ಸಾಮಾನ್ಯವಾಗಿ ಪ್ರತಿ ಅಡುಗೆಯಲ್ಲೂ ಅಡುಗೆ ಸೋಡಾ ಇದ್ದೇ ಇರುತ್ತದೆ. ನಾವು ಸೇವಿಸುವ ದೈನಂದಿನ ಆಹಾರಗಳಾದ ಬ್ರೆಡ್ ದೋಸೆ ಇಡ್ಲಿ ಬನ್ಸ್ ಕುಕೀಸ್ ಹಾಗೂ ಬೇಕರಿ ಉತ್ಪನ್ನಗಳಲ್ಲಿ ಅಡುಗೆ ಸೋಡಾವನ್ನು ಬಳಸುತ್ತಾರೆ.
ಇತ್ತೀಚಿನ ದಿನಗಳಲ್ಲಿ ಸೋಡಾದ ಬದಲಿಗೆ ಅಡುಗೆಯಲ್ಲಿ ಇನೋವನ್ನು ಕೂಡ ಬಳಸಲಾಗುತ್ತದೆ. ಆದರೆ ನಿರಂತರವಾಗಿ ಅಡುಗೆ ಸೋಡಾವನ್ನು ಬಳಸುವುದರಿಂದ ಗಂಭೀರ ಆರೋಗ್ಯ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.
ಅಡುಗೆ ಸೋಡಾ ಬಳಸುವುದರಿಂದ ಉಂಟಾಗುವ ಆರೋಗ್ಯ ಸಮಸ್ಯೆಗಳಿವು:
ಅಧಿಕ ರಕ್ತದೊತ್ತಡ:
ಇನೋವನ್ನು ಪ್ರತಿದಿನ ಬಳಸುವುದರಿಂದ ಉಂಟಾಗುವ ಸಾಮಾನ್ಯ ಸಮಸ್ಯೆ ಎಂದರೆ ಅಧಿಕರಕ್ತದೊತ್ತಡ. ಇನೋ ಅಥವಾ ಅಡುಗೆ ಸೋಡಾದಲ್ಲಿ ಸೋಡಿಯಂ ಬೈಕಾರ್ಬೋನೇಟ್ ಪ್ರಮಾಣ ಹೆಚ್ಚಿದ್ದು ಇದು ರಕ್ತದೊತ್ತಡದ ಏರಿಕೆಗೆ ಕಾರಣವಾಗುತ್ತದೆ.
ಮೂತ್ರ ಪಿಂಡದ ಸಮಸ್ಯೆ:
ಸೋಡಾವನ್ನು ಅತಿ ಬಳಸುವುದರಿಂದ ಮೂತ್ರಪಿಂಡದ ವೈಫಲ್ಯ ಮತ್ತು ಇತರ ದೀರ್ಘಕಾಲದ ಸಮಸ್ಯೆಗಳು ಉಂಟಾಗುತ್ತದೆ.
ಜೀರ್ಣಕ್ರಿಯೆಯ ಮೇಲೆ ಪರಿಣಾಮ:
ಸೋಡಾದಲ್ಲಿ ಫಾಸ್ಪರಿಕ್ ಆಮ್ಲವಿದ್ದು, ಅದು ಹೊಟ್ಟೆಯಲ್ಲಿರುವ ನೈಸರ್ಗಿಕ ಆಮ್ಲವನ್ನು ಕುಗ್ಗಿಸುತ್ತದೆ. ಇದು ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸುತ್ತದೆ ಹಾಗೂ ಪೋಷಕಾಂಶಗಳ ಹೀರಿಕೊಳ್ಳುವಿಕೆಯನ್ನು ನಿರ್ಬಂಧಿಸುತ್ತದೆ. ಇದರಿಂದ ಆಹಾರವು ಸರಿಯಾಗಿ ಜೀರ್ಣವಾಗುವುದಿಲ್ಲ. ಇದರಿಂದ ಆಯಾಸ ಹಾಗೂ ನಿಶಕ್ತಿ ಉಂಟಾಗಬಹುದು.
ಕ್ಯಾಲ್ಸಿಯಂ ಸಮಸ್ಯೆ:
ಸೋಡಾದ ನಿರಂತರ ಬಳಕೆಯು ದೇಹವು ಕ್ಯಾಲ್ಸಿಯಂ ಹೀರಿಕೊಳ್ಳುವುದಕ್ಕೆ ಅಡ್ಡಿ ಪಡಿಸುತ್ತದೆ. ಇದು ಆಸ್ಟಿಯೊಪೊರೋಸಿಸ್ನಂತಹ ತೊಂದರೆಗೆ ಕಾರಣವಾಗುತ್ತದೆ.