ಮುಂಬೈ : ‘ಸೂಪರ್ 30’, ‘ಬಾಟ್ಲಾ ಹೌಸ್’, ‘ಘೋಸ್ಟ್ ಸ್ಟೋರೀಸ್’ ಮತ್ತು ‘ಸೀತಾ ರಾಮಂ’ ಚಿತ್ರಗಳಿಗೆ ಹೆಸರುವಾಸಿಯಾದ ನಟಿ ಮೃಣಾಲ್ ಠಾಕೂರ್ ಅವರನ್ನು ಇತ್ತೀಚೆಗೆ ತೆಲುಗು ನಿರ್ಮಾಪಕ ಅಲ್ಲು ಅರವಿಂದ್ ಪ್ರಶಸ್ತಿ ಸಮಾರಂಭದಲ್ಲಿ ಆಶೀರ್ವದಿಸಿದರು.
ಈ ಸಂದರ್ಭದಲ್ಲಿ ಅಲ್ಲು ಅರವಿಂದ್ ಅವರು ನಟಿಯ ಶೀಘ್ರ ಮದುವೆಗೆ ಆಶೀರ್ವದಿಸಿದರು ಮತ್ತು ಮದುವೆಯ ನಂತರ ಹೈದರಾಬಾದ್ ನಗರದಲ್ಲಿ ನೆಲೆಸಲೆಂದು ಹಾರೈಸಿದರು.
‘ಸೀತಾ ರಾಮಂ’ ಚಿತ್ರಕ್ಕಾಗಿ ಅವರು ಮೃಣಾಲ್ ಅವರಿಗೆ ಅತ್ಯುತ್ತಮ ಮಹಿಳಾ ನಟಿ ಪ್ರಶಸ್ತಿಯನ್ನು ನೀಡುವ ಸಂದರ್ಭದಲ್ಲಿ ಅರವಿಂದ್ ಅವರು ಮೃಣಾಲ್ ಅವರನ್ನು ಶೀಘ್ರದಲ್ಲೇ ಮದುವೆಯಾಗುವಂತೆ ಆಶೀರ್ವದಿಸಿದರು. ” ಶೀಘ್ರದಲ್ಲೇ ಗಂಡನನ್ನು ಕಂಡುಕೊಳ್ಳುತ್ತಾಳೆ ಎಂದು ನಾನು ಭಾವಿಸುತ್ತೇನೆ. ಹೈದರಾಬಾದ್ ನಲ್ಲಿ ನೆಲೆಸಬೇಕೆಂದು ನಾನು ಬಯಸುತ್ತೇನೆ.” ಎಂದು ಹೇಳಿದರು.
ಅಂದಿನಿಂದ, ಮಾಧ್ಯಮ ವರದಿಗಳು ನಟಿಯನ್ನು ತೆಲುಗು ತಾರೆಯೊಂದಿಗೆ ಸಂಬಂಧದ ಬಗ್ಗೆ ವರದಿ ಮಾಡುತ್ತಿದೆ. ನಟಿ ಮೃಣಾಲ್ರ ಸಿಬ್ಬಂದಿ, ನಟಿ ಮದುವೆಗೆ ಇನ್ನೂ ಸಿದ್ಧವಾಗಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ. ಈ ವರದಿಗಳು ಆಧಾರರಹಿತವಾಗಿವೆ. ಪ್ರಸ್ತುತ ಅವರ ಏಕೈಕ ಆದ್ಯತೆ ಅವರ ಕೆಲಸವಾಗಿದೆ ಎಂದು ಅವರು ಐಎಎನ್ಎಸ್ ತಿಳಿಸಿದರು.
