ನರ್ಸರಿಯಲ್ಲಿ ಕಾಂಪೋಸ್ಟ್ ಸಿಗುತ್ತದೆ ಆದರೆ ಅದಕ್ಕೆ ತುಂಬಾ ಹಣ ನೀಡಿ ತೆಗೆದುಕೊಳ್ಳಬೇಕು, ಅಲ್ಲದೇ ಅದು ರಾಸಾಯನಿಕವಾಗಿರುತ್ತದೆ. ಅದಕ್ಕಾಗಿ ಮನೆಯಲ್ಲಿ ಸುಲಭವಾಗಿ ಕಾಂಪೋಸ್ಟ್ ಗೊಬ್ಬರವನ್ನು ಮಾಡಬಹುದು.
ನಾವು ತರಕಾರಿಗಳ ಸಿಪ್ಪೆಗಳು, ಈರುಳ್ಳಿ, ಬೆಳ್ಳುಳ್ಳಿ ಸಿಪ್ಪೆಗಳು, ಹಣ್ಣಿನ ಸಿಪ್ಪೆಗಳನ್ನೆಲ್ಲ ಬಳಸಿ ತುಂಬಾ ಉತ್ತಮವಾದ ಕಾಂಪೋಸ್ಟ್ ಗೊಬ್ಬರವನ್ನು ತಯಾರಿಸಿಕೊಳ್ಳಬಹುದು.
ಅದು ಹೇಗೆ ಎಂದರೆ ಯಾವುದೇ ತರಕಾರಿ ಸಿಪ್ಪೆಯನ್ನು ಹೊರಗೆ ಬಿಸಾಡದೇ ತರಕಾರಿ ಯಾವುದೇ ಬೇಡವಾದ ಭಾಗವನ್ನು ಸಣ್ಣಗೆ ಕಟ್ ಮಾಡಿ ಸಂಗ್ರಹಿಸುತ್ತಾ ಬರಬೇಕು. ಈ ಕಾಂಪೋಸ್ಟ್ ಮಾಡಲು ಒಂದು ಸಿಮೆಂಟ್ನ ಪಾಟ್ ತೆಗೆದುಕೊಳ್ಳಬೇಕು.
ಅದರೊಳಗೆ ಮೂರರಿಂದ ನಾಲ್ಕು ಹೋಲ್ ಗಳನ್ನು ಮಾಡಿಕೊಳ್ಳಬೇಕು. ಅದಕ್ಕೆ ಮೊದಲು ಒಣಗಿದ ಎಲೆಯನ್ನು ಹಾಕಬೇಕು ಆಮೇಲೆ ಒಂದು ಲೇಯರ್ ನಾವು ಸಂಗ್ರಹಿಸಿ ಇಟ್ಟಿರುವ ತರಕಾರಿ ಇತ್ಯಾದಿ ಸಿಪ್ಪೆಗಳನ್ನು ಹಾಕಬೇಕು. ಆದ ನಂತರ ಬಾಳೆಹಣ್ಣಿನ ಸಿಪ್ಪೆ ಮತ್ತು ದಾಳಿಂಬೆ ಯಾವುದೇ ಹಣ್ಣಿನ ಸಿಪ್ಪೆಯನ್ನು ಕೂಡ ಇದಕ್ಕೆ ಉಪಯೋಗಿಸಿಕೊಂಡು ಇದನ್ನು ಮೂರನೇ ಲೇಯರ್ ಆಗಿ ಹಾಕಬೇಕು. ಅದರ ಮೇಲೆ ಬೆಳ್ಳುಳ್ಳಿ ಈರುಳ್ಳಿ ಸಿಪ್ಪೆಗಳನ್ನು ಹಾಕಬೇಕು ಇದೆಲ್ಲ ಹಾಕುವುದರಿಂದ ಪೊಟ್ಯಾಶಿಯಂ, ಮ್ಯಾಗ್ನಿಷಿಯಂ, ಕ್ಯಾಲ್ಸಿಯಂ ನಂತಹ ಮಿನರಲ್ ಗಿಡಕ್ಕೆ ಸಿಗುತ್ತವೆ. ಇವೆಲ್ಲಾ ಮಿಶ್ರಣದ ಮೇಲೆ ಒಂದರಿAದ ಎರಡು ಚಮಚ ಹುಳಿಮಜ್ಜಿಗೆಯನ್ನು ಅದರ ಮೇಲೆ ಹಾಕಬೇಕು. ಇದರಿಂದ ಕಾಂಪೋಸ್ಟ್ ತಯಾರಾಗಲು ಬೇಕಾಗುವಂತ ಮೈಕ್ರೋಪ್ಸ್ಗಳು ಸಿಗುತ್ತವೆ. ಈ ಮಜ್ಜಿಗೆಯನ್ನು ಸೇರಿಸುವುದರಿಂದ ಕಾಂಪೋಸ್ಟ್ ಸಂಪೂರ್ಣವಾಗಿ ಸಿದ್ಧವಾಗುತ್ತದೆ. ಕೊನೆಯಲ್ಲಿ ತೆಂಗಿನ ಸಿಪ್ಪೆಯ ಹುಡಿಯನ್ನು ಅದಕ್ಕೆ ಸೇರಿಸಬೇಕು. ನಂತರ ನಮಗೆ ದಿನ ಸಿಗುವ ಎಲ್ಲಾ ತಾಜ್ಯ ಪದಾರ್ಥಗಳನ್ನು ಮತ್ತೆ ಮತ್ತೆ ಅದಕ್ಕೆ ಸೇರಿಸುತ್ತಾ ಹೋಗಬೇಕು. ಮೊದಲು ಹಾಕಿದ ಎಲ್ಲಾ ಪದಾರ್ಥಗಳನ್ನು ಮತ್ತೆ ಸೇರಿಸುತ್ತಾ ಹೋದಾಗ ಆ ಪಾಟ್ ತುಂಬಿದ ಮೇಲೆ ಅದನ್ನು ಮುಚ್ಚಿಡಬೇಕು. 15 ದಿನ ಆದಮೇಲೆ ಕಾಂಪೋಸ್ಟ್ ರೆಡಿಯಾಗಲು ಶುರುವಾಗುತ್ತದೆ. ಕೆಳಗಿರುವುದನ್ನೆಲ್ಲ ಕಾಂಪೋಸ್ಟ್ ಆಗಲು ಪ್ರಾರಂಭಿಸಿ ಮೇಲಿನ ಭಾಗ ಹಾಗೆ ಉಳಿಯುತ್ತದೆ ಅದಕ್ಕಾಗಿ ನಾವು ಇನ್ನೊಂದು ಪಾಟ್ ಸಹಾಯದಿಂದ ಮೊದಲು ಕಾಂಪೋಸ್ಟ್ ಇದ್ದದನ್ನು ಇನ್ನೂಂದಕ್ಕೆ ಹಾಕಬೇಕು. ಆಗ ಮೇಲಿನದ್ದು ಕೆಳಗೆ ಹೋಗಿ ಕೆಳಗಿನದು ಮೇಲೆ ಬಂದು ಯಾವ ಭಾಗ ಕಾಂಪೋಸ್ಟ್ ಆಗುವುದಿಲ್ಲ ಅದನ್ನು ಕೆಳಗೆ ಮಾಡಿ ಇಡಬೇಕು. ಈಗ ಇದಕ್ಕೆ ಮನೆಯಲ್ಲಿ ಮೊದಲೇ ನಮ್ಮ ಹತ್ತಿರವಿದ್ದ ಸ್ವಲ್ಪ ಗೊಬ್ಬರವನ್ನು ಸೇರಿಸಬೇಕು ಮತ್ತು ಮೇಲಿಂದ ಸ್ವಲ್ಪ ಬೇಕಿಂಗ್ ಸೋಡವನ್ನು ಸೇರಿಸಿ ಅದನ್ನು 15 ದಿನಗಳ ತನಕ ಪುನಃ ಅದನ್ನು ಮುಚ್ಚಿಡಬೇಕು. ಹೀಗೆ ಎರಡರಿಂದ ಮೂರು ತಿಂಗಳ ಕಾಲ ಅದನ್ನು ಚೇಂಜ್ ಮಾಡುತ್ತಾ ಬರಬೇಕು. ಆಗ ಸಂಪೂರ್ಣವಾದ ಕಾಂಪೋಸ್ಟ್ ಸಿದ್ಧವಾಗುತ್ತದೆ.
ಇದನ್ನು ಬಿಸಿಲಿನಲ್ಲಿ ಒಣಗಿಸಿದರೆ ಡ್ರೈ ಕಾಂಪೋಸ್ಟ್ ರೆಡಿಯಾಗುತ್ತದೆ. ಇದನ್ನು ಗಿಡಗಳಿಗೆ ನೇರವಾಗಿ ಉಪಯೋಗಿಸಬಹುದು. ನೀವೇ ಮಾಡಿದ ಕಾಂಪೋಸ್ಟ್ಗಳನ್ನು ನೀವು ಬೆಳೆಯಲು ಇಚ್ಚಿಸಿದ ಗಿಡಗಳಿಗೆ ಹಾಕಿದರೆ ಉತ್ತಮ ಹಣ್ಣು ಅಥವಾ ಹೂಗಳು ಬಂದರೆ ಅದೆಷ್ಟು ಖುಷಿಯಾಗುತ್ತದೆ ಅದನ್ನು ಅನುಭವಿಸಿಯೇ ನೋಡಬೇಕು.