ಮನುಷ್ಯನ ಆಸೆಗೆ ಮಿತಿಯಿಲ್ಲ ಅವನ ಕನಸಿಗೆ ಕೊನೆಯಿಲ್ಲ. ಇರುವುದೊಂದು ಜೀವನದಲ್ಲಿ ಇದರಲ್ಲಿ ಮಾಡಬೇಕೆನಿಸುವ ಘನಕಾರ್ಯಗಳು ಬೇಕಾದಷ್ಟು. ಹಕ್ಕಿಯಂತೆ ಬಾನಿನಲ್ಲಿ ಸ್ವಚಂದವಾಗಿ ಹಾರಬೇಕು. ಮೀನಿನಂತೆ ಈಜಾಡಬೇಕು ಹೀಗೆ ಏನೆಲ್ಲಾ ಹುಚ್ಚು ಕನಸ್ಸೊಂದನ್ನು ಕಟ್ಟಿಕೊಂಡಿರುತ್ತಾನೆ.
ಇಂತಹ ವಿಚಿತ್ರ ಕನಸ್ಸೊಂದನ್ನು ಕಟ್ಟಿಕೊಂಡಿರುವವನು ಜಪಾನಿನ ಟೊಕೊ. ಇತ ಒಬ್ಬ ಪ್ರಾಣಿ ಪ್ರಿಯ. ಇತನ ಆಸೆಯೇ ತಾನೂ ಜೀವನದಲ್ಲಿ ಒಂದು ದಿನ ನಾಯಿಯಾಗಿ ಬದುಕಬೇಕು ಎಂಬುದಾಗಿತ್ತು.
ಇತನ ಈ ಆಸೆಯನ್ನು ನೆರವೇರಿಸಿದೆ ಜಪಾನ್ ನ ಝೆಪೆಟ್ ಕಂಪೆನಿ. ನೈಜತೆಗೆ ತೀರಾ ಹತ್ತಿರ ಎಂಬಂತೆ ವೇಷಭೂಷಣವೊಂದನ್ನು ಝೆಪೆಡ್ ಕಂಪೆನಿ ಟೊಕೊಗಾಗಿ ಸಿದ್ಧಪಡಿಸಿ ನೀಡಿದೆ. ಸಿನಿಮಾಗಳಿಗೆ, ಬಾಡಿಸೂಟ್ ಗಳನ್ನು ತಯಾರಿಸುತ್ತಿದ್ದ ಕಂಪೆನಿ ಈಗ ಟೊಕೊಗಾಗಿ ನಾಯಿಯ ಪೋಷಾಕು ನ್ನು ಸಿದ್ಧಪಡಿಸಿದೆ.
ಸುಮಾರು 22,000 ಡಾಲರ್ ಮೌಲ್ಯದ ವಾಸ್ತವಿಕವಾಗಿ ಕಾಣುವ ನಾಯಿ ವೇಷಭೂಷಣವನ್ನು ತೊಟ್ಟು ಟೊಕೊ ತಮ್ಮ ಮೊದಲ ಸಾರ್ವಜನಿಕ ನಡಿಗೆಯ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.
ಟೊಕೊ ತನ್ನ ಹೆಸರನ್ನು ರೋಗ್ ಕೊಲೀ ಎಂದು ಹೆಸರಿಸಿಕೊಂಡಿದ್ದಾನೆ. ಜೋತಗೆ ಈ ವೇಷಭೂಷಣದಿಂದಾಗಿ ತನ್ನ ಬಾಲ್ಯದ ಕನಸು ನನಾಸಗಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾನೆ. ಜೋತಗೆ ನಾಯಿಯಂತೆ ರಸ್ತೆಯಲ್ಲಿ ಓಡಾಡಿದ ವಿಡಿಯೋವನ್ನು ಹಂಚಿಕೊಂಡಿದ್ದಾನೆ.
ಇತನ ವಿಡಿಯೊ ಸಖತ್ ವೈರಲ್ ಆಗಿ 10 ಲಕ್ಷ ಮಂದಿ ವೀಕ್ಷಣೆ ಮಾಡಿದ್ದಾರೆ. ಟೊಕೊನ ಈ ನಡೆಯು ಎಲ್ಲರ ಗಮನ ಸೆಳೆದಿದೆ. ಒಬ್ಬ ಮನುಷ್ಯನಾಗಿ ನಾಯಿ ರೂಪವನ್ನು ತಾಳಿದ್ದು ನನ್ನ ವೈಯಕ್ತಿಕ ನಿರ್ಧಾರ ಎಂದು ತಿಳಿಸಿದ್ದಾನೆ.