ದೇಶದೆಲ್ಲೆಡೆ ಆಗಸಕ್ಕೇರಿರುವ ಟೊಮೆಟೋ ದರ ಮುಂಬರುವ ದಿನಗಳಲ್ಲಿ ಕೇಜಿಗೆ 300 ರೂಪಾಯಿಗೆ ತಲುಪುವ ಸಾಧ್ಯತೆ ಇದೆ ಎಂದು ತಜ್ಞರೊಬ್ಬರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಮಾತನಾಡಿದ ರಾಷ್ಟ್ರೀಯ ಸರಕು ಸೇವೆ ನಿರ್ವಹಣಾ ನಿಯಮಿತದ (ಎನ್ಸಿಎಂಎಲ್) ಮುಖ್ಯಸ್ಥ ಸಂಜಯ್ ಗುಪ್ತಾ,‘ಜೂನ್ ತಿಂಗಳ ಶುರುವಿನಲ್ಲಿ ಕೇಜಿಗೆ 40 ರೂ. ಇದ್ದ ಟೊಮೆಟೋ ಬೆಲೆ ಜುಲೈ ಮೊದಲನೇ ವಾರದಲ್ಲಿ 100 ರೂ. ದಾಟಿ ಕೆಲವು ಭಾಗದಲ್ಲಿ 200ರೂ.ವರೆಗೆ ತಲುಪಿದೆ. ಇದಕ್ಕೆ ಮುಖ್ಯ ಕಾರಣವೆಂದರೆ, ದೇಶದ ಹಲವು ಭಾಗದಲ್ಲಿ ಸುರಿಯುತ್ತಿರುವ ಭಾರಿ ಮಳೆ ಆಗಿತ್ತು. ಹೀಗಾಗಿ ಟೊಮೆಟೊ ದರ ಹೆಚ್ಚಳವಾಗುತ್ತಾ ಹೋಯಿತು.
ಗಗನಕ್ಕೇರುತ್ತಿರುವ ಟೊಮೆಟೋ ಬೆಲೆ ಸದ್ಯದಲ್ಲೇ 300 ರೂ ಗಡಿ ದಾಟಲಿದೆ ಎಂದು ಎಪಿಎಂಸಿ ಸದಸ್ಯರೊಬ್ಬರು ಇದೀಗ ಹೇಳುತ್ತಿದ್ದಾರೆ. ತರಕಾರಿ ದುಬಾರಿಯಾದ್ದರಿಂದ ವ್ಯಾಪಾರವೂ ಕಡಿಮೆಗೊಂಡ ಪರಿಣಾಮ ಸಗಟು ವ್ಯಾಪಾರಿಗಳಿಗೆ ಇದರಿಂದ ನಷ್ಟವಾಗುತ್ತಿದೆ ಎಂದು ಹೇಳಲಾಗುತ್ತಿದೆ.
ಈಗ 200ರೂ. ಬೆಲೆಯಲ್ಲಿ ಮಾರಾಟವಾಗುತ್ತಿರುವ ಟೊಮೆಟೋ ಮುಂದಿನ ದಿನಗಳಲ್ಲಿ 300 ರೂ ಮುಟ್ಟಬಹುದು ಎನ್ನುದರಲ್ಲಿ ಯಾವುದೇ ಅನುಮಾನವಿಲ್ಲ ಎಂದು ಸಗಟು ವ್ಯಾಪಾರಿಗಳು ಅಭಿಪ್ರಾಯಪಟ್ಟಿದ್ಧಾರೆ.
ಪಿಟಿಐ ಸುದ್ದಿಸಂಸ್ಥೆಯ ವರದಿ ಪ್ರಕಾರ ಟೊಮೆಟೋ ಜೊತೆಗೆ ಇತರ ತರಕಾರಿ ಬೆಲೆಗಳೂ ದುಬಾರಿಯಾಗಲಿವೆಯಂತೆ. ಎಪಿಎಂಸಿ ಸದಸ್ಯ ಕೌಶಿಕ್ ಹೇಳುವ ಪ್ರಕಾರ, ಸಗಟು ಮಾರುಕಟ್ಟೆಯಲ್ಲಿ ಕಿಲೋಗೆ 160 ರೂ ಇದ್ದ ಟೊಮೆಟೋ ಬೆಲೆ 220 ರೂಪಾಯಿಗೆ ಏರಿದೆ. ಇದರಿಂದ ರೀಟೇಲ್ ದರಗಳೂ ಹೆಚ್ಚಗೆ ಆಗಲಿದೆ ಇದರಿಂದ ಜನಸಾಮಾನ್ಯರು ತೊಂದರೆಗಳಾಗಬಹುದು.
ಮದರ್ ಡೈರಿ ಸಂಸ್ಥೆ ತನ್ನ ಸಫಲ್ ರೀಟೇಲ್ ಮಳಿಗೆಗಳಲ್ಲಿ ಟೊಮೆಟೋವನ್ನು 259 ರುಪಾಯಿಗೆ ಮಾರುತ್ತಿದೆ. ಮುಂದಿನ ದಿನಗಳಲ್ಲಿ ಇದರ ಬೆಲೆ 300 ರೂ ಗಡಿ ದಾಟಿ ಹೋಗುವ ಸಾಧ್ಯತೆ ಇದೆ ಎಂದು ಊಹಿಸಲಾಗುತ್ತಿದೆ.
ಸಗಟು ವ್ಯಾಪಾರಿಗಳಿಗೆ ನಷ್ಟ
ಟೊಮೆಟೋ ಮತ್ತು ಇತರ ತರಕಾರಿಗಳ ಬೆಲೆ ಏರಿಕೆಯ ಬಿಸಿ ಸಗಟು ವ್ಯಾಪಾರಿಗಳಿಗೆ ಹೆಚ್ಚು ಸಮಸ್ಯೆ ಆದಂತಿದೆ. ಟೊಮೆಟೋ ಹಾಗೂ ತರಕಾರಿಗಳು ದುಬಾರಿಯಾಗಿರುವ ಹಿನ್ನೆಲೆಯಲ್ಲಿ ಅವುಗಳನ್ನು ಖರೀದಿಸುವವರ ಪ್ರಮಾಣ ಕಡಿಮೆ ಆಗಿದೆ. ಇದರಿಂದ ಹೋಲ್ಸೇಲ್ ಟ್ರೇಡರ್ಗಳಿಗೆ ಭಾರೀ ನಷ್ಟವಾಗುತ್ತಿದೆ ಎಂದು ಎಪಿಎಂಸಿ ಸದಸ್ಯರು ಹೇಳಿದ್ದಾರೆ.
ಮಹಾರಾಷ್ಟ್ರದಿಂದ ಟೊಮೆಟೋ ಪೂರೈಕೆಯಾದರೂ ಯಾಕೆ ಬೆಲೆ ಏರಿಕೆ?
ಜುಲೈ ತಿಂಗಳಲ್ಲಿ ಹಿಮಾಚಲಪ್ರದೇಶ ಮತ್ತು ಕರ್ನಾಟದಿಂದ ಎಲ್ಲೆಡೆಗೆ ಟೊಮೆಟೋ ಪೂರೈಕೆ ಆಗಬೇಕಿತ್ತು. ಹಿಮಾಚಲದಲ್ಲಿ ಪ್ರವಾಹದಿಂದ ತರಕಾರಿ ಬೆಳೆಗಳು ಹಾಳಾಗಿವೆ. ಆದರೆ ಈಗ ಮಹಾರಾಷ್ಟ್ರದಿಂದಲೂ ಟೊಮೆಟೋ ಪೂರೈಕೆ ಆಗುತ್ತಿದೆ. ಆದರೂ ಟೊಮೆಟೋ ಬೆಲೆ ಮಾತ್ರ ಏರಿಕೆ ಆಗುವುದು ನಿಲ್ಲುತ್ತಿಲ್ಲ.
ದೆಹಲಿಯ ಆಜಾದ್ಪುರ್ ಮಂಡಿಯ ವರ್ತಕರೊಬ್ಬರು ಮಾಧ್ಯಮಕ್ಕೆ ನೀಡಿರುವ ಮಾಹಿತಿ ಪ್ರಕಾರ ದೆಹಲಿಯ ಟೊಮೆಟೋ ಅಗತ್ಯತೆಗಳು ಹೆಚ್ಚಾಗಿ ಹಿಮಾಚಲದಿಂದಲೇ ಆಗುತ್ತಿರುವಂತ್ತದ್ದು. ಹಿಮಾಚಲದಲ್ಲಿ ಮಳೆಯಿಂದ ತರಕಾರಿ ಬೆಳೆ ಕಡಿಮೆ ಆಗಿದೆ. ಇದರಿಂದ ಟೊಮೆಟೋ ಬೆಲೆ ಇನ್ನಷ್ಟು ಹೆಚ್ಚಾಗಬಹುದು. ಹಾಗೆಯೇ, ಕರ್ನಾಟಕ ಮತ್ತು ಮಹಾರಾಷ್ಟ್ರದಿಂದ ಬರುತ್ತಿರುವ ಟೊಮೆಟೋದ ಗುಣಮಟ್ಟವೂ ಕಡಿಮೆ ಆಗಿದೆ ಎಂದು ವರ್ತಕರು ಹೇಳುತ್ತಾರೆ. ಒಟ್ಟಿನಲ್ಲಿ ಟೊಮೆಟೋ ಬೆಲೆಯಂತೂ ಕಡಿಮೆಯಾಗುವ ಯಾವುದೇ ಲಕ್ಷಣಗಳು ಕಾಣಿಸುವುದಿಲ್ಲ.