ನಾವು ಸೇವಿಸಿದ ಆಹಾರ ನಮ್ಮ ದೇಹದಲ್ಲಿ ಚೆನ್ನಾಗಿ ಜೀರ್ಣವಾಗಿ ತ್ಯಾಜ್ಯದ ರೂಪದಲ್ಲಿ ಹೊರಹೋಗುವ ಸಂದರ್ಭದವರೆಗೆ ಎಲ್ಲಾ ಪ್ರಕ್ರಿಯೆಗಳು ಸರಿಯಾಗಿ ನಡೆದರೆ ನಾವು ಆರೋಗ್ಯವಾಗಿದ್ದೇವೆ ಎಂದು ತಿಳಿಯಬಹುದು. ಆದರೆ ಇಲ್ಲಿ ಕೊಂಚ ಬದಲಾವಣೆಯಾದರೂ ಅದರಿಂದ ನಮ್ಮ ಆರೋಗ್ಯದಲ್ಲಿ ಏನೋ ಸಮಸ್ಯೆ ಇದೆ ಎಂದು ನಾವು ಅರ್ಥೈಸಿಕೊಳ್ಳಬೇಕು.
ನಮ್ಮ ಮೂತ್ರದಲ್ಲಿ ಹೆಚ್ಚು ನೊರೆ ಕಂಡುಬಂದರೆ ಅದು ಕಿಡ್ನಿ ಹಾಳಾಗಿರುವುದರ ಬಗ್ಗೆ ಅಥವಾ ಕಿಡ್ನಿ ಕಾಯಿಲೆ ಬಂದಿರುವುದರ ಬಗ್ಗೆ ಕಾಣಿಸುವಂತಹ ಒಂದು ಲಕ್ಷಣ ಎನ್ನಬಹುದು.
ಹಾಗಾದರೆ ಮೂತ್ರಪಿಂಡ ಕಾಯಿಲೆಯನ್ನು ತಿಳಿದುಕೊಳ್ಳುವುದು ಹೇಗೆ ?
ನಮ್ಮ ಮೂತ್ರ ವ್ಯವಸ್ಥೆ ಹಾನಿಯಾದರೆ, ರಕ್ತದಲ್ಲಿ ವಿಷಕಾರಿ ಅಂಶಗಳು ಶೇಖರಣೆಯಾಗುತ್ತವೆ ಮತ್ತು ಇನ್ನಿತರ ಕಲುಷಿತ ಪ್ರಮಾಣದಿಂದ ದೇಹದಲ್ಲಿ ಚೈತನ್ಯ ಕಡಿಮೆಯಾಗುತ್ತದೆ. ಕಿಡ್ನಿಗಳು ಹಾಳಾಗು ವುದರಿಂದ ದೈಹಿಕ ದುರ್ಬಲತೆ ಮತ್ತು ಯಾವುದಾದರೂ ವಿಚಾರದ ಬಗ್ಗೆ ಸರಿಯಾಗಿ ಗಮನ ಹರಿಸಲು ಸಾಧ್ಯವಾಗುವುದಿಲ್ಲ. ಅನೀಮಿಯದ ಸಮಸ್ಯೆ ಕೂಡ ಎದುರಾಗುತ್ತದೆ. ನಮ್ಮ ಕಿಡ್ನಿಗಳು ಸರಿಯಾಗಿ ಕೆಲಸ ಮಾಡದೇ ಇದ್ದರೆ ನಮ್ಮ ರಕ್ತದಲ್ಲಿ ವಿಷಕಾರಿ ಅಂಶಗಳು ಹಾಗೆ ಉಳಿಯುತ್ತವೆ. ಮೂತ್ರದ ಮೂಲಕ ಹೊರ ಹೋಗುವುದಿಲ್ಲ. ಹೀಗಾಗಿ ರಾತ್ರಿಯ ಸಮಯದಲ್ಲಿ ಮಲಗಲು ಕಷ್ಟವಾಗುತ್ತದೆ. ಇದರ ಜೊತೆಗೆ ಬೊಜ್ಜು ಮತ್ತು ಕಿಡ್ನಿಗಳ ಸಮಸ್ಯೆ ಇರುವುದರಿಂದ ನಿದ್ರಾಹೀನತೆ ಉಂಟಾಗುತ್ತದೆ.
ಒಣ ಮತ್ತು ಚರ್ಮದ ಕೆರೆತ: ನಮ್ಮ ಕಿಡ್ನಿಗಳು ಒಂದು ವೇಳೆ ಸರಿಯಾದ ಪ್ರಮಾಣದಲ್ಲಿ ಪೌಷ್ಟಿಕಾಂಶಗಳನ್ನು ಮತ್ತು ಖನಿಜಾಂಶಗಳನ್ನು ರಕ್ತದಲ್ಲಿ ಸಮತೋಲನವಾಗಿ ಕಾಪಾಡದೇ ಇದ್ದರೆ ಅದರಿಂದ ಮೂಳೆಗಳಿಗೆ ಸಮಸ್ಯೆಯಾಗುತ್ತದೆ ಮತ್ತು ಚರ್ಮದ ತೊಂದರೆ ಕೂಡ ಎದುರಾಗುತ್ತದೆ. ಇದರಿಂದ ಒಣ ಚರ್ಮ ಮತ್ತು ಚರ್ಮದ ಕೆರೆತ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ.
ಪದೇ ಪದೇ ಮೂತ್ರ ವಿಸರ್ಜನೆ: ಯಾರಿಗೆ ಕಿಡ್ನಿ ಸಮಸ್ಯೆ ಇರುತ್ತದೆ ಅವರಿಗೆ ರಾತ್ರಿಯ ಸಮಯದಲ್ಲಿ ಪದೇ ಪದೇ ಮೂತ್ರ ವಿಸರ್ಜನೆ ಮಾಡುವ ಅನುಭವ ಉಂಟಾಗುತ್ತದೆ. ಇದನ್ನು ಮಧುಮೇಹ ಎಂದು ತಪ್ಪು ತಿಳಿದುಕೊಳ್ಳದೆ ಡಾಕ್ಟರ್ ಬಳಿ ತೋರಿಸಿಕೊಳ್ಳುವುದು ಒಳ್ಳೆಯದು. ಆರೋಗ್ಯದ ವಿಚಾರದಲ್ಲಿ ನಿರ್ಲಕ್ಷತನ ಒಳ್ಳೆಯದಲ್ಲ.
ಐದತ್ತು ನಿಮಿಷಕ್ಕೆ ಮೂತ್ರ ಬರುವ ಸಮಸ್ಯೆ ಇರುವವರಿಗೆ ನಮ್ಮ ದೇಹದಲ್ಲಿ ಕಿಡ್ನಿಗಳು ಸರಿಯಾಗಿ ಕೆಲಸ ಮಾಡಿದ ಸಂದರ್ಭದಲ್ಲಿ ರಕ್ತದಿಂದ ತ್ಯಾಜ್ಯಗಳನ್ನು ಬೇರ್ಪಡಿಸಿ ಮೂತ್ರದ ರೂಪಕ್ಕೆ ಬದಲಿಸಿದ ನಂತರದಲ್ಲಿ ಆರೋಗ್ಯಕರವಾದ ಕೆಂಪು ರಕ್ತ ಕಣಗಳು ನಮ್ಮ ದೇಹದಲ್ಲಿ ಉಳಿಯುತ್ತವೆ. ಆದರೆ ಒಂದು ವೇಳೆ ಕಿಡ್ನಿಗಳು ಹಾಳಾದರೆ ಕೆಂಪು ರಕ್ತ ಕಣಗಳು ಮೂತ್ರದಲ್ಲಿ ಸೇರಿಕೊಳ್ಳುತ್ತವೆ.
ಯಾರಿಗೆ ಮೂತ್ರ ವ್ಯವಸ್ಥೆಯಲ್ಲಿ ತೊಂದರೆ ಇರುತ್ತದೆ ಅವರಿಗೆ ಮೂತ್ರ ನೊರೆಯಿಂದ ಕೂಡಿರುತ್ತದೆ. ಗಟ್ಟಿಯಾದ ನೊರೆಯ ರೂಪ ಕಂಡುಬರುವುದರಿಂದ ಅಲ್ಲಿ ಪ್ರೋಟೀನ್ ನಷ್ಟ ಇದೆ ಎಂದು ತಿಳಿದುಕೊಳ್ಳಬಹುದು. ಇಂತಹ ಸಂದರ್ಭದಲ್ಲಿ ಹೆಚ್ಚು ನೀರು ಬಳಕೆ ಮಾಡಿ ನೊರೆಯನ್ನು ಹೋಗಲಾಡಿಸಬೇಕಾಗುತ್ತದೆ.
ಕಣ್ಣುಗಳ ಸುತ್ತಲೂ ಊದಿಕೊಳ್ಳುವುದು: ತುಂಬಾ ಜನರಿಗೆ ಮುಖ ನೋಡಲು ಸಣ್ಣದಿದ್ದರೂ ಸಹ ಕಣ್ಣುಗಳು ಮಾತ್ರ ಊದಿಕೊಂಡಂತೆ ಕಾಣುತ್ತವೆ. ಇದಕ್ಕೆ ಪ್ರಮುಖ ಕಾರಣವೆಂದರೆ ಮೂತ್ರದಲ್ಲಿ ಹೆಚ್ಚಿನ ಪ್ರಮಾಣದ ಪ್ರೊಟೀನ್ ಕಂಡುಬರುವುದು. ಅಂದರೆ ಕಿಡ್ನಿಗಳಲ್ಲಿ ಹೆಚ್ಚು ಪ್ರೋಟೀನ್ ಶೇಖರಣೆ ಆಗಿರುವುದಿಲ್ಲ.
ಹೊಟ್ಟೆ ಹಸಿವು ಇಲ್ಲದಾಗುವುದು: ಕಿಡ್ನಿ ಕಾಯಿಲೆಯ ತೊಂದರೆ ಇರುವವರಿಗೆ ಬೇರೆಯವರಂತೆ ಸಾಧಾರಣವಾಗಿ ಹೊಟ್ಟೆ ಹಸಿಯುವುದಿಲ್ಲ. ಇದಕ್ಕೆ ಪ್ರಮುಖ ಕಾರಣ ದೇಹದ ಎಲ್ಲಾ ಭಾಗಗಳಲ್ಲಿ ವಿಷಕಾರಿ ಅಂಶಗಳು ಶೇಖರಣೆ ಆಗಿರುವುದು. ಇದು ಹೊಟ್ಟೆ ಹಸಿವಾಗುವಂತೆ ಮಾಡುವುದಿಲ್ಲ ಮತ್ತು ಇದರಿಂದ ಆರೋಗ್ಯ ಕೂಡ ಹಾಳಾಗುತ್ತದೆ.
ಮಾಂಸ ಖಂಡಗಳ ಸೆಳೆತ: ಕಿಡ್ನಿ ಸಮಸ್ಯೆ ಸಾಮಾನ್ಯವಾಗಿ ದೇಹದಲ್ಲಿ ಎಲೆಕ್ಟ್ರೋಲೈಟ್ ಅಸಮತೋಲನವನ್ನು ಉಂಟುಮಾಡುತ್ತದೆ. ದೇಹದಲ್ಲಿ ಫಾಸ್ಫರಸ್ ಪ್ರಮಾಣ ಹೆಚ್ಚಾಗುತ್ತಾ ಹೋದಾಗ ಕಿಡ್ನಿಗಳು ಸರಿಯಾಗಿ ಕೆಲಸ ಮಾಡದೇ ಇದ್ದ ಸಂದರ್ಭದಲ್ಲಿ ಇದು ನಿಯಂತ್ರಣ ತಪ್ಪಿ ಮಾಂಸಖಂಡಗಳ ಸೆಳೆತ ಕಂಡು ಬರುತ್ತದೆ.