ಮನೆಯ ಸುತ್ತಮುತ್ತ ಕಳೆಗಳಂತೆ ಬೆಳೆಯುವ ಗಿಡ ಉದ್ದನೆ ಎಲೆ, ಅದರಲ್ಲಿ ಬಿಳಿಯ ಬಣ್ಣದ ಸಣ್ಣ ಹೂಗಳನ್ನು ಕಂಡಿದ್ದರೆ ಅದು ತುಂಬೆ ಗಿಡ ಆಗಿರುತ್ತದೆ. ತುಂಬೆಗಿಡದಲ್ಲಿಯೂ ಔಷಧಿಯ ಗುಣಗಳಿರುವುದು ಖಂಡಿತವಾಗಿಯು ನಿಜ. ಎಕೆಂದರೆ ಸಣ್ಣ ಮಕ್ಕಳಿಗೆ ಇದರ ರಸವನ್ನು ಕುಡಿಸುವುದನ್ನು ಕಂಡಿರುತೇವೆ. ಮಕ್ಕಳನ್ನು ಕಾಡುವ ಹುಳದ ಸಮಸ್ಯೆಯನ್ನು ಉಪಶಮನ ಮಾಡುತ್ತದೆ.
ತುಳಸಿ ಗಿಡದಂತೆ ಇದರ ಉಪಯೋಗ ಆರೋಗ್ಯಕ್ಕೆ ಉತ್ತಮ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುತ್ತದೆ. ತುಂಬೆ ಗಿಡವು ಮನೆ ಮದ್ದುಗಳಲ್ಲಿ ಒಂದು. ಸಾಮಾನ್ಯವಾಗಿ ಮನೆಯಲ್ಲಿ ಹಿರಿಯರು ಇದರ ಮನೆ ಮದ್ದುಗಳ ಬಗ್ಗೆ ಹೆಚ್ಚಿನ ಜ್ಞಾನವನ್ನು ಹೊಂದಿರುತ್ತಾರೆ. ತುಂಬೆ ಗಿಡಗಳಲ್ಲಿ ಹಲವು ಆರೋಗ್ಯ ಸಮಸ್ಯೆಗಳಿಗೆ ಪರಿಣಾಮಕಾರಿಯಾದ ಗುಣವನ್ನು ಹೊಂದಿರುವುದರಿಂದ ಯಾರು ಇದನ್ನು ಅಸಡ್ಡೆಯಿಂದ ಕಿತ್ತೆಎಸೆಯಲು ಮುಂದಾಗುವುದಿಲ್ಲ.
ಶಿವನ ಆರಧಾನೆಯಲ್ಲೂ ತುಂಬೆ ಗಿಡಗಳನ್ನು ಬಳಸಲಾಗುತ್ತದೆ. ಕಾಡೋ ಜ್ವರಕ್ಕೆ ತುಂಬೆಯ ಎಲೆಯ ರಸಕ್ಕೆ ಕಾಳು ಮೆಣಸಿನ ಪುಡಿಯನ್ನು ಸೇರಿಸಿ ಸೇವಿಸಿದರೆ ಜ್ವರದ ತೀವೃತೆಯು ಕಡಿಮೆಯಾಗುತ್ತದೆ. ತುಂಬೆಯ ಗಿಡವನ್ನು ಒಣಗಿಸಿ ಅದರ ಪುಡಿಯನ್ನು ಕಷಾಯ ಮಾಡಿ ಕಡಿಯುವುದರಿಂದ ರಕ್ತವು ಶುದ್ಧಿಯಾಗುತ್ತದೆ.
ವಿಷಜಂತುಗಳು ಕಚ್ಚಿದಲ್ಲಿ ಗಾಯಕ್ಕೆ ತುಂಬೆ ಗಿಡದ ರಸವನ್ನು ಹಚ್ಚುವ ಪದ್ಧತಿ ಇದೆ. ಹೀಗೆ ಮಾಡುವುದರಿಂದ ವಿಷವು ರಕ್ತದಲ್ಲಿ ಸೇರುವ ಸಂಭವ ಕಡಿಮೆ ಇರುತ್ತದೆ ಮತ್ತು ಆ ಕ್ಷಣಕ್ಕೆ ಅಪಾಯದಿಂದ ಪಾರಗಬಹುದು ಎಂಬ ನಂಬಿಕೆ ಇದೆ.
ತುಂಬೆಯ ಗಿಡದ ಕಷಾಯವನ್ನು ಸ್ವಲ್ಪ ಉಪ್ಪು ಬೆರೆಸಿ ಕುಡಿಯುವುದರಿಂದ ಜೀರ್ಣಕ್ರಿಯೆ ಶಕ್ತಿಯನ್ನು ಹೆಚ್ಚಿಸುತ್ತದೆ.ಸೊಳ್ಳೆ ಕಾಟದಿಂದ ಮುಕ್ತಿ ಪಡೆಯಲು ಇದು ಸಹಾಕಾರಿ ಮನೆಯ ಮುಂದೆ ಒಂದು ತಂಬೆಗಿಡ ಇದ್ದರೆ ಸಾಕು ಸೊಳ್ಳೆ ಕೀಟಗಳು ಮನೆಯ ಹತ್ತಿರ ಸುಳಿಯುವುದಿಲ್ಲ ಎಂದು ಹೇಳಲಾಗುತ್ತದೆ.
ಅತೀಯಾಗಿ ನೀರಿನ ತೇವಾಂಶ ಇರುವಲ್ಲಿ ಬೆಳೆಯುವ ತುಂಬೆ ಗಿಡವನ್ನು ಕಳೆಯೆಂದು ಕೀಳುವ ಬದಲು ಮನೆಯ ಅಂಗಳದಲ್ಲಿ ನೆಟ್ಟು ಬೆಳೆಸಿದಲ್ಲಿ ಸಾಕಷ್ಟು ಉಪಯುಕ್ತ. ಮನೆಯಲ್ಲಿ ಸಣ್ಣ ಮಕ್ಕಳಿರುವವರು ಈ ಒಂದು ಗಿಡವನ್ನು ಹುಡುಕಿಕೊಂಡು ಹೋಗುವುದನ್ನು ಗಮನಿಸಿರುತ್ತೇವೆ. ಆದದ್ದರಿಂದ ತುಂಬೆ ಗಿಡಗಳನ್ನು ಮನೆಯ ಮುಂದೆ ಬೆಳೆಸುವುದು ಅವಶ್ಯಕ ಮತ್ತು ಸೂಕ್ತವೆನಿಸಿದೆ.