ಹೆಪಟೈಟಿಸ್ ಎಂದರೆ ಲಿವರ್ನ ಉರಿಯೂತವಾಗಿದೆ. ಲಿವರ್ ನಮ್ಮ ದೇಹದ ಒಂದು ಪ್ರಮುಖ ಅಂಗವಾಗಿದೆ. ಜೀರ್ಣಕ್ರಿಯೆಗೆ, ರಕ್ತವನ್ನು ಸ್ವಚ್ಛಗೊಳಿಸಲು ಮತ್ತು ಸೋಂಕಿನ ವಿರುದ್ಧ ಹೋರಾಡಲು ಇದು ಸಹಕಾರಿಯಾಗಿದೆ. ಹಾಗಾಗಿ ಯಕೃತ್ತಿನಲ್ಲಿ ಉರಿಯೂತ ಅಥವಾ ಯಕೃತ್ತಿನ ಹಾನಿ ಇದರ ಕಾರ್ಯನಿರ್ವಹಣೆಯ ಮೇಲೆ ಪರಿಣಾಮ ಬೀರುತ್ತದೆ.
ಹೆಪಟೈಟಿಸ್ ಹೆಚ್ಚಾಗಿ ವೈರಸ್ನಿಂದ ಉಂಟಾಗುತ್ತದೆ. ವೈರಲ್ ಹೆಪಟೈಟಿಸ್ನ ಸಾಮಾನ್ಯ ವಿಧಗಳೆಂದರೆ ಹೆಪಟೈಟಿಸ್ ಎ, ಹೆಪಟೈಟಿಸ್ ಬಿ ಮತ್ತು ಹೆಪಟೈಟಿಸ್ ಸಿ.
ಹೆಪಟೈಟಿಸ್ನ ಲಕ್ಷಣಗಳು ಆರಂಭಿಕ ಹಂತಗಳಲ್ಲಿ ಸುಲಭವಾಗಿ ಪತ್ತೆಯಾಗುವುದಿಲ್ಲ. ಈ ಕಾರಣದಿಂದಾಗಿ ತಾವು ಸೋಂಕಿಗೆ ಒಳಗಾಗಿದ್ದೇವೆ ಎನ್ನುವುದು ರೋಗಿಗಳಿಗೆ ತಿಳಿಯುವುದಿಲ್ಲ. ಸೋಂಕು ತೀವ್ರವಾಗಿದ್ದರೆ, ರೋಗಲಕ್ಷಣಗಳು 2 ವಾರಗಳಿಂದ 6 ತಿಂಗಳ ಒಳಗೆ ಯಾವಾಗ ಬೇಕಾದರೂ ಕೂಡ ಕಾಣಿಸಿಕೊಳ್ಳಬಹುದಾಗಿದೆ. ಜ್ವರ,ವಾಂತಿ, ಸುಸ್ತು ಹಸಿವು ಆಗುವುದು, ಹೊಟ್ಟೆ ನೋವು, ಕಾಮಾಲೆ, ವಾಕರಿಕೆ, ಗಾಢ ಬಣ್ಣದ ಮೂತ್ರ, ಕೀಲು ನೋವು ಇದರ ಸಾಮಾನ್ಯ ಲಕ್ಷಣಗಳಾಗಿವೆ.
ಹೆಪಟೈಟಿಸ್ ಸಿ ಯಕೃತ್ತಿನ ಕಸಿ ಮತ್ತು ಯಕೃತ್ತಿನ ಕ್ಯಾನ್ಸರ್ಗೆ ಪ್ರಮುಖ ಕಾರಣವಾಗಿದೆ. ಹೆಪಟೈಟಿಸ್ ಬಿ ಸಹ ಯಕೃತ್ತಿನ ಕ್ಯಾನ್ಸರ್ಗೆ ಕಾರಣವಾಗಬಹುದು. ಆದರೆ ಹೆಪಟೈಟಿಸ್ ಸಿ ಯಿಂದಾಗುವ ಹಾನಿ ಭಯಂಕರವಾಗಿದ್ದು ಅದು ಸಾವಿಗೆ ಕಾರಣವಾಗಬಹುದು.
ಹೆಪಟೈಟಿಸ್ ವೈರಸ್ ಹೇಗೆ ಹರಡುತ್ತದೆ?
ಒಬ್ಬ ವ್ಯಕ್ತಿಯು ಸೋಂಕಿತ ವ್ಯಕ್ತಿಯೊಂದಿಗೆ ನಿಕಟ ಸಂಪರ್ಕವನ್ನು ಹೊಂದಿರುವಾಗ ಅಥವಾ ಕಲುಷಿತ ಆಹಾರ ಅಥವಾ ಪಾನೀಯದಿಂದ ವೈರಸ್ ದೇಹದೊಳಗೆ ಹೋದಾಗ ಹೆಪಟೈಟಿಸ್ ಎ ವೈರಸ್ ಹರಡುತ್ತದೆ.
ಹೆಪಟೈಟಿಸ್ ಬಿ ಸೋಂಕಿತ ವ್ಯಕ್ತಿಯಿಂದ ರಕ್ತ, ವೀರ್ಯ ಅಥವಾ ಇತರ ಕೆಲವು ದೇಹದ ದ್ರವಗಳ ಮೂಲಕ ಹರಡಬಹುದು.
ಹೆಪಟೈಟಿಸ್ ಸಿ ಸೋಂಕಿತ ವ್ಯಕ್ತಿಯ ರಕ್ತದಿಂದ ಅದು ಬೇರೊಬ್ಬ ವ್ಯಕ್ತಿಯ ದೇಹವನ್ನು ಪ್ರವೇಶಿಸಿದರೆ ಹರಡುತ್ತದೆ ಎಂದು ತಜ್ಞರು ತಿಳಿಸುತ್ತಾರೆ.
ಹೆಪಟೈಟಿಸ್ ಎ ಮತ್ತು ಬಿ ಗೆ ಲಸಿಕೆಗಳು ಅಸ್ತಿತ್ವದಲ್ಲಿವೆ. ಈ ಎಲ್ಲಾ ವೈರಸ್ಗಳನ್ನು ತಪ್ಪಿಸಲು, ನೀವು ಕಾಲಕಾಲಕ್ಕೆ ಹೆಪಟೈಟಿಸ್ ಪರೀಕ್ಷೆಯನ್ನು ಮಾಡಿಸಿಕೊಳ್ಳಬೇಕಾಗಿರುವುದು ಅನಿವಾರ್ಯವಾಗಿದೆ. ಯಾವುದೇ ರೋಗಲಕ್ಷಣಗಳನ್ನು ನಿರ್ಲಕ್ಷಿಸಬಾರದು.
ನೀಮ್ಮಲ್ಲಿ ಹೆಪಟೈಟಿಸ್ ಧನಾತ್ಮಕವಾಗಿದ್ದರೆ ನೀವು ಅದಕ್ಕೆ ಸಂಪೂರ್ಣ ಚಿಕಿತ್ಸೆಯನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಅದರ ಚಿಕಿತ್ಸೆಯಲ್ಲಿ, ಔಷಧಿಗಳ ಜೊತೆಗೆ ಆರೋಗ್ಯಕರ ಆಹಾರ ಮತ್ತು ಸಾಕಷ್ಟು ವಿಶ್ರಾಂತಿಯನ್ನು ತೆಗೆದುಕೊಳ್ಳುವುದು ಕೂಡ ಅಷ್ಟೇ ಮುಖ್ಯ ಎಂದು ವೈದ್ಯರು ತಿಳಿಸುತ್ತಾರೆ.