ಮನೆಯ ಸೌಂದರ್ಯವನ್ನು ಇಮ್ಮಡಿಗೊಳಿಸಲು ಮನೆಯ ಮುಂದಿನ ಗಾರ್ಡನ್ ಕೂಡ ಅಷ್ಟೇ ಪ್ರಮುಖವಾಗಿರುತ್ತದೆ. ಆದ್ದರಿಂದ ಮನೆಯ ಗಾರ್ಡನ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು.
ಅದಕ್ಕಾಗಿ ನಾನಾ ಹೂಸ ಹೂವಿನ ಗಿಡಗಳನ್ನು ತಂದು ನಡೆವುದು ಮತ್ತು ಅದರ ಆರೈಕೆ ವಿಶೇಷವಾಗಿ ಮಾಡಬೇಕಾಗುತ್ತದೆ. ಕೆಲವೊಂದು ಗಿಡಗಳಿಗೆ ಯಾವುದೇ ವಿಶೇಷ ಕಾಳಜಿ ಇಲ್ಲದಿದ್ದರು ಸೊಗಾಸಾಗಿ ಬೆಳೆದು ಬಿಡುತ್ತವೆ ಮತ್ತು ಸುಂದರವಾದ ಹೂ ಅರಳುತ್ತವೆ.
ರೈನ್ ಲಿಲ್ಲಿ ನಮ್ಮ ಗಾರ್ಡನ್ ಹೊಸ ಆಕರ್ಷಣೆಯಾಗಬಹದು. ಹೆಸರೇ ಸೂಚಿಸುವ ಹಾಗೆ ಇದು ಹೂ ಬಿಡುವುದು ಕೇವಲ ಮಳೆಗಾಲ ಸಮಯದಲ್ಲಿ. ಬಾಕಿ ಸಮಯಗಳಲ್ಲಿ ಇದು ಕೇವಲ ಸೊಂಪಾದ ಹುಲ್ಲುಗಳಂತೆ ಕಾಣುತ್ತದೆ.
ಹಸಿರಿನ ಹುಲ್ಲು ಕಡ್ಡಿಯ ತುದಿಯಲ್ಲಿ ಅರಳುವ ಬಣ್ಣದ ಹೂ ನೋಡಲು ಆಕರ್ಷಕವಾಗಿರುತ್ತದೆ. ತಂಪಾದ ವಾತಾವರಣದಲ್ಲಿ ಬೆಳೆಯು ರೈನ್ ಲಿಲ್ಲಿ ಗಿಡ ಬೇಸಿಗೆ ಮತ್ತು ಚಳಿಗಾಲದಲ್ಲಿ ಕೇವಲ ಹುಲ್ಲಿನಂತೆ ಕಾಣುತ್ತದೆ.
ಅಮಾರಿಲ್ಲಿಸ್ ಕುಟುಂಬಕ್ಕೆ ಸೇರಿರುವ ರೈನ್ ಲಿಲ್ಲಿಯಲ್ಲಿ ಸಾಮಾನ್ಯವಾಗಿ ಕೆಂಪು, ಬಿಳಿ, ಹಳದಿ ಬಣ್ಣಗಳಿವೆ. ಆರು ದಳಗಳನ್ನು ಹೊಂದಿರುವ ರೈನ್ ಲಿಲ್ಲಿಗಳು ಮಧ್ಯ ಹಾಗೂ ದಕ್ಷಿಣ ಅಮೆರಿಕ, ಮೆಕ್ಸಿಕೋದಲ್ಲಿ ಹೆಚ್ಚಾಗಿ ಕಾಣಸಿಗುತ್ತದೆ.
ಅಲಂಕಾರಿಕ ಸಸ್ಯಗಳಲ್ಲಿ ಒಂದಾಗಿರುವ ರೈನ್ ಲಿಲ್ಲಿಯನ್ನು ಕುಂಡಗಳಲ್ಲಿ ಮನೆಯ ಒಳಾಂಗಣ ಹಾಗೂ ಹೊರಾಂಗಣದಲ್ಲಿ ಬೆಳೆಯಬಹುದು. ಗಾರ್ಡನ್ಗೆ ಉದ್ದನೆಯ ಬಾರ್ಡರ್ ಹಾಕಿ ಕೂಡ ಇದನ್ನು ಬೆಳೆಸಬಹುದು. ಮುಖ್ಯವಾಗಿ ಇದಕ್ಕೆ ನೀರು ಚೆನ್ನಾಗಿ ಉಣಿಸಬೇಕಾಗುತ್ತದೆ.