ಪ್ರತಿ ದಿನ ಒಂದೆರಡು ಬಾರಿ ಅಥವಾ ಸ್ನಾನ ಮಾಡುವಾಗ ಮಾತ್ರವೇ ಮುಖ ತೊಳೆದುಕೊಳ್ಳುತ್ತಾರೆ. ದಿನಕ್ಕೆ ಎಷ್ಟು ಬಾರಿ ಮುಖ ತೊಳೆದುಕೊಳ್ಳುತ್ತೇವೆ ಎನ್ನುವುದು ಚರ್ಮದ ಆರೋಗ್ಯವನ್ನು ನಿರ್ಧರಿಸುತ್ತದೆ. ಹಾಗಾದರೆ ದಿನಕ್ಕೆಷ್ಟು ಬಾರಿ ಫೇಸ್ವಾಶ್ ಮಾಡಬೇಕು?
ಮುಖದ ಚರ್ಮ ಸೂಕ್ಷ್ಮವಾಗಿರುತ್ತದೆ. ಪ್ರತಿದಿನ ಓಡಾಟ, ಕೆಲಸ, ವ್ಯಾಯಾಮದ ಜೊತೆಗೆ ಧೂಳು, ಹೊಗೆ, ಬೆವರಿನ ಜೊತೆಗೆ ಮುಖಕ್ಕೆ ಹಚ್ಚಿಕೊಳ್ಳುವ ಮೇಕ್ಆಪ್ನಿಂದಾಗಿ ಮುಖವು ಕೊಳಕು, ಎಣ್ಣೆ ಮತ್ತು ಇತರ ಕಾರಣಗಳಿಂದ ಮುಖದ ಚರ್ಮವು ಹಾಳಾಗುತ್ತಿರುತ್ತದೆ.
ಇದನ್ನು ತೊಳೆಯದಿದ್ದರೆ ಕಿರಿಕಿರಿ ಮತ್ತು ಚರ್ಮದ ಸಮಸ್ಯೆಗಳಿಗೆ ಕಾರಣವಾಗಬಹುದು. ಪ್ರತಿದಿನ ಇಂತಿಷ್ಟು ಬಾರಿ ಮುಖ ತೊಳೆಯದೇ ಹೋದ್ರೆ ಚರ್ಮ ಕೊಳಕು, ಡ್ರೈ ಮತ್ತು ಜಿಡ್ಡಿನಿಂದಾಗಿ ಕಾಂತಿಕಳೆದುಕೊಂಡಂತೆ ಕಾಣಿಸುತ್ತದೆ .ಹಾಗಾಗಿ ಇದನ್ನೆಲ್ಲಾ ನಿವಾರಿಸೋಕೆ ಪ್ರತಿನಿತ್ಯ ನಾಲ್ಕು ಬಾರಿಯಾದರೂ ಮುಖ ತೊಳೆದುಕೊಳ್ಳಲೇಬೇಕಾಗಿದೆ.
ಸಾಮಾನ್ಯವಾಗಿ ಸೆನ್ಸಿಟಿವ್ ಸ್ಕಿನ್ ಹೊಂದಿರುವವರು ದಿನಕ್ಕೆರಡು ಬಾರಿ ತೊಳೆಯಬಹುದೆಂದು ಕೆಲವರು ಸಲಹೆ ನೀಡುತ್ತಾರೆ.
ಡ್ರೈ ಸ್ಕಿನ್ ಇರುವವರು,ಮುಖದಲ್ಲಾಗುವ ಕಿರಿಕಿರಿಯನ್ನು ಕಡಿಮೆ ಮಾಡಲು ದಿನಕ್ಕೆ ಎರಡು ಬಾರಿ, ರಾತ್ರಿಯಲ್ಲಿ ಒಮ್ಮೆ , ಮುಖ ತೊಳೆದುಕೊಂಡರೆ ಸಾಕು. ಅಲ್ಲದೆ, ಜಿಮ್, ಯೋಗ ಅಥವಾ ಹೊರಗೆ ಓಡಾಡಿ ಬಂದರೆ ಮತ್ತು ಹೆಚ್ಚು ಬೆವರುತ್ತಿದ್ದರೆ, ನೀವು ನಿಮ್ಮ ಮುಖವನ್ನು ತೊಳೆಯುತ್ತಲೆ ಇರಬೇಕು.
ಮುಖವನ್ನು ತೊಳೆಯುವುದಾದರೆ ನಿಮ್ಮ ಚರ್ಮದ ಪ್ರಕಾರ, ಮೇಕ್ಅಪ್ ಮತ್ತು ದೈನಂದಿನ ನಿಮ್ಮ ಚಟುವಟಿಕೆಗಳನ್ನು ಆಧರಿಸಿ ನೀವು ಮುಖ ತೊಳೆಯುವ ವಿಧಾನವನ್ನು ಅನುಸರಿಸಬೇಕು. ಉದಾಹರಣೆಗೆ ನೀವು ಮೇಕ್ಅಪ್ ಧರಿಸಿದ್ದರೆ, ಮುಖ ತೊಳೆಯುವ ಮೊದಲು ಲಿಪ್ಸ್ಟಿಕ್ ಮತ್ತು ಕಣ್ಣಿನ ಮೇಕ್ಅಪ್ ಅನ್ನು ಮೇಕ್ ಅಪ್ ರಿಮೂವರ್ನಿಂದ ಮೊದಲು ತಗೆಯಬೇಕು. ಅಂದರೆ ಸಾಮಾನ್ಯವಾಗಿ ತೊಳೆದರೂ ಬೇಗನೆ ಹೋಗದ ಮೇಕ್ಅಪ್ಗಳನ್ನು ಮೇಕ್ಅಪ್ ರಿಮೂವರ್ನಿಂದ ಮೊದಲು ತೆಗೆಯಬೇಕು.ತದನಂತರವೇ ಈ ಕೆಳಗೆ ತಿಳಿಸಿರುವ ವಿಧಾನವನ್ನು ಅನುಸರಿಸುವುದು.
* ಉಗುರು ಬೆಚ್ಚಗಿನ ನೀರಿನಿಂದ ನಿಮ್ಮ ಮುಖವನ್ನು ಒದ್ದೆಮಾಡಿ. ಯಾವುದಾದರೂ ಮೈಲ್ಡ್ ಫೇಸ್ ಕ್ಲೆನ್ಸರ್ ಅನ್ನು ನಿಮ್ಮ ಬೆರಳುಗಳಿಂದ ವೃತ್ತಾಕಾರವಾಗಿ ನಿಮ್ಮ ಹಣೆ ಮತ್ತು ಕೆನ್ನೆಯ ಭಾಗಕ್ಕೆ ಹಚ್ಚಿ.
* ಸಾಧ್ಯವಾದಷ್ಟು 30ಸೆಕೆಂಡುಗಳ ಕಾಲ ನಿಮ್ಮ ಮುಖವನ್ನು ತೊಳೆಯಿರಿ
* ನಂತರ ಸ್ವಚ್ಛವಾದ ಟವಲ್ನಿಂದ ಮುಖವನ್ನು ಒರೆಸಿಕೊಳ್ಳಬೇಕು.
ಹೆಚ್ಚಿನವರು ಮುಖ ತೊಳೆಯಲೂ ಮೈಗೆ ಬಳಸುವ ಸೋಪ್ ಅನ್ನೇ ಬಳಸುತ್ತಾರೆ. ಇದು ನಮ್ಮ ಮುಖದ ತೇವಾಂಶವನ್ನು ಕಳೆದುಕೊಳ್ಳುವಂತೆ ಮಾಡುತ್ತದೆ. ಅದು ಮತ್ತೆ ತುರಿಕೆ ಮತ್ತು ಚರ್ಮದ ಕಿರಿಕಿರಿಗೂ ಕಾರಣವಾಗಬಹುದು. ಆದ್ದರಿಂದ ಮುಖಕ್ಕೆಂದೇ ತಯಾರಿಸಲಾದ ಕ್ಲೆನ್ಸರ್ ಬಳಸಬೇಕು.
ನೀವು ಡ್ರೈ ಅಥವಾ ಸೂಕ್ಷ್ಮ ಚರ್ಮ ಹೊಂದಿದ್ದರೆ ಮೃದುವಾದ ಅಥವಾ ಕೆನಯುಕ್ತ ಕ್ಲೆನ್ಸರ್ ಬಳಸಿ. ನಿಮ್ಮ ಚರ್ಮವು ಮಂದವಾಗಿದ್ದರೆ ಆಲ್ಫಾ ಹೈಡ್ರಾಕ್ಸಿ ಆಸಿಡ್ ಅಥವಾ ಗ್ಲೈಕೋಲಿಕ್-ಆಧಾರಿತ ಕ್ಲೆನ್ಸರ್ ಬಳಸಿ. ಇದು ಚರ್ಮದ ಮೇಲ್ಮೈನ ಸತ್ತಜೀವಕೋಶಗಳನ್ನು ನಿವಾರಿಸಿ, ಚರ್ಮಕ್ಕೆ ಹೊಳಪನ್ನು ನೀಡುತ್ತದೆ.
ನೀವು ಪ್ರಯಾಣಿಸುತ್ತಿದ್ದರೆ ಅಥವಾ ಮುಖ ತೊಳೆಯಲು ವ್ಯವಸ್ಥೆಗಳು ಇಲ್ಲದಿದ್ದಲ್ಲಿ ವೆಟ್ ಟವಲ್ ಬಳಸಿದರೆ ಉತ್ತಮ. ಆದರೆ ಸುಗಂಧ ಮುಕ್ತ ವೆಟ್ ಟವಲ್ ಬಳಸಿ. ಮುಖದ ಶುದ್ಧೀಕರಣವು ಚರ್ಮ ಮತ್ತು ರಂಧ್ರಗಳಿಂದ ಕೊಳೆಯನ್ನು ತೆಗೆದುಹಾಕುತ್ತದೆ.ಎಷ್ಟು ಸ್ವಚ್ಛತೆಯನ್ನು ಕಾಪಾಡಿಕೊಳ್ಳುತ್ತೀರೋ ಅಷ್ಟೇ ಆರೋಗ್ಯವಂತರಾಗಿರುತ್ತೀರಿ ಎನ್ನುವುದನ್ನೂ ಮರೆಯಬಾರದು.