲೆಗೆ ಹಚ್ಚಿ ಸ್ನಾನ ಮಾಡುವುದರಿಂದ ಕೂದಲು ಸದೃಢವಾಗಿ ಬೆಳೆಯುತ್ತದೆ.
ಕೂದಲಿಗೆ ಹೊಳಪು ಬರಲು ಹೀಗೆ ಮಾಡಿ : ಕೂದಲಿಗೆ ಪದೇ ಪದೇ ಕೆಮಿಕಲ್ ಟ್ರೀಟ್ ಮೆಂಟ್, ಹೀಟ್ ಸ್ಟೈಲಿಂಗ್ ಬಳಕೆ ಮಾಡುಬೇಡಿ. ಅದರಿಂದ ಕೂದಲು ಹೊಳಪು ಕಳೆದುಕೊಳ್ಳುತ್ತೆ ಮತ್ತು ನಿರ್ಜೀವವಾಗುತ್ತದೆ. ಕೂದಲಿಗೆ ಮರುಜೀವ ಕೊಡಲು ನೀವು ಫ್ರೀಕಂಡೀಶನಿಂಗ್ ಮಾಡಿಕೊಳ್ಳಬೇಕು. ಪ್ರತಿ ಬಾರಿಯೂ ತಲೆಸ್ನಾನ ಮಾಡುವ ಮೊದಲು ಕೂದಲಿಗೆ ಎಣ್ಣೆಯನ್ನು ಹಚ್ಚಿಕೊಳ್ಳುತ್ತಿರಬೇಕು ಹಾಗೂ ತಿಂಗಳಲ್ಲಿ ಒಮ್ಮೆಯಾದರೂ ಹೇರ್ ಸ್ಪಾ ಟ್ರೀಟ್ ಮೆಂಟ್ ತೆಗೆದುಕೊಳ್ಳವುದು ಉತ್ತಮ.
ಬಿಳಿ ಕೂದಲಿನ ಸಮಸ್ಯೆ : ಇತ್ತೀಚಿಗೆ ಚಿಕ್ಕ ವಯಸ್ಸಿನವರೆಗೂ ಬಿಳಿ ಕೂದಲಿನ ಸಮಸ್ಯೆ ಎದುರಾಗುತ್ತದೆ. ಅಂತವರು ಕೆಮಿಕಲ್ ಟ್ರೀಟ್ ಮೆಂಟ್ ಗಳಿಂದ ದೂರವಿರಬೇಕು. ಕೆಮಿಕಲ್ ಬಳಕೆಯ ಬದಲು ನ್ಯಾಚುರಲ್ ಕಲರ್ ಗಳನ್ನು ಬಳಸಿ ಕೂದಲಿನ ರಕ್ಷಣೆ ಮಾಡಿಕೊಳ್ಳಬೇಕು. ಇನ್ನೂ ಉದುರುತ್ತಿದೆ ಎಂದಾದರೆ ವೈದ್ಯರನ್ನು ಸಂಪರ್ಕಿಸಬೇಕು. ಒಟ್ಟಿನಲ್ಲಿ ಕೂದಲಿನ ಆರೈಕೆ ಅತಿ ಮುಖ್ಯ.
ಹೊಟ್ಟಿನ ಸಮಸ್ಯೆ ನಿವಾರಿಸೋದು ಹೇಗೆ? : ಡ್ರೈ ತಲೆಹೊಟ್ಟಿನ ಸಮಸ್ಯೆ ಇರುವವರು ವಾರಕ್ಕೊಮ್ಮೆ ಡ್ಯಾಂಡ್ರಫ್ ಫ್ರೀ ಶ್ಯಾಂಪೂ ಜೊತೆಗೆ ಆ್ಯಪಲ್ ಸೈಡರ್ ವಿನೆಗರ್ ಅನ್ನು ಬಳಸಿ ಹಾಗೂ ನಿಮ್ಮ ಕೂದಲನ್ನು ಹೆಚ್ಚು ಸ್ವಚ್ಛಗೊಳಸುತ್ತಾ ಇರಬೇಕು. ಹೀಗೆ ಮಾಡುವುದರಿಂದ ನಿಮ್ಮ ಕೂದಲು ಉತ್ತಮವಾಗಿ ಬೆಳೆಯುತ್ತವೆ.