ರೈತರು ಬೆಳೆ ಬೆಳೆದರೆ ಮಾತ್ರ ನಮಗೆ ತಿನ್ನಲು ಅನ್ನ ಸಿಗುತ್ತದೆ. ಇಂತಹ ರೈತರು ಬೆಳೆ ಬೆಳೆಯುವಾಗ ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಆದರೆ ಅದನ್ನು ಅರಿತ ನಮ್ಮ ಸರ್ಕಾರ ಅನೇಕ ರೀತಿಯ ಸವಲತ್ತುಗಳನ್ನು ಅವರಿಗೆ ನೀಡುತ್ತಾ ಬರುತ್ತಿದೆ. ಅದೇ ಪ್ರಕಾರ ಕೇಂದ್ರ ಸರ್ಕಾರ ಹಲವು ಯೋಜನೆಗಳನ್ನು ಜಾರಿಗೆ ತಂದಿದೆ. ಅಲ್ಲದೆ ರಾಜ್ಯ ಸರ್ಕಾರಗಳು ಕೂಡ ವಿವಿಧ ರೀತಿಯ ಯೋಜನೆಗಳನ್ನು ಪ್ರಸ್ತುತಪಡಿಸುತ್ತದೆ.
ಅನ್ನದಾತರಿಗೋಸ್ಕರ ಸರ್ಕಾರ ಸಾಕಷ್ಟು ವಿವಿಧ ಯೋಜನೆಗಳನ್ನು ಜಾರಿಗೊಳಿಸಿದೆ. ಇದರಿಂದ ಸಾಕಷ್ಟು ಮಂದಿ ಪ್ರಯೋಜನ ಪಡೆಯುತ್ತಿದ್ದಾರೆ. ಇದರಲ್ಲಿ ಪ್ರಧಾನಿ ಕಿಸಾನ್ ಯೋಜನೆ, ಪ್ರಧಾನ ಮಂತ್ರಿ ಕಿಸಾನ್ ಮನ್ ಧನ್ ಯೋಜನೆ, ಫಸಲ್ ಬಿಮಾ ಯೋಜನೆ ಮುಂತಾದ ಯೋಜನೆಗಳು ಮುಖ್ಯವಾದವುಗಳಾಗಿವೆ. ಈ ಯೋಚನೆಗಳಿಂದ ರೈತರಿಗೆ ಸಾಕಷ್ಟು ಅನುಕೂಲವಾಗುತ್ತಿದೆ. ಪಿಎಂ ಕಿಸಾನ್ ಮೂಲಕ ನೇರವಾಗಿ ರೈತರಿಗೆ ಬ್ಯಾಂಕ್ ಖಾತೆಗಳಿಗೆ ಹಣ ಬರುತ್ತಿದೆ.
ಇನ್ನು ರಾಜ್ಯ ಸರ್ಕಾರಗಳ ವಿಷಯಕ್ಕೆ ಬಂದರೆ ರೈತ ಬಂಧು ಮತ್ತು ರೈತ ಭರೋಸಾದಂತಹ ಯೋಜನೆಗಳು ಜಾರಿಯಲ್ಲಿವೆ. ಇವು ಪಿಎಂ ಕಿಸಾನ್ ಯೋಜನೆಗೆ ಹೆಚ್ಚುವರಿಯಾಗಿವೆ. ಈ ಯೋಜನೆಗಳ ಮೂಲಕ ರೈತರ ಬ್ಯಾಂಕ್ ಖಾತೆಗೆ ಹಣ ಜಮಾ ಮಾಡಲಾಗುತ್ತಿದೆ. ಇದಲ್ಲದೇ ಇತರೆ ರಾಜ್ಯ ಸರಕಾರಗಳು ಕೂಡ ನಾನಾ ಯೋಜನೆಗಳನ್ನು ಜಾರಿಗೆ ತದಿವೆ.
ಈ ಪೈಕಿ ಬಿಹಾರ ಸರ್ಕಾರ ವಿಶಿಷ್ಟ ಯೋಜನೆಯೊಂದನ್ನು ತಂದಿದೆ. ಸಾವಯವ ಕೃಷಿಗೆ ಸಂಬಂಧಿಸಿದ ಯೋಜನೆ ಇದಾಗಿದ್ದು, ಸರ್ಕಾರ ಈ ಯೋಜನೆ ಮೂಲಕ ರೈತರಿಗೆ ಆರ್ಥಿಕ ನೆರವು ನೀಡುತ್ತಿದೆ.
ಸಾವಯವ ಕೃಷಿ ಮಾಡುವ ರೈತರಿಗೆ ರೂ. 11,500 ನೀಡಲಾಗುತ್ತದೆ. ಈ ಮೂಲಕ ಪ್ರತಿ ರೈತರಿಗೆ ಗರಿಷ್ಠ 2 ಎಕರೆಗೆ ಹಣ ಸಿಗಲಿದೆ. ಅಂದರೆ ಸುಮಾರು ರೂ. 23 ಸಾವಿರ ಇದರಿಂದ ಸಿಗಲಿದೆ ಎಂದು ಹೇಳಬಹುದು. ಸಾವಯವ ಕೃಷಿಯನ್ನು ಉತ್ತೇಜಿಸುವ ಉದ್ದೇಶದಿಂದ ಸರ್ಕಾರ ಈ ಯೋಜನೆಯನ್ನು ತಂದಿದೆ. ಆದರೆ ಈ ಪ್ರಯೋಜನ ಪಡೆಯಲು ಬಯಸುವ ರೈತರು ಕ್ಲಸ್ಟರ್ನ ಸದಸ್ಯರಾಗಿರಬೇಕು. 25 ರೈತರು ಸೇರಿ ಗುಂಪು ರಚಿಸಬೇಕು. ಈ ಪ್ರಯೋಜನವು ಈ ಗುಂಪಿಗೆ ಸೇರಿದ ರೈತರಿಗೆ ಮಾತ್ರ ಲಭ್ಯವಿರುತ್ತದೆ.
ಸರ್ಕಾರವು ರೂ. 11,500 ನೀಡಿದ ಹಣದಲ್ಲಿ ಕನಿಷ್ಠ ರೂ. 6500 ಪ್ರಮಾಣೀಕೃತ ಕಾಂಪೋಸ್ಟ್, ಪ್ಲಾಸ್ಟಿಕ್ ಡ್ರಮ್ ಇತ್ಯಾದಿಗಳನ್ನು ಖರೀದಿಸಬೇಕಾಗುತ್ತದೆ. ಹಾಗೂ ಉಳಿದ ರೂ. 5 ಸಾವಿರದಿಂದ ವರ್ಮಿಕಾಂಪೋಸ್ಟ್ ತಯಾರಿಸಬೇಕು. ಹೀಗೆ ರೈತರಿಗೆ ಸರ್ಕಾರದಿಂದ ಅನೇಕ ರೀತಿಯ ಸವಲತ್ತುಗಳು ಸಿಗುತ್ತವೆ ಅದನ್ನು ಉಪಯೋಗಿಸಿಕೊಂಡು ಒಳ್ಳೆಯ ಬೆಳೆಯನ್ನು ಬೆಳೆಯಬಹುದು.