ತಲೈವಾ ಸದಾ ಸಿನಿಮಾ- ಕುಟುಂಬ ಅಂತಾ ಬ್ಯುಸಿಯಾಗಿರುತ್ತಾರೆ. ಬ್ರೇಕ್ ತೆಗೆದುಕೊಂಡು ದೂರದ ದೇಶಕ್ಕೆ ಹೋಗೋದು ತೀರಾ ವಿರಳ. ಹೀಗಿರುವಾಗ ಒಪ್ಪಿಕೊಂಡಿರುವ ಸಿನಿಮಾಗಳಿಗೆ ಶೂಟಿಂಗ್ ಮುಗಿಸಿಕೊಟ್ಟು, ತಲೈವಾ ರಿಲಾಕ್ಸ್ ಮೂಡ್ಗೆ ಜಾರಿದ್ದಾರೆ.
ಚೆನ್ನೈ ಟು ಮಾಲ್ಡೀವ್ಸ್ಗೆ ಲ್ಯಾಂಡ್ ಆಗಿರುವ ಫೋಟೋದಿಂದ ಹಿಡಿದು ಬೀಚ್ ಬಳಿ ತಲೈವಾ ಓಡಾಡುತ್ತಿರುವ ಫೋಟೋಗಳು ಸಖತ್ ಸದ್ದು ಮಾಡುತ್ತಿದೆ. ಕೆಲಸ ಒತ್ತಡವೆನ್ನೆಲ್ಲಾ ಮರೆತು ಖುಷಿಯಾಗಿ ಸಮಯ ಕಳೆಯುತ್ತಿದ್ದಾರೆ.
ರಜನಿಕಾಂತ್ ಅವರ ವಯಸ್ಸು ಈಗ 72. ಈ ವಯಸ್ಸಿನಲ್ಲೂ ಅವರು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಅವರ ನಟನೆಯ ‘ಜೈಲರ್’ ಸಿನಿಮಾ ಆಗಸ್ಟ್ 10ರಂದು ರಿಲೀಸ್ ಆಗುತ್ತಿದೆ. ಅವರ ನಟನೆಯ ಮತ್ತೊಂದು ಸಿನಿಮಾ ‘ಲಾಲ್ ಸಲಾಂ’ ಚಿತ್ರದ ಶೂಟಿಂಗ್ ಪೂರ್ಣಗೊಂಡಿದೆ. ಈ ಚಿತ್ರಕ್ಕೆ ಅವರ ಮಗಳು ಐಶ್ವರ್ಯಾ ನಿರ್ದೇಶನ ಮಾಡುತ್ತಿದ್ದಾರೆ. ಇದಾದ ಬಳಿಕವೇ ಅವರು ವೆಕೇಷನ್ ತೆರಳಿದ್ದಾರೆ.