ಈಗ ಮಳೆಗಾಲ ನಡೆಯುತ್ತಿರುವುದರಿಂದ ಪ್ರತಿಯೊಬ್ಬರೂ ಶೀತ ಮತ್ತು ಜ್ವರ ಕಾಣಿಸಿಕೊಳ್ಳುತ್ತದೆ. ಮಳೆಗಾಲದಲ್ಲಿ ಬ್ಯಾಕ್ಟೀರಿಯಾ ಮತ್ತು ವೈರಾಣು ರೋಗಗಳು ಹರಡುವ ಅಪಾಯವು ಹೆಚ್ಚಾಗಿರುತ್ತದೆ. ಇದು ಬ್ಯಾಕ್ಟೀರಿಯಾಗಳು ಅಭಿವೃದ್ಧಿ ಹೊಂದಲು ಅನುಕೂಲಕರವಾದ ಋತುವಾಗಿದೆ ಎಂದೆ ಹೇಳಬಹುದು. ಹಾಗಿರುವಾಗ ಮಳೆಗಾಲದಲ್ಲಿ ನಾವು ಈ ಬ್ಯಾಕ್ಟೀರಿಯಾ, ರೋಗಾಣುಗಳಿಂದ ನಮ್ಮನ್ನು ಕಾಪಾಡಿಕೊಳ್ಳಬೇಕಾದರೆ ನಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು ಮುಖ್ಯ.
ಹೆಚ್ಚಿನವರು ಸಣ್ಣ ಪುಟ್ಟಕ್ಕೆ ಶೀತ, ಜ್ವರಕ್ಕೆ ವೈದ್ಯರ ಬಳಿ ಹೋಗಲು ಬಯಸುವುದಿಲ್ಲ. ಇನ್ನೂ ಕೇಲವರು ಶೀತ ಆದರೂ ಕೂಡ ವೈದ್ಯರ ಬಳಿಗೆ ಹೋಗುತ್ತಾರೆ.
ವೈದರ ಬಳಿ ಹೋಗುವ ಮೊದಲು ಕೆಲವು ಮನೆಮದ್ದುಗಳನ್ನು ಟ್ರೈ ಮಾಡಬಹುದು. ಇದು ಶೀತದಿಂದ ಪರಿಹಾರವನ್ನು ನೀಡುತ್ತದೆ ಮತ್ತು ರೋಗನಿರೋಧಕ ಶಕ್ತಿ ಕೂಡ ಇದರಲ್ಲಿ ಬಲವಾಗಿರುತ್ತದೆ.
ಮನೆಮದ್ದುಗಳು:
ತುಳಸಿ ರಸವು ಸಾಕಷ್ಟು ಔಷಧೀಯ ಗುಣಗಳನ್ನು ಹೊಂದಿದೆ. ಇದರಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳು ಮಳೆಗಾಲದಲ್ಲಿ ಶೀತ ಮತ್ತು ಜ್ವರವನ್ನು ನಿವಾರಿಸುತ್ತದೆ. ಇದನ್ನು ಸೇವಿಸಲು, 8 ರಿಂದ10 ಎಲೆಗಳನ್ನು ತೊಳೆದು ಅವುಗಳನ್ನು ಜಜ್ಜಿ ರಸವನ್ನು ತೆಗೆದು, ಅದಕ್ಕೆ 1 ಚಮಚ ಜೇನುತುಪ್ಪವನ್ನು ಬೆರೆಸಿದ ನಂತರ ಈ ರಸವನ್ನು ಕುಡಿಯಿರಿದರೆ ಶೀತ ಕಡಿಮೆಯಾಗುತ್ತದೆ.
ಶುಂಠಿಯಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ಆಂಟಿವೈರಲ್ ಗುಣಲಕ್ಷಣಗಳು ಶೀತ ಮತ್ತು ಜ್ವರಕ್ಕೆ ಪರಿಹಾರವನ್ನು ನೀಡುತ್ತದೆ. ಅಲ್ಲದೆ ಶುಂಠಿ ಉಷ್ಣ ವಾಗಿರುವುದರಿಂದ ಶೀತವನ್ನು ಕಡಿಮೆ ಮಾಡುವಲ್ಲಿ ಸಹಾಯಕ. ಶುಂಠಿಯನ್ನು ಹಾಲಿನಲ್ಲಿ ಕುದಿಸಿ ಕುಡಿಯಬಹುದು, ಇಲ್ಲವಾದರೆ ಶುಂಠಿಯನ್ನು ಚಹಾಕ್ಕೂ ಬಳಸಬಹುದು.ಲವಂಗ ಮತ್ತು ಜೇನುತುಪ್ಪ, ಎರಡೂ ದೇಹಕ್ಕೆ ಪ್ರಯೋಜನಕಾರಿ. ಇದರ ಬಳಕೆಯಿಂದ ರೋಗನಿರೋಧಕ ಶಕ್ತಿಯನ್ನು ಬಲಪಡುತ್ತದೆ.
ಮಳೆಗಾಲದಲ್ಲಿ ಶೀತ, ನೆಗಡಿಯಾಗುತ್ತಿದ್ದರೆ 1 ರಿಂದ 2 ಲವಂಗವನ್ನು ಪುಡಿಮಾಡಿ 1 ಚಮಚ ಜೇನುತುಪ್ಪದೊಂದಿಗೆ ಬೆರೆಸಿ ಸೇವಿಸಬೇಕು. 1 ರಿಂದ 2 ದಿನ ಹೀಗೆ ಮಾಡುವುದರಿಂದ ಶೀತ ಮತ್ತು ನೆಗಡಿ ಜೊತೆಗೆ ಗಂಟಲು ನೋವು ಕೂಡ ಕಡಿಮೆಯಾಗುತ್ತದೆ.
ಮಳೆಗಾಲದಲ್ಲಿ ಕಾಣಿಸಿಕೊಳ್ಳುವ ಶೀತ ಮತ್ತು ಜ್ವರವನ್ನು ಗುಣಪಡಿಸಲು ಬಿಸಿ ನೀರಿನ ಹಬೆಯನ್ನು ತೆಗೆದುಕೊಳ್ಳುವುದು ಅತಿಮುಖ್ಯ. ಹೀಗೆ ಮಾಡುವುದರಿಂದ ಗಂಟಲು ಮತ್ತು ಎದೆಯಲ್ಲಿನ ಸೋಂಕು ಗುಣವಾಗಿ, ಕಟ್ಟಿರುವ ಮೂಗು ತೆರೆಯುತ್ತದೆ. ನಿಮಗೆ ಬೇಕಾದರೆ ಎರಡರಿಂದ ನಾಲ್ಕು ಹನಿ ಲವಂಗ ಎಣ್ಣೆ ಅಥವಾ ಟೀ ಟ್ರೀ ಎಣ್ಣೆಯನ್ನು ಬಿಸಿ ನೀರಿಗೆ ಹಾಕಿ ಹಬೆಯನ್ನು ತೆಗೆದುಕೊಳ್ಳಬಹುದು.
ಮಳೆಗಾಲದಲ್ಲಿ ನೆಗಡಿ ಮತ್ತು ಕೆಮ್ಮಿನ ಜೊತೆಗೆ ಕೆಮ್ಮು ಮತ್ತು ಗಂಟಲಿನ ಸೋಂಕಿನ ಸಮಸ್ಯೆ ಹೆಚ್ಚಾಗಿ ಕಾಡುತ್ತಿರುತ್ತದೆ. ಈ ಸಮಸ್ಯೆಯನ್ನು ಹೋಗಲಾಡಿಸಲು, ಉಗುರು ಬೆಚ್ಚಗಿನ ನೀರಿನಲ್ಲಿ 1 ಚಮಚ ಕಲ್ಲು ಉಪ್ಪನ್ನು ಸೇರಿಸಿ. ಈ ನೀರಿನಿಂದ ಬಾಯಿ ಮುಕ್ಕಳಿಸುತ್ತಾ, ಗಾರ್ಗ್ಲಿಂಗ್ ಅನ್ನು ದಿನಕ್ಕೆ 1 ರಿಂದ 2 ಬಾರಿ 5 ನಿಮಿಷಗಳ ಕಾಲ ಮಾಡುತ್ತಿದ್ದರೆ, ಶೀತ ಮತ್ತು ಗಂಟಲು ನೋವಿನಿಂದ ಪರಿಹಾರ ಸಿಗುವುದು.
ಈ ರೀತಿ ಮಾಡಿದ ಯಾವುದೇ ಮನೆಮದ್ದುಗಳಿಂದ ಶೀತ ಮತ್ತು ನೆಗಡಿ ಕಡಿಮೆ ಆಗದಿರುವಾಗ ವೈದ್ಯರನ್ನು ಸಂಪರ್ಕಿಸಬಹುದು.