ನಾವು ಸೇವಿಸುವ ವಿವಿಧ ಆಹಾರಗಳಿಂದ ನಮಗೆ ಪೌಷ್ಟಿಕಾಂಶಗಳು ಸಿಗುತ್ತವೆ. ಅದರಲ್ಲಿ ಪ್ರೋಟೀನ್, ಕಾರ್ಬೋಹೈಡ್ರೇಟ್, ವಿಟಮಿನ್, ಖನಿಜಾಂಶಗಳು ಎಲ್ಲವೂ ನಮಗೆ ಸಮರ್ಪಕವಾಗಿ ಸಮತೋಲನದಲ್ಲಿ ಸಿಗಬೇಕು.
ಒಂದು ವೇಳೆ ಸಿಗದಿದ್ದರೆ ಅದಕ್ಕೆ ಸಂಬಂಧಪಟ್ಟಂತೆ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುವುದು ಪಕ್ಕ. ವಿಟಮಿನ್ ಡಿ ಪ್ರಮಾಣ ನಮಗೆ ಬಹಳ ಮುಖ್ಯ. ನಾವು ತಿನ್ನುವ ಅನೇಕ ಆಹಾರಗಳಿಂದ ಇದು ನಮಗೆ ಸಿಗುತ್ತದೆ. ಜೊತೆಗೆ ಬೆಳಗಿನ ಸೂರ್ಯನ ಬಿಸಿಲಿನಲ್ಲಿ ಕೂಡ ವಿಟಾಮಿನ್ ಡಿ ನಮ್ಮ ದೇಹಕ್ಕೆ ಸಿಗುತ್ತದೆ.
ವಿಟಮಿನ್ ಡಿ ಕೊರತೆಯಾದರೆ ಕೆಲವೊಂದು ರೀತಿ ಆರೋಗ್ಯ ಸಮಸ್ಯೆಗಳು ಹೆಚ್ಚಾಗಿ ಕಾಣಿಸುತ್ತವೆ. ವಿಟಮಿನ್ ಡಿ ಕೊರತೆ ಇರುವವರಿಗೆ ನಿದ್ರಾಹೀನತೆ ಸಮಸ್ಯೆ ಹೆಚ್ಚಾಗಿ ಕಾಣಿಸಿ, ರಾತ್ರಿ ಹೊತ್ತು ಸರಿಯಾಗಿ ನಿದ್ರೆ ಬರುವುದಿಲ್ಲ. ಮಧ್ಯ ಮಧ್ಯ ಎಚ್ಚರವಾಗುತ್ತದೆ. ಇದಕ್ಕೆ ಕಾರಣ ಎಂದರೆ ಕಾರ್ಟಿಸಲ್ ಹಾರ್ಮೋನ್ ಹೆಚ್ಚು ಬಿಡುಗಡೆಯಾಗುತ್ತದೆ ಮತ್ತು ಆಗಾಗ ಸುಸ್ತಾಗುವ ಅನುಭವ ಆಗುತ್ತದೆ .ಇದರಿಂದಾಗಿ ನಾವು ಜಾಗೃತೆ ಮಾಡಬೇಕು.
ವಿಟಮಿನ್ ಡಿ ಕೊರತೆ ಇರುವವರಿಗೆ ಮೂಳೆಗಳ ನೋವು, ದುರ್ಬಲತೆ ಹೆಚ್ಚಾಗಿ ಕಾಣಿಸುತ್ತಿರುತ್ತದೆ. ಯಾವ ಸಂದರ್ಭದಲ್ಲಿ ಬೇಕಾದರೂ ಮೂಳೆ ಮುರಿದುಕೊಳ್ಳುತ್ತದೆ ಎನ್ನುವ ಭಯ ಕಾಡತೊಡಗುತ್ತದೆ. ಕಡಿಮೆ ವಿಟಮಿನ್ ಡಿ ಇರುವವರಿಗೆ ಎಲ್ಲಾದರೂ ಬಿದ್ದರೆ ತಕ್ಷಣವೇ ಮೂಳೆಗೆ ಹಾನಿಯಾಗುವ ಸಾಧ್ಯತೆ ಇರುತ್ತದೆ.
ವಿಟಮಿನ್ ಡಿ ಕೊರತೆ ಇರುವವರಿಗೆ ರೋಗನಿರೋಧಕ ಶಕ್ತಿ ಅಷ್ಟು ಉತ್ತಮವಾಗಿರುವುದಿಲ್ಲ. ಇದರಿಂದ ಸೋಂಕುಗಳು ಯಾವುದೇ ಸಂದರ್ಭದಲ್ಲಿ ಆವರಿಸಬಹುದು. ವಿಟಮಿನ್ ಡಿ ಕೊರತೆ ಇರುವವರಿಗೆ ಅಸ್ತಮಾ, ನೆಗಡಿ ಮತ್ತು ಜ್ವರ ಕಾಣಿಸಿಕೊಳ್ಳುತ್ತದೆಹಲವರಿಗೆ ವಿಟಮಿನ್ ಡಿ ಕೊರತೆಯಿಂದಲೇ ಮಾನಸಿಕ ಖಿನ್ನತೆ ಎದುರಾಗುತ್ತದೆ. ಏಕೆಂದರೆ ಇದು ಮೆದುಳಿನ ಆರೋಗ್ಯದ ಜೊತೆ ನೇರವಾದ ಸಂಬಂಧ ಹೊಂದಿರುತ್ತದೆ ಎಂದು ವೈದ್ಯರು ಹೇಳುತ್ತಾರೆ.
ನಮಗೆ ತಲೆ ಕೂದಲು ಉದುರುವ ಸಮಸ್ಯೆ ಹೆಚ್ಚಾಗಿದ್ದರೆ, ಅದು ವಿಟಮಿನ್ ಡಿ ಕೊರತೆ ಇರುವ ಕಾರಣ ಕೂಡ ಆಗಿರಬಹುದು. ಕೆಲವು ಜನರಿಗಂತು ಸಾಕಷ್ಟು ಪ್ರಮಾಣದ ತಲೆ ಕೂದಲು ಒಮ್ಮೆಲೇ ಉದುರಿ ಹೋಗುತ್ತದೆ. ಅಷ್ಟೇ ಅಲ್ಲದೆ ಹೊಸ ಕೂದಲು ಬೆಳವಣಿಗೆ ಆಗಲೂ ಕೂಡ ಇದು ಅಡ್ಡಿಯಾಗುವ ಸಾಧ್ಯತೆ ಇರುತ್ತದೆ.
ಹೃದಯ ಸಮಸ್ಯೆ, ಮಾನಸಿಕ ತೊಂದರೆಗಳು, ಅಸ್ತಮಾ ಸಮಸ್ಯೆ, ಕ್ಯಾನ್ಸರ್ ಜೀವಕೋಶ ಗಳು ಹೆಚ್ಚಳ, ದೇಹದಲ್ಲಿ ಬೊಜ್ಜು ಹೆಚ್ಚಾಗುವ ಸಾಧ್ಯತೆ ಹೀಗೆ ಹಲವಾರು ಆರೋಗ್ಯ ಸಮಸ್ಯೆಗಳು ವಿಟಮಿನ್ ಡಿ ಕೊರತೆಯಿಂದ ನಮ್ಮನ್ನು ಕಾಡುತ್ತವೆ.
ವಿಟಮಿನ್ ಡಿ ಕೊರತೆಗೆ ನೈಸರ್ಗಿಕ ಮದ್ದು ಎಂದರೆ ಬೆಳಗ್ಗಿನ ಹೊತ್ತು ಸ್ವಲ್ಪ ಹೊತ್ತು ಬಿಸಿಲಿನಲ್ಲಿ ನಿಲ್ಲು ವುದು. ಇನ್ನು ನಾನ್ವೆಜ್ ತಿನ್ನುವವವರು ಮಿತವಾಗಿ ಮೀನು ಹಾಗೂ ಸಮುದ್ರ ಆಹಾರಗಳನ್ನು ಸೇವನೆ ಮಾಡುವುದರಿಂದ, ವಿಟಮಿನ್ ಡಿ ಅಂಶದ ಕೊರತೆ ಯನ್ನು ದೂರ ಮಾಡಿಕೊಳ್ಳ ಬಹುದು. ಅಲ್ಲದೆ, ಮಳೆಗಾಲದಲ್ಲಿ ನೈರ್ಗಿಕವಾಗಿ ಸಿಗುವ ಅಣಬೆ ಗಳನ್ನು ಸೇವನೆ ಮಾಡುವುದರಿಂದ ವಿಟಮಿನ್ ಡಿ ಅಂಶದ ಕೊರತೆ ಯನ್ನು ದೂರ ಮಾಡಿಕೊಳ್ಳಬಹುದಾಗಿದೆ. ಇನ್ನು ಹಾಲು ಹಾಗೂ ಹಾಲಿನ ಉಪ ಉತ್ಪನ್ನವಾದ ಮೊಸರು, ಮಜ್ಜಿಗೆ, ಸೋಯಾ ಸೇವನೆ ಮಾಡುವುದರಿಂದ ಕೂಡ ವಿಟಮಿನ್ ಡಿ ಯ ಕೊರತೆಯನ್ನು ಸಂಪೂರ್ಣವಾಗಿ ಕಡಿಮೆಮಾಡಬಹುದು.