ಬೆಂಗಳೂರು: ತಾಂತ್ರಿಕ ಪರಾಕ್ರಮಕ್ಕೆ ಹೆಸರುವಾಸಿಯಾದ ನಗರದಲ್ಲಿ, ಕುತಂತ್ರಿ ಚಿರತೆ ಬೀದಿಗಳಲ್ಲಿ ಅಲೆದಾಡುತ್ತಿರುವುದರಿಂದ ಬೆಂಗಳೂರಿನ ಒಂದು ಭಾಗದಲ್ಲಿ ಅರಣ್ಯ ಇಲಾಖೆಯು ನಿರೀಕ್ಷಿತವಾಗಿ ಸವಾಲನ್ನು ಎದುರಿಸುತ್ತಿದೆ. ಕಳೆದ ಮೂರು ದಿನಗಳಿಂದ ಬೊಮ್ಮನಹಳ್ಳಿ ಪ್ರದೇಶದಲ್ಲಿ ಕಾಣಿಸಿಕೊಂಡಿರುವ ದೊಡ್ಡ ಬೆಕ್ಕನ್ನು ಸೆರೆಹಿಡಿಯಲು ಕರ್ನಾಟಕ ಅರಣ್ಯ ಇಲಾಖೆ, ಮೈಸೂರಿನ ವಿಶೇಷ ಚಿರತೆ ಕಾರ್ಯಪಡೆಯ ಸಮನ್ವಯದೊಂದಿಗೆ ಶೋಧ ಕಾರ್ಯಾಚರಣೆಯನ್ನು ತೀವ್ರಗೊಳಿಸಿದೆ.
ಬೊಮ್ಮನಹಳ್ಳಿ ಕೈಗಾರಿಕಾ ಪ್ರದೇಶದಲ್ಲಿ ಚಿರತೆ ಕಾಣಿಸಿಕೊಂಡಿದೆ ಎಂದು ಬೀಟ್ ಪೊಲೀಸರು ವರದಿ ಮಾಡಿದಾಗ ಮಂಗಳವಾರ ಮುಂಜಾನೆ 2 ಗಂಟೆಗೆ ಎಚ್ಚರಿಕೆ ಗಂಟೆ ಬಾರಿಸಲಾಯಿತು. ತ್ವರಿತವಾಗಿ, ಪ್ರಾಣಿಯನ್ನು ಪತ್ತೆಹಚ್ಚಲು ಮತ್ತು ಸುರಕ್ಷಿತಗೊಳಿಸಲು ಅನೇಕ ತಂಡಗಳನ್ನು ಒಟ್ಟುಗೂಡಿಸಲಾಯಿತು, ಆದರೆ ಚತುರ ಚಿರತೆ ಶೋಧ ತಂಡಗಳಿಂದ ತಪ್ಪಿಸಿಕೊಂಡಿತು.
ಈ ಪ್ರದೇಶವನ್ನು ಎರಡು ಗಂಟೆಗಳ ಕಾಲ ವ್ಯಾಪಕವಾಗಿ ಹುಡುಕಾಡಿದರೂ, ಚಿರತೆ ಸಮಸ್ಯೆ ದೊಡ್ಡದಾಗಿ ಉಳಿದಿದೆ. ಅರಣ್ಯ ಅಧಿಕಾರಿಗಳು ಪಾಳುಬಿದ್ದ ಕಟ್ಟಡದಲ್ಲಿ ದೊಡ್ಡ ಬೆಕ್ಕಿನ ಕಾಲುಗುರುತುಗಳನ್ನು ಗುರುತಿಸಿದರು., ಚಿರತೆಯನ್ನು ಸುರಕ್ಷಿತವಾಗಿ ಕರೆದೊಯ್ಯುವ ಭರವಸೆಯೊಂದಿಗೆ ನೆಲಮಾಳಿಗೆಯಲ್ಲಿ ಆಯಕಟ್ಟಿನ ಬೋನನ್ನು ಇರಿಸಲಾಯಿತ್ತು.ಇವೆಲ್ಲದಕ್ಕೂ ಹೆಚ್ಚಾಗಿ ಕಾರ್ಯಾಚರಣೆ ನೋಡಲು ಬಂದ ಜನಸಮೂಹವನ್ನು ನಿರ್ವಹಿಸುವಲ್ಲಿ ಅಧಿಕಾರಿಗಳು ಹೆಚ್ಚುವರಿ ಸವಾಲನ್ನು ಎದುರಿಸಬೇಕಾಯಿತ್ತು.
ಅಕ್ಟೋಬರ್ 28 ಮತ್ತು 29 ರ ನಡುವೆ ಕೂಡ್ಲು ಗೇಟ್ ಪ್ರದೇಶದ ಸಿಸಿಟಿವಿ ಕ್ಯಾಮೆರಾಗಳಲ್ಲಿ ಚಿರತೆ ಸೆರೆಯಾಗಿದ್ದು, ಸುರಕ್ಷತೆಯ ಬಗ್ಗೆ ಸಂಬಂಧಪಟ್ಟ ಕೈಗಾರಿಕಾ ಕಾರ್ಮಿಕರಲ್ಲಿ ಆತಂಕವನ್ನುಂಟು ಮಾಡಿದೆ. ಈ ಪ್ರದೇಶವು ಹಲವಾರು ಕೈಗಾರಿಕೆಗಳನ್ನು ಹೊಂದಿದೆ. ಸದ್ಯ ಉದ್ಯೋಗಿಗಳು ಹೊರಾಂಗಣಕ್ಕೆ ಹೋಗುವಾಗ ಜಾಗರೂಕರಾಗಿದ್ದಾರೆ. ಅಕ್ಟೋಬರ್ 29 ರಂದು ಕೂಡ್ಲು ಗೇಟ್ ಬಳಿಯ ಕಾರು ಗ್ಯಾರೇಜ್ನಿಂದ ಹೆಚ್ಚುವರಿ ಸಿಸಿಟಿವಿ ದೃಶ್ಯಾವಳಿಗಳು ಎರಡು ನಾಯಿಗಳು ಚಿರತೆಯನ್ನು ಓಡಿಸುತ್ತಿರುವುದು ರೇರ್ಕಾಡ್ ಆಗಿದೆ.
ಕೂಡ್ಲು ಗೇಟ್, ಬೊಮ್ಮನಹಳ್ಳಿ, ಬಿಟಿಎಂ ಲೇಔಟ್ ಮತ್ತು ಎಚ್ಎಸ್ಆರ್ ಲೇಔಟನ ನಿವಾಸಿಗಳು ಚಿರತೆ ಸೆರೆಹಿಡಿಯುವ ಪ್ರಯತ್ನದಿಂದ ತಪ್ಪಿಸಿಕೊಳ್ಳುತ್ತಿರುವುದರಿಂದ ಆತಂಕದ ಸ್ಥಿತಿಯಲ್ಲಿ ವಾಸಿಸುತ್ತಿದ್ದಾರೆ. ನಿವಾಸಿಗಳು ತಮ್ಮ ಸುರಕ್ಷತೆಗಾಗಿ ರಾತ್ರಿಯಲ್ಲಿ ಮನೆಯೊಳಗೆ ಇರಬೇಕು ಅಥವಾ ಗುಂಪುಗಳಾಗಿ ಹೊರಗೆ ಹೋಗಬೇಕು ಎಂದು ಅರಣ್ಯ ಇಲಾಖೆ ಶಿಫಾರಸು ಮಾಡಿದೆ.
ಆನೇಕಲ್ ಅರಣ್ಯ ವಲಯದ ಅಧಿಕಾರಿಗಳು ಕಳೆದ ಕೆಲವು ದಿನಗಳಿಂದ ಅದರ ಚಲನವಲನಗಳನ್ನು ಸೂಕ್ಷ್ಮವಾಗಿ ವಿಶ್ಲೇಷಿಸಿದ ನಂತರ ದೊಡ್ಡ ಬೆಕ್ಕನ್ನು ಬಲೆಗೆ ಬೀಳಿಸಲು ಎರಡು ಬೋನುಗಳನ್ನು ಆಯಕಟ್ಟಿನ ಸ್ಥಳದಲ್ಲಿ ಇರಿಸಿದ್ದಾರೆ. ಇದಲ್ಲದೆ, ಚಿರತೆಯ ಚಲನವಲನಗಳನ್ನು ಪತ್ತೆಹಚ್ಚಲು ಡ್ರೋನ್ಗಳನ್ನು ಬಳಸಲಾಗುತ್ತಿದೆ. ಈ ಎಲ್ಲಾ ಪ್ರಯತ್ನಗಳ ಹೊರತಾಗಿಯೂ, ಚಿರತೆ ಪ್ರಬಲ ಎದುರಾಳಿ ಎಂದು ಸಾಬೀತಾಗಿದೆ, ಇದು ನಗರದ ನಿವಾಸಿಗಳಲ್ಲಿ ಭಯವನ್ನು ಹುಟ್ಟುಹಾಕಿದೆ.
