ಬೆಂಗಳೂರಿನ ಗ್ರೀನ್ಫೀಲ್ಡ್ ಪಬ್ಲಿಕ್ ಶಾಲೆಯ 8 ವರ್ಷದ ವಿದ್ಯಾರ್ಥಿನಿ ಆದ್ಯ ಬೆನ್ನೂರ್ ಆಫ್ರಿಕಾದಲ್ಲಿನ ಕಿಲಿಮಂಜಾರೊ ಪರ್ವತವನ್ನು ಏರಿ, 19,340 ಅಡಿ ಶಿಖರವನ್ನು ಏರಿದ ವಿಶ್ವದ ಅತ್ಯಂತ ಕಿರಿಯ ಮಕ್ಕಳಲ್ಲಿ ಒಬ್ಬರಾಗಿದ್ದಾರೆ.
ಕಳೆದ ವರ್ಷ ಜೂನ್ ನಲ್ಲಿ ಆದ್ಯ ಎವರೆಸ್ಟ್ ಬೇಸ್ ಕ್ಯಾಂಪ್ ಗೆ ಚಾರಣ ಮಾಡಿದ ನಂತರ ಆರೋಹಣದಲ್ಲಿ ಆಸಕ್ತಿ ಹೆಚ್ಚಿಸಿಕೊಂಡಿದ್ದಾರೆ. ಆದ್ಯ ತನ್ನ ತಂದೆ ಹರ್ಷರೊಂದಿಗೆ ಬೆಂಗಳೂರಿನ ಹೊರವಲಯದಲ್ಲಿ ಚಾರಣ ಪ್ರವಾಸಗಳಿಗೆ ಆಗಾಗ ಹೋಗುತ್ತಿದ್ದದ್ದು ಅವಳಿಗೆ ಪರ್ವತಾರೋಹಣದ ಬಗ್ಗೆ ಹೆಚ್ಚು ಆಸಕ್ತಿ ಮೂಡುವಂತೆ ಮಾಡಿತ್ತು.
ಕರ್ನಾಟಕದ ಬೆಟ್ಟಗಳಿಗೆ,ಸಣ್ಣ ಕಾಲ್ನಡಿಗೆ ಪ್ರವಾಸಗಳಿಗೆ ಆದ್ಯಳನ್ನು ಕರೆದೊಯ್ಯುವಾಗ, ಹರ್ಷ ಅವರ ಮಗಳ ಫಿಟ್ನೆಸ್ ಮಟ್ಟವು ಏಳು ವರ್ಷದ ಮಗುವಿಗೆ ತುಂಬಾ ಉತ್ತಮವಾಗಿದೆ ಎಂದು ಗಮನಿಸಿದರು. ಕೋವಿಡ್ ಸಮಯದಲ್ಲಿ,ಆದ್ಯ ಫಿಟ್ ಆಗಿರುವುದನ್ನು ಹರ್ಷ ಗಮನಿಸಿದ್ದರು. 2017 ರಲ್ಲಿ ಎವರೆಸ್ಟ್ ಬೇಸ್ ಕ್ಯಾಂಪ್ಗೆ ಚಾರಣ ಮಾಡಿದ ಹರ್ಷ, 2022 ರಲ್ಲಿ ಪರ್ವತಗಳನ್ನು ಏರಲು ಪ್ರಯತ್ನಿಸಲು ಬಯಸುತ್ತೀಯ ಎಂದು ಆದ್ಯ ಅವರನ್ನು ಆಕಸ್ಮಿಕವಾಗಿ ಕೇಳಿದರು. ಅಲ್ಲಿಯವರೆಗೆ, ಎವರೆಸ್ಟ್ ಬೇಸ್ ಕ್ಯಾಂಪ್ ಬಗ್ಗೆ ಹೆಚ್ಚು ತಿಳಿದಿರಲಿಲ್ಲವಾದರೂ ತನ್ನ ತಂದೆ ತನ್ನ ಜೊತೆಗೆ ಇರುತ್ತಾರೆ ಎಂಬ ಕಾರಣದಿಂದ ಒಪ್ಪಿಕೊಳ್ಳುತ್ತಾರೆ.
ಅದಕ್ಕೋಸ್ಕರ ಒಂದು ತಿಂಗಳ ಕಾಲ ಕಷ್ಟಪಟ್ಟು ತರಬೇತಿ ಪಡೆದುದರ ಜೊತೆಗೆ ಮೆಟ್ಟಿಲುಗಳನ್ನು ಹತ್ತುವುದು ಮತ್ತು ಇಳಿಯುವುದು, ಈಜುವುದು ಮುಂತಾದ ಫಿಟ್ನೆಸ್ ವರ್ಕೌಟ್ ಜೊತೆಗೆ ಪರ್ವತಾರೋಹಣಕ್ಕೆ ತಯಾರಿ ನಡೆಸಲು ಆದ್ಯ ದೀರ್ಘ ಪ್ರಯತ್ನ ನಡೆಸುತ್ತಾಳೆ.
ನೇಪಾಳದ ಲುಕ್ಲಾದಿಂದ ಚಾರಣವನ್ನು ಪ್ರಾರಂಭಿಸಿದ ಆದ್ಯ ಅವರು ಹೆಲಿಕಾಪ್ಟರ್ನಿಂದ ಇಳಿದಾಗ ಭಾರಿ ಮಳೆಯಿಂದ ಮಾರ್ಗವು ಕೆಸರಿನಿಂದ ತುಂಬಿದ್ದರು ಕೂಡಾ, ದಾಲ್ ಭಾತ್ ಪವರ್ ಎಂಬ ಮಂತ್ರವನ್ನು ಪಠಿಸುತ್ತ ಪರ್ವತಾರೋಹಣದಲ್ಲಿ ಪಾಲ್ಗೊಳುತ್ತಾಳೆ.
ಚಾರಣದ ಮೊದಲ ದಿನ ಅಳುತ್ತಲೇ ಶುರು ಮಾಡಿದರೂ ಕೂಡಾ, 2 ನೇ ದಿನದಿಂದ ವಿಷಯಗಳು ಸುಲಭವಾದವು, ಮತ್ತು ಅವರು ತುದಿಯನ್ನು ತಲುಪುವವರೆಗೂ ಮೇಲಿನ ಮಾರ್ಗವು ರಮಣೀಯ ಮತ್ತು ಸುಂದರವಾಗಿತ್ತು. ಎವರೆಸ್ಟ್ ಬೇಸ್ ಕ್ಯಾಂಪ್ ನಂತರ, ಆದ್ಯ ಆಫ್ರಿಕಾದ ಅತಿ ಎತ್ತರದ ಪರ್ವತವಾದ ಮೌಂಟ್ ಕಿಲಿಮಂಜಾರೊಗೆ ತನ್ನ ನಡೆಯನ್ನು ಮುಂದುವರೆಸುತ್ತಾಳೆ.
ಪರ್ವತಾರೋಹಣಕ್ಕೆ ತಯಾರಿ ನಡೆಸಲು ಮೂರು ತಿಂಗಳ ಕಾಲ ಓಟ ಮತ್ತು ನಡಿಗೆಯ ಮೇಲೆ ಹೆಚ್ಚು ಗಮನ ಹರಿಸಿ ಕೊನೆಗೂ ಐಥೋಪಿಯಾದ ಅಡಿಡಾಸ್ ಅಬಾಬಾ ಮೂಲಕ ಕಿಲಿಮಂಜಾರೊಕ್ಕೆ ಹೊರಡುತ್ತಾರೆ.
ಕಿಲಿಮಂಜಾರೊಗೆ ಐದು ವಿಭಿನ್ನ ಮಾರ್ಗಗಳಿವೆ, ಅವುಗಳಲ್ಲಿ ಸುಲಭವಾದ ಮಾರ್ಗವೆಂದರೆ ಮರಂಗು ಮಾರ್ಗವು ಸುಮಾರು 5-6 ದಿನಗಳನ್ನು ತೆಗೆದುಕೊಳ್ಳುತ್ತದೆ, ಆದರೆ ಆ ದಾರಿ ಬಹಳ ಕಠಿಣವಾಗಿ ಇದ್ದುದರಿಂದ ಅವರು ಲೆಮೊಶೊ ಮಾರ್ಗವನ್ನು ಆರಿಸಿಕೊಂಡು ಇದು ಉದ್ದವಾದ ಮತ್ತು ಕಠಿಣವಾದದ್ದು ಆದರೂ ಸುಮಾರು ಏಳು ದಿನಗಳನ್ನು ತೆಗೆದುಕೊಂಡು ತಮ್ಮ ಗುರಿ ತಲುಪುತ್ತಾರೆ. ಪ್ರತಿದಿನ 10 ಗಂಟೆಗಳಿಗಿಂತ ಹೆಚ್ಚು ಕಾಲ ಪರ್ವತಾರೋಹಣ ಮಾಡಿ, ಕೊನೆಯ ದಿನ ಸುಮಾರು ಹದಿನೇಳೂವರೆ ಗಂಟೆಗಳ ಕಾಲ ನಡೆದದ್ದು ಎಂಟು ವರ್ಷದ ಬಾಲಕಿಗೆ ಸವಾಲಿನದ್ದಾಗಿತ್ತು, ಮೈನಸ್ 20 ಡಿಗ್ರಿ ಹವಾಮಾನದ ನಡುವೆಯೂ ತನ್ನ ಗುರಿ ಸೇರಿದ್ದು ಈಗ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಆದ್ಯ ಅವಳ ಮುಂದಿನ ಗುರಿ ಈ ವರ್ಷದ ಸೆಪ್ಟೆಂಬರ್ ನಲ್ಲಿ ರಷ್ಯಾದ ಮೌಂಟ್ ಎಲ್ಬ್ರಸ್ ಆಗಿದೆ. ಈಗಾಗಲೇ ತರಬೇತಿ ಆರಂಭವಾಗಿದೆ.